بنتي سنه وخمس شهور ولا تأكل ابدا..!!!!!! انقذوني أرجوكم

طالما أختي أنت بتعطيها الحليب على طول خلاص بتظل شبعانة وهو أسهل من الأكل فليش تاكل؟!




نظمي الحليب عطيها مثلا لما تصحى صباحا .. نصف كوب حليب وبيضة مقلية بدون دهن أو بمسح الطاسة بالزيت فقط (لا تكثري لها دهون ) ..

وإذا شربت الحليب ورفضت البيض خلاص لا ترغميها على الأكل ... لكن لا تعطيها حليب خااااااااااااااااالص تاني .. واتركيها حتى تأكل ولا تعزمي عليها .. بصفة مستمرة ..

سوي لها أكلات تاكلها بإيديها صحيح راح تبهدل المكان لكنها في النهاية ستأكل ..
أعطيها الأرز وعليه زبادي ..




سامحيني أختي رديت عليك بسرعة وبدون تفصيل ولي عودة فأنا متعجلة ...


سلام ...

هلا اختي من فترة الاخوات ذكرو ان العسل على الريق يفتح الشهية
فحاولي تعطينها ملعقة عسل اول ماتقعد من النوم وان شالله تاكل واشتري لها اطباق على اشكال حلوة مثل حيوانات او العاب وخليها تاكل فيهم وشجعيها وغني معاها وهي تاكل وان شالله بتاكل زين

ماشالله عليكم بنات عروس عودتونا على سرعة الردود وتفاعلكم جزاكم الله كل الخير

اختي اسماء حاولت معاها ونظمت لها شربها للحليب لكنها عنيده تظل على جوعها وتعاند وتبكي تقول (ديدي ديدي) ليييييين ما نرضخ لها ونعطيها الحليب

مسألة أكلها بايدها اصلا اهي مستحيل ترضى تاكل الا بيدها ما تاكل من يد احد تجننا تلعب بالاكل لعبه وبالاخر بعد ما تاكل

وانا اصلا انوع لها واحاول اسوي لها اي شي تشتهيه واغير لها لكن ماشالله عليها عنييييييده مافي فايده

اهلا اختي غذاري مشكوره اختي على الرد انا الحين اعطيها دواء لفتح الشهيه

العسل اولا اخاف منه لان وحده من اهلها ولدها صابه السكري وهو سنه و11 شهر بسبب انها تضع له العسل في الحليب وثانيا اصلا بنتي ما راح تفتح فمها وتاكل ملعقة العسل !!!!!

بالنسبه لاشكال الطعام ابوها كل مايشوف نوع يشتري لها بس نااااااادرا ما تاكل منه واذا كلش ربع بسكوته بالكثير

مرحبا نورة00الله يعينك من قلب0حاسة فيك حبيبتي00
انا اتوقع انك ما بديتي تعرفينها على الاطعمة من بدري 00صح او لا ؟؟بصراحة؟
انا كانو يقولون لي عرفي اطفالك على الاطعمة بالتدريج من عمر 4 شهور0ودخلي وجبات متنوعة وقللي وجبات الحليب بالتدريج 00بكذا تخلين طفلك يحب عدد اكبر من الاصناف00وهذا الشي من اصعب وظائف الام ويبي صبر غير طبيعي00طبعا شي فات بس يمكن تستدركين مع الطفل القادم انشالله00
اما هالبنوته الله يخليها لك انشالله, فزي ما قالت اسماء قوي قلبك وخليها تجوع علشان تاكل وتبدا تحب الاكل من اول وجديد00وجربي ولا تياسي00اعطيها ساندوتش توست بيدها او موز 00
سويلها سليق او جريش بالدجاج المفروم00اخلطي خضار مشكلة مع السليق00اذا ما اكلت منك اعطيها ملعقة تاكل نفسها00
عليييييييييك بالصبر والله يعينك00وزي ما قالت اسماء00لا تبينين لهاالعصبية لما تاكلينها اضحكي معها وحسسيها ان الاكل شي حلو00000000

