طريقة تعديل نوم الطفل

الله يعينج

والله انا ابي حد يعدلي نومي المخترب مو بس بنتج

انتي لاتخلينها تنام

حتى لو صاحت
خليها واشغليها وخليها طول اليوم تلعب وتحوس وتدور لين تتعب بالليل وتنام

والله يخليها لكم

تعرفي بنتي نفس الطبع تعذبني بالرقاد مرات اخليها بالصالة مع الاهل واروح انام من كثر التعب وهي سهرانه لدرجة عادي كانت تقعد للساعة 2 و 3 لكن شو سويت احاول قدر الامكان ما اخليها تنام العصر او المغرب اطلعها الاعبها لين الساعة 10 اسبحها وارضعها وانيمها تنام للصبح طبعا لازم تقون شوي طبع اليهال وترد تنام

صح بعض المرات ما اقدر عليها اخليها صاحية العصر تنام غصب العصر او بعد المغرب وهنا اعرف ان السهرة صباحي اليوم لكن احاول معها يوم بعد يوم وان شاءالله تستمر

باختصار سوي مثلي ما تنيميه الظهر ولا العصر وسوي اي شي عشان ما ينام طلعيه السوق لا عبيه اي شي ومن بعد الساعة 9 عاد سبحيه ورضعيه وبينام لكن حاولي تاخريه بالنوم يعني بين 9 وال 10 عشان ما يشبع نوم ويقوم ويوم بعد يوم بيتعود في هالحالة ممكن يصحى لج الساعة 8 او 9 خليه صاحي ريقيه ولا عبيه خليه صاحي لفترة وبعدين هو بروحة بيصيح يبا ينام عشان قام بدري رضعيه وخليه ينام وقت ما يصحى يصحى عادي ممكن يقوم 1 او 2 او 3 براحته بعدين خلاص مافي نوم الا بالليل بعد السبوح ومثل ما قلت لج اصبري عليه لين يتعود انا بنتي عمرها سنة ونص وبعدي احاول فيها مرة اغلبها ومرة تغلبني بس افضل من قبل الحمدالله

هلا اختي وردة العتبان

الله يخلي لج بنج الحلوه ان شاء الله


حبيبتي انا عندي في موسوعة الفراشه مكتوب ان الطفل في السن العام الواحد ان ينام 11 من الليل
و ساعتين ونصف اثناء النهار .. اما متفرقه اي اخذ غفوه واحده او غفوتين في النهار..

المهم .. انا انصج انج تبدين وياها النهار من الساعه 7 او حتى 7ونص .. (( اذا ما اتقدرين خليهااا 8 ))
بس افضل 7ونص حلو.. خليهاا تتريق .. والعبي وياااها قد ما تدرين .. او خليها فترات مع التلفزيون بس لاتخلينها تقعد وايد عند التلفزيون مو زين عليهاا وااايد بعدهاا اصغيره .. ووفي وقت الغذاا يعني الساعه 12 ونص حاااولي اتغذينهااا قبلج واتشبعينهااا وعطيعااا عصير ولا حليب .. اللي متعوده عليه .. ورقديهااا لين الساعه 3 تقريبااا انزين او اخري ارقادهااا يعني رقديهااا 2 ونص عشان اتقوم لج الساعه 4
وبعد ما اتقويمينهااا لا اترقدينها لين الساعه 8 فليل او 8 ونص
يعني مثل ما قالوا البنات العبي وياااها سوي ايشىء عشان تشغلينهاا عن النوم واذا حممتيها قبل النوم فليل بترقد لج لين الصبح ......

اتمنى انج تستفيدين مني .....

انا بنتي كانت نفس الحالة ماتنااااااااام الا الساعة 3 الفجر وبعدين حاولت وحاولت والحمدلله ماتعدل لكن تحسن نومها الحين تنام الساعة 12 في الليل وتقعد الساعة تسع الصبح الحمدلله انا مرتاحة من هالشي بس بحاول معاها تنام قبل بس اكيد كل شي صعب بالبداية فانتي حاولي تقعدينها من الصبح الساعة 8 وخليها تاخذ قيلولة بس لاتطول فيها ساعة وبالكثير ساعة ونص وقعديها وفي الليل مثل ماقالو الاخوات سبحيها ونيميها وان شالله تنام لج طمنينا عنج

انا ولدي نفس الحال
حاولت وما زلت احاول مشكلته انه بعد ما ينا م الساعه 11 ايقوم نشيط على الوحده وايتم سهران لين3.5
بس لاياس مع الحياه ولا حياه مع اليأس.

أختى ماقصروا معاك البنات، شوفي الرابط بالأسفل راح يساعدك في تنظيم نوم طفلتك في إسبوع إن شاء الله...من هنا

يعطيكم العافية بنات بس بحاول فيها انشالله تجيب نتيجة بس امس نامت من الساعة وحدة لي 4ونص الفجر وبعدين نامت 6 صبح وقامت 12 الظهر وهذا عندي انجاز بس يبيله وقت

السلام عليكم

الله يساعدج اختي
انا ولدي عمره اقل من شهر يصير اطبق عليه نظام معين؟؟؟

حرام ام علي علاوي حيييييييييييييل صغي خليه علي راحته


وانا تري للحين ماعدلت نوم بنتي بس الحين ساكتتلها الان رمضان والروتين واحد بس وري العيد بحمر العين عليها

السلام عليكم أنا بنتي عمرها 11 شهر ونشيطة ماشاء الله بس مشكلتها النوم تنام الساعة 8 صباحا وتقوم الساعة 5 أو 6 بالنهار وأحاول ايقاضها مع الساعة 1 او 2 بس ماترضي تقعد تبكي وحتي أحاول ألعبها وأنشطها تنام وحتي وهي جالسة، تعبت معاها وتنام مرة ثانية الساعة 9 بالليل وأحيانا 12 بالليل وتقوم 2 أو 4 وبعدين ل8 الصبح والله انقلب روتين اليومي ساااااااعدوني أرجوكم.