مشرفتكم شريفة تصرخ : انقذوني .. ابني الصغير .. اصبح عنيفا ....ماالحل ...؟

:confused: :confused: نفس مشكلتي مع بنتي ...اي شي في ايدها بترميه...ومرات ترميه على اختها الصغيرة..ولو اضربها على ايدها بس جنه العيد ولا جنه صاير شي ...


بس ناويه اعرضها على دكتتور .. :sad:


واحسن انه طبيعي في هالسن يسون هالشي ...ما ادري بس ان شاء البنات يفيدونج ....

الطفل ما يستوعب من الضرب شو الخطأ اللي سواه... لانه ما يقدر يربط بين الامور ... لكن لازم تقوليله بكل رقه انه ممنوع يرمي اي شي وان هذا غلط وبعدين تستخدمي معاه اسلوب الثواب والعقاب بس المهم انج في كل مره تشرحين له السبب...

يا ربي

الله يعينك

الحقيقه ما ادري وش اقول

انا ولدي يسوي نفس الاشياء

و الشي الوحيد اللي ينفع معه هو انه اذا قام يصرخ او يصيح

اقول له الجمله اللي صارت مثلا ::

اللي يصيح ما ياخذ شي

لين يسكت و اول ما يسكت اكلمه وارد عليه

بالنسبه اذا سوا غلط و رمى الاشياء عاد هاذي هوايه ولدي

احذره اني بعاقبه و اذا استمر

اوديه غرفه العقاب

و هي غرفه ما فيها اي شي خطر عليه و لا ممتع له يعني فاضيه على قدرا لامكان

عشان ما يتسلى و ينسى لا عشان يفكر باللي سواه

و الخبراء يقولون لكل سنه من عمر طفلك دقيقه يعني عمره 3 سنوات

خليه يقعد 3 دقايق و هكذا

الحقيقه انا ما اشترط كثير على الوقت

انا اقول له اذا سكتت و قعدت عاقل بفتح لك

بيصيح اول مره كثييير و يعاند

ثاني مره اقل

و بالاخير بيصيح شوي و بيعرف

ما راح تفتحين له لين ينطم و يسد حلجه (بالكويتي حلوه مني صح هع هع هع )


خخخخخخ

المهم بالاخر راح يبدا اذا دخلتيه غرفه العقاب يصيح شوي و اول مره اول ما يسكت ادخلي عليه

عشان يعرف انه سوا التصرف الصح بعدين المرات اللي عقب اصبري شوي

ادخلي عليه و قولي له هاه .. سكتت؟

بيقول ايه اهئ اهئ قولي له اقدر اتكلم معاك الحين؟

بيقول ايه

اقعدي خليك بمستواه يعني ما تكلمينه و انتي واقفه

قولي له انت تدري ليش حطيتك بغرفه العقاب؟

اذا عرف اكدي عليه اذا ما عرف علميه

قولي له هذا الشي مو زين والاولاد الشاطرين ما يسوون كذا

و انت شاطر عشان كذا خلاص توعدني هاذي اخر مره؟

بيقول لك ايه و بيعيدها كم من مره بس اصبري لين يفهم سالفه العقاب

و الغرفه الممله و بيتحسن باذن الله..

و قوليله يعتذر قول اسف لماما حبيبي و حب راسي

اذا سوا كذا قولي ايه هذا ولدي الشاطر و احضنيه و بوسيه و شوفي كشرته :))

انا استخدم هاذي الطريقه و الحمد لله على عناد ولدي تنفع

لكن مشكلتي لما اكون قدام الناس و لا اقدر اعاقبه و لا افضى له

على فكره لا تقولون بدري و لا صغير ترا الاطفال اذكى مكن ما نتصور:)

ان شاء الله تكونون استفدتوا من كلامي...

بالتوفيق

اختي هل هي عاده جديده ولا بديتي معاه علاج او ادويه جديده
اخواني الصغار صارلهم نفس الشي فجأه بس طلع من الأدويه اللي ياخذونها
فإنتي انتبهي لهالشي... اما لو هي مجرد عاده
كلميه بهدوء مره و مرتين و ثلاث... اذا ما نفع
قوليله ماما بتزعل منك او بابا بيزعل (اخواني مرات يتشيطنون بس هذي تنفعهم هههه)
يعني شوفي هو اقرب لمنو و قوليله بيزعل منك
صح في ناس ترفض هالإسلوب بس ماشاء الله اليهال صايرين شياطين :|

إن شاء الله تفيد وياه شي من هالطرق و الله يهديه و يهون عليج

حبيبتي الضرب لن يفيد .. بالعكس سيزيد الأمر سوءا بدليل ما فعله ابنك ...