اختي ما عندي لك حل لان الي عندي نفس الي عندج بنتي عمرها سنة و6 شهور نفس عمر بنتك تقريباونفس الحالة والبنات الي ردوا تراني حاولت معها نفس الي قلتوه بلا فايدة اخر حل توصلت اليه خليها على راحتها وقت ما تحب تاكل بتاكل شو اسوي انا حتى الحليب الصناعي ما تاخذه كل يوم اسوي المرضعة واكبها بدون ما تاخذ منها ولا قطرة حطيته لها بالكوب بعد ما خذته فيعني احس تعبنا معهم بلا فايدة فخليتها على راحتها شو اسوي حتى اني بطلت اشتري اكل لها من السوق خسارة فلوس على الفاضي كله ينكب وينرمي بالزبالة شوالفايدة حتى الخضرة المسلوقة ما تاكلها مع اني بديت معها من زمان من عمرها اشهر اعودها على الاكل اذا وصلت لحل بخبرج

حتى انا يابنات ولدي الحين عمره سنه وتسع شهور .. خاطري اشوفه ياكل اكل عدل مافي ومن النوع اللي مايحب يجرب الاكلات بس نوع معين مثلا عيش مع روب بس مايغير وياريته ياكل عدل مثل باقي اليهال اللي اشووفهم يعورني قلبي عليه ..

ولدي انا غير عن اليهال الحليب نادر مايشربه اتوقعون شيشرب اكثر شي ؟؟؟ الماي طول وقته ياليت الماي فيه طعم عشان يحب يشربه الكل مستغرب منه مادري شلون عايش مع ان ولدي من النوع اللي يلعب ويركض استغرب منه مايجوع !! مايحب ياكل الا الزيتون الاسود ويحب يمص الليمون .. شرايكم يعني هاي اكل !! الله يحفظه ان شاء الله ويهديه للاكل .. مثل ماقالت اختنا لفته المفروض ناكل اليهال من يوم هو صغير ونعوده للاكل بس الظاهر اني ماجابلته عدل يوم صغير بس الحين عندي بنتي 7 شهور احاول اني اعطيها من كل شي تطعمه واغير لها في الوجبات عشان ماتطلع نفس اخوها ...

ويعطيكم العافيه

السلام عليكم ورحمة الله وبركاته

لا تخافون هذا الشي طبيعي..

حتى بنتي كملت سنتين وشهرين تقريبا وهي هي بس ماما ابا دودو ترفعلي الضغط!! اقولها لا وقت الغدى اتقولي لااااااااااااااااا ابا دودو واتعق عمرها بالارض وتضربني وتصير عنيفه.. بس الحمدلله تحب العيش الابيض والروب والبطاطا.. يعني وجبه وحده باليوم فقط وباقي حليب.. وبعد الغدى لازم حليب شكلها اتحلي؟؟

جربو تعطون اليهال الارز الابيض+ بطاطا+ الروب صدقوني بيحبونه.. وسوولهم معكرونه بالنقانق الحمدلله حتى المعكرونه تحبه.. جربو هالوجبات الخفيفه وخفو عنهم الحليب.. وجربو الموز والتفاح بيحبونه واااااايد.. والمهلبيه يمي يمي..

بس جد جد هالمشكله في كل بيت حتى حريم اخوان زوجي عندهم ما شاء الله فوق 3 عيال وكلهم تقريبا فوق السنوات ال3 ونفس المشكله.. بس الحين قامو ياكلون لشوي شوي..

وصدقيني الشهيه تفتح لما يكونون بين يهال يعني ركزي يوم الياهل ايلس بين اخوانه ولا خواته ولا عيال همه ولا عماته ولا خالاته وغيرهم وهو ياكلون يقوم هو يجيسه فضول ويقلدهم وياكل..

مشكورات يا بنات على ردودكم

جزاكم الله كل الخير بنحاول معاها والله كريم

جزاكم الله كل الخير بنحاول معاها والله كريم

جزاكم الله كل الخير بنحاول معاها والله كريم