اخوي تعبني..نصيحتكم يا بنات

السلام عليكم ورحمه اله وبركاته

تحيه عطره معطره بالريحان ابثها لكم يا شقيقاتي بنات عروس

بدخل بالموضوع علطول

انا مشكلتي مع اخوي الجعده ( اخر العنقود) صراحه اعشقه واحبه حب بشكل كبير في البدايه من كان عمره 3 سنين وهو اغلب الوقت عندي كوني الاخت الكبيره في البيت وكان يقعد بحضني والعب معاه والخ من هالامور ولمه كبر شوي بعمر ال6 وال7 سنين كان اذا صار له شي علطول يشتكي لي وكنت المحامي الخاص له :sad:
الحين اخوي الله يعطيه طوله العمر في سن المراهقه ويبلغ 15 سنه لكن المشكله اني الحين في مشاكل دائمه معاه وما يحترمني واحيانا توصل للضرب بيني وبينه والضرب الشديد القوي( ركل - ضرب -صفعات والخ ) مع ان الوالد والوالده الله يطول بعمرهم دايما يحذرونه من هالشي وينبهونه

انا الحين ما اكلمه صار لي فتره فوق الاسبوع ..قبل كان اذا صار بيني وبينه مشكله اكلمه عادي بعد 10 دقائق او نصف ساعه لكن اخر مره عقب المشكله كلمته فرد علي باسلوب محبط:sad: وقلت له بما انك تبي تقاطعني ما عندي مانع والى اليوم ما اكلمه لكن المشاكل كثرت بيني وبينه واخرها امس تعاركنا مرتين (ضرب وشتم الخ )
وصار يعاندني كثير وما يحترمني وانا خايفه من هالشي مستقبلا اخوي واحبه ومابي اخسره

احيانا افكر والوم نفسي واحيانا اقول لا انا غلطانه وكاني طفله واشعر ان اللي اسويه عمل اطفال واحيانا اقول يستاهل اللي يجيه
للامانه لا اخفي عليكم اني احيانا اتلفظ عليه بكلام قاسي واذكره بمواقف ممكن تزعله وتحبط معنوياته واذكره بمواقف التحذير من الوالد الله يطوله بعمره واقلده كيف كان يبكي من التحذير والكلام (اخوي حساس ) والخ من هالامور لكني والله احبه واندم على هالشي بعد فتره

شنو الحل معاه انا احبه لكن اشعر انه ما يحترمني او ما يبين في عينه اللي اسويه له مثلا اذا عطيته شغله او هديه ما يفكر ويقول اختي سوت كذا وكذا لازم اقدرها لا عادي عنده ثاني يوم نتضارب

خواتي انا الجا لكم بعد الله سبحانه

1- ماهو الحل مع اخي ؟؟
2- هل انتو يصير معاكم نفس الشي .؟؟؟؟؟وهل اللي يصير شي طبيعي بكل بيت ؟؟؟ ام ان المشكله فيني انا ؟؟

3- اتقبل اي نقد منكم خواتي بصدر رحب وترحيب فقولوا ولا تستحون

علمان من اني ابلغ من العمر 22 عاما

صراحه المواقف بيني وبينه اعمق من هالشي واكبر لكن هذا الي قدرت اكتبه :sad:

شكرا لكم واسالكم الدعاء... المشكله هذي متعبتني شوي