نبتدي الدرس
خطوات التنفيذ
الخطوة الاولى:
تعريف الجليتر
وأنا اخترت هذا الشكل
ويتكون من 3 شرائح وهي:
نقرة على اليمين على الصورة المطلوبة (الجليتر المطلوب) و Save Picture As ،، نكرر العملية
السابقة مع جميع شرائح الجليتر على حسب عددها
وفي المثال المشروح عندنا 3 شرائح
الحين نفتح برنامج الفوتوشوب وافتحوا صور الجليتر اللي خزنتوها
صار عندنا في الشاشة 3 صور للجليتر
بس لازم أنبه ان 99.5% من صور الجليتر بصيغة GIF وهذي الصيغة تكون محمية
يعني ما نقدر نتحكم فيها
عشان جذي لازم انغير خاصيتها وهذا اللي بنسويه الحينه
نحدد الصورة الاولى ،، بتلاحظون ان لون البراوز بيكون فاقع ،، نروح لـ
Image >> Mode بنلاحظ ان عند كلمة Indexed Color في اشارة صح
لازم نغيرة لـ RGB Color
يعني Image >> Mode >> RGB color
شوفوا الصورة:
وبعدين نروح لـ Edit >> Define Pattern
مثل ما هو واضح في الصورة
راح يطلع لكم بوكس عشان اتعرّفون الباترن ( اللي هو نفسة الجليتر ) وتختارون له اسم
ممكن تحطون أي اسم وممكن تقبلون الاسم الموجود وتضغطون Ok
لاحظوا الصورة
انصحكم بان الصورة (الجليتر) اللي طبقنا عليها العملية السابقة تسكرونها على طول
عشان ما تتخربطون
ونتبع نفس الخطوات مع باقي الجليتر
الخطوة الثانية:
تعبئة النص بالجليتر:
1- كالمعتاد ،، File >> New مثل ما هو موضح في الصورة التوضيحية
راح يطلع لكم بوكس عشان نختار حجم الصفحة ونوعها هني انا اخترت
400 Pixels للعرض و 400 Pixels للطول والـ **************s خلوها Transparent
مثل ما هو موضح في الصورة
واضغطوا Ok راح يطلع لكم صفحة العمل مثل ما هو موضح في الصورة
2- باستخدام أداة الكتابة نكتب النص المطلوب ،، وهني انا كتبت Mas7o0o0or
وقبل ما نتكلم عن هذي الخطوة اللي مو طالع عنده بوكس الليرات
يروح على اعلى الصفحه ويضغط على Window
ويتأكد من وضع إشارة صح على كلمة Layers
3- ننسخ اللير الموجود على عدد شرائح الجليتر وفي هذا الدرس عندنا 3 شرائح للجليتر
وذلك عن طريق نقرة على اليمين (على اللير المطلوب نسخه) بعدين Duplicate Layer
مثل ما هو موضح في الصورة
يعني في النهاية لازم يكون عندنا ثلاث ليرات مثل ما هو موضح في الصورة
لاحظوا الصور التوضيحية
الحين راح نشتغل على اللير الاول:
نقرتين على اليسار على اللير الاول (او نقرة على اليمين ونختار Blending Options)
بس عندي ملاحظة مهمة شيلو علامة العين من كل الليرات
وخلوها بس على اللير اللي تشتغلون عليه
طبقوا هذا الشي في كل الخطوات الموجودة في هذي الفقرة
لاحظوا الصورة:
الحين راح يطلع لكم بوكس على يساره فيه قائمة طويله
على يسارها في مربعات اختيار صغيرة
ــ طبعا هذا البوكس عجييب ويعطي تأثيرات حلوة على الأشكال والنصوص
لكن في هذا الدرس راح نستخدم ثلاث خصائص منها فقط
وهي:
1. Drop Shadow
2.Pattern Overlay
3.Stroke
لاحظوا أماكنها في الصورة
الخاصية الأولى اللي هي في بداية القائمة Drop Shadow نكتفي بان نحط علامة صح
في البوكس الصغير
يعني مجر كلك في المربع الصغير لا تضغطون على Ok لي الحين ما خلصنا
انتقلوا معاي للخاصية الثانية مكانها في القائمة قبل الاخير اللي هو Pattern Overlay
هني نحتاج لشوية شغل خلكم معاي لما تيون تحددون هذي الخاصية
لا تضغطون على المربع الصغير اللي على اليسار مثل ما سوينا في الخاصية الأولى
خذوا مؤشر الماوس وروحوا على الكلمة نفسها (( Pattern Overlay )) واضغطو عليها
لما اتسوون هذي الحركة راح تلاحظون ان محتوى البوكس اتغير بالكامل