أولا هاتي مشاية جديدة ولو حتى شكلها حلو (اللي بتنحط على عتبات البيبان) وخليها في مكان سهل تصلي إليه ... وفهمي ابنك إن هذا مكان الأولاد الأشقياء .. وكل ما يرمي شي خذيه في نفس الوقت لو في أيدك طبخة على النار اتركيها وأجلسيه على المشاية دققتين إلا شوية وخليكي قصاده صارخ ولا سوى اللي يسويه لا تسألي فيه خليك ثابتة على موقفك .. وتقولي له ستظل هنا دقيقتان .. ولن تنهض حتى ينتهيا ..


وبعد ما ينتهي الوقت قوميه وكلميه وقولي له إن رمي الأغراض شيء سيء وبيخرب أشياءنا وبيزعل ماما مننا .. واحتضنيه وبوسيه .. وقولي لهع إنك بتحبيه ..


كذلك يمكن متضايق على فكرة الأطفال بيجي لهم اكتئاب .. لا يكون محبوس وضايق خلقه من الحبسة؟

اشتري مجموعة قصص واقرأي له كل يوم ...

اشتري له ألوان وكتب تلوين ودعيه يلون (اختاري الصور الكبيرة ذات المساحات الواسعة وليست المحتوية على تفاصيل صغيرة) ..


هاتي له قلما رصاصا ومحاية ودفتر واتركيه يكتب واطري على كتاباته (اقصد شخبطاته) ..

هاتي له منط .. يخلص طاقاته الزائدة عليه ..


وطمنينا .. على الغالي ...

الحل الوحيييييييييييييييييييد تطنيش أفعاله وكأنك لم تري شئ
وعدم التدقيق عليه
وشوفي يمكن عنده أسنان طالعه جديده لأنها تقلب مزاجات الأطفال
أوووووووووصيك بعدم ضربه أبدا لأنه سوف يزيد العناد
والله يصلحه ويخليه لك والله يعين عليهم

حبوبه هذا شي عادي بالطفل في هذا السن لانه يبدا يفرض سيطرته و يثبت وجوده

بس انتي صيري معاه ذكيه
اول ما يرمي شي خذي لعبته مثلا و ارميها و لا اخذي شي هوه وايد يحبه و ارميه عنه بالزباله و لا ترجعينه

لا تتراجعين هحتى لو بكى

و لا تغفلين عنه لو رمى شي ارمي عنه شي مفضل عنده
و لو ضرب احد
سيلي الشخص اللي ضربه عندك و قوليله ابوديه الالعاب و اشتريله هديه لانك انته زعلته و ضربته
انا بصير ماما له و ما اصير ماماتك

يعني انتي زعلي منه و لاتعصبين
فتره و بيصير بس يفكر يرمي شي بيتذكر العابه

بس اهم شي لا تترددين و تتراجعين لو بكى

خلج عادي

و ايام و و بينسى هالعاده

أختى شكلنا كلنا نعاني من هالمشكلة... ولدي لما يعصب يحذف اللي في يده ومايهم شنو كان...

متخذه معاه إسلوب (إذا سويت ماراح آخذك الألعاب) آشوف شوي فادت،، وفكرة الأخت أسماء عن المشاية بعد حلوة،، بنشوف شي مشابهه (لأني عطيت مشايته لبيت خالي)ويارب تنفع الطريقة...

بشرينا أختي شريفة شنو الأسلوب اللي فاد معاه....

رانيا البحرينية:
أختى شكلنا كلنا نعاني من هالمشكلة... ولدي لما يعصب يحذف اللي في يده ومايهم شنو كان...

متخذه معاه إسلوب (إذا سويت ماراح آخذك الألعاب) آشوف شوي فادت،، وفكرة الأخت أسماء عن المشاية بعد حلوة،، بنشوف شي مشابهه (لأني عطيت مشايته لبيت خالي)ويارب تنفع الطريقة...

بشرينا أختي شريفة شنو الأسلوب اللي فاد معاه....

خخخخخخخخخ موتيني ضحك يا رانيا


اللي إحنا بنسميها مشاية مش بس اللي بنحطه فيها لما بيبدأ يتعلم المشي


لأ قطع الموكيت اللي بتنحط على عتبات الأبواب

وممكن تستخدمي كذلك كرسي لا يستعمل إلا لهذا الغرض ...

يا رب يكرمك فيه ويقر عيناك به ويرزقك بره .. وبر زوجته ..

حلوو هذا الأسلوب

والله يهديه