أغراض طفلي

مراااحب الغاليه

حبيبتي رف واحد احسه ما يكفي للصغيرون ..

ليج ما تشترين له الكبت مال الادراج يعني ما يكون وااابد اكبير ولا اصغير .. انا الصراحه اشتريت لولدي الله يخليه الكبت هو يعني مو كبت يعني متوسط الحجم فيه 5 ارفف (ادراج ) وفي كل درج محطيه فيه شيء .. يعني الاول محطيه فيه فنانيلات الشبك (ملا بسه الداخليه )) ويا ملابس النوم بس
والثاني بعد ملابس النوم ... والثالث ملابس الطلعااات .. الرابع اغراض الاستحمام يعني الفوط
واخر درج محطيه فيه الالعاب والاغراض اللي ما تستخدم وايد وجذيه .......

واذا انت ما عندج مكان لها الكبت تقدرين مثلااا اتحطين ملابس الطلعه في اخرالدرج .. وملابس النوم جدام اقرب لج احس بتستخدميها ا اكثر وعداله الملابس الداخليه ..

ان شاء الله تستفيدين مني

فكرتش حلوه الغالية تسليمن وما قصرتي

الفردوس

هلا أختي .. بصراحة أنا كنت مسوية سلات أضع فيها القطع الصغيرة من الملابس والألعاب بدون تطبيق .. وتوضع السلات تحت السرير .. وملابس الخروج على الشماعات ...

انا من رايي ان الرف اللي في الكبت مالج
تخلين فيه ثياب الطلعات والرفين اللي جنب سريره تخلي فيهم لبس النوم والثياب الداخلية والرف الثاني اغراض الحمام فوط وغيره

الغالية أسماء زكي الدين معقول السلات بتدخل تحت السرير وكم سيله يبيلى


الغالية غداري بس الرف الى في كبتى كبير وايد يسع كل ملابسه ؟؟؟؟؟؟؟؟


وتسلمن الغاليات


الفردوس

أختى أفضل أنك تشترين خزانة ذات الأدرج وتعليق على جهة، لأن راح تكثر الملابس وتحتاجين مكان.. شوفي الرابط بالأسفل،، كان موضوع نقاش حول أفضل الخزائن للطفل..

أي خزانة تفضلينها لتخزين ملابس طفلك؟؟

الفردوس:
الغالية أسماء زكي الدين معقول السلات بتدخل تحت السرير وكم سيله يبيلى


الغالية غداري بس الرف الى في كبتى كبير وايد يسع كل ملابسه ؟؟؟؟؟؟؟؟


وتسلمن الغاليات


الفردوس

أي حبيبتي تدخل .. موالسلات الطويلة لأ اللي شكلها بيضاوي أو مستطيلة وبنستخدمها في المطبخ

لا أقصد الأرف الخاصة بالخضروات والفواكه لأ .. اللي بتشتريها منفصلة ..


لما ارجع من الجامعة أصورها لك ...

أنا كنت مستعملة 3 واحدة للألعاب وواحدة للملابس الداخلية وملابس النوم وواحد للحفاضات والكلوتات لأني كنت باستعمل الحفاضات القطنية اللي بنغسلها ونغليها ...

خلاص حبيبتي اذا في امكانية تحطين كل ملابسه في درج واحد مافي مشكلة بس انا افضل ان كل شي اصير في درج اسهل واسرع يعني ملابس الطلعة في درج وملابس النوم في درج واغراض الحمام في درج

واذا في امكانية تشترين له خزانة خاصة فيه يكون احسن واللي اريحك سويه