وأهم شي راح يطلع لنا هو المربع الكبير اللي بالوسط
وغالباً يكون لونه رمادي على شكل دواير نضغط على ها المربع
مثل ما هو موضح في الصورة الأولى تحت
وراح يطلع لنا كل الباترنز المخزن عندنا
ومن ضمنه الجليتر اللي عَرّفناه للبرنامج في الخطوة السابقة
واذا ما حصلتوه جدامكم نزلوا السهم لتحت لانه الباترن اليديد يتخزن آخر شي
لاحظوا الصورة الثانية تحت
الصوره الاولى
الصوره الثانيه
حصلتوه ؟
حلو حلو هذا معناه انكم ماشين في السليم
الحين اضغطوا على الجليتر المطلوب ــ عندنا 3 جليترات من اللون الازرق
نختار واحد منهم ويستحسن ناخذهم من اليمين أو من اليسار عشان ما انلخبط
وأنا هني أخذت أول واحد من اليسار
ولما تضغطون عليه راح تلاحظون تغيرات على المربع الرمادي
ومربع عرض التأثيرات
لاحظوا الصورة:
لي الحين ما خلصنا من هذا البوكس ،، يعني لا تضغطون على Ok
وصلنا للخاصية الأخيرة إضافة حدود للشكل موقعه من القائمة الأخير واسمه Stroke
وبعد لازم ننقل مؤشر الماوس على كلمة Stroke ونضغط عليه
مثل ما سوينا في الخاصية الثانية
راح تلاحظون ان الشاشة تغيرت مرة ثانية ،، وطلع لنا مربع احمر صغير
هذا المربع وظيفته تغيير لون الحدود اللي بتحطونها حول الشكل
يعني اذ الجليتر عندي ازرق فلازم اختار لون يتماشى معاه وهني انا اخترت لون الاسود
لتوضيح أكثر لاحظوا الصور:
ولما نضغط على المربع الأحمر بيظهر لنا بوكس الألوان نختار اللون اللي يتماشى مع الجليتر
خلصتوا من هذي الخطوة ؟؟
واخيراً اضغطوا على Ok
شوفوا التغيير اللي صار على النص
عودة لبوكس الليرات
مثل ما قلنا في بداية هذي الخطوة ان احنا لازم نحط علامة العين على اللير اللي نشتغل عليه
و نشيلها من الباقي الحين احنا خلصنا شغلنا في اللير الأول
نشيل منه علامة العين ونحطه على اللير الثاني
اللي بنشتغل عليه ملاحظة بسيطة بالنسبة للير الاول
طبعاً بتشوفون ان في قائمة صغيرة باللون الابيض نزلت من تحته
هذي هي الخصائص اللي طبقناها في اللير شيلو العين من اللير نفسه يعني بس اللير الأول
أما الباقي راح ينشالون اتوماتيكياً
لاحظوا الصور:
الكلمة اللي كتبتوها راح ترد مثل قبل وهذا لان احنا شلنا اللير اللي اشتغلنا عليه
عشان نعيد تطبيق نفس الخطوات على اللير الثاني
لاحظوا شكل الكلمة
الحين نعيد نفس الخطوات اللي سويناها في الخطوة الثانية
يعني مرة ثانية نقرة على اليمين على اللير الثاني ونختار Blending Options
لازم نكون دقيقين في اعادة تطبيق الخطوات اللي سويناها في اللير الاول
عشان الشكل النهائي للنص اللي نشتغل عليه ما يتبهدل
راح اعيد لكم باختصار الخطوات:
1- Drop Shadow ، اللي هي اضافة او اسقاط ظل للصورة ونكتفي بنقرة على المربع الصغير
2- Pattern Overlay وهي تعبئة النص او الشكل بالجليتر
بس في ملاحظة بسيطة ومهمة لما نعبئ الجليتر نختار الجليتر اللي بالنص
عشان في المرة الاولى اخترنا الجليتر اللي على اليسار
والحين راح نختار اللي بالنص
وعلى اللير الثالث راح نختار الجليتر المتبقي واللي هو على اليمين لاحظوا الصور
3- Stroke إضافة حدود للشكل
انطبق هذي الخطوات حرفياً باستثناء الملاحظة اللي نبهتكم عليها ،، ثم نضغط Ok
هذا بالنسبة للير الثاني ونشيل علامة العين من هذا اللير وانحطه على اللير الثالث
وانطبق نفس الخطوات باستثناء الملاحظة السابقة
عن اختيار الجليتر في تعبئى النص Pattern Overlay
الخطوة الثالثة:
تحريك الجليتر
لما نحط الجليتر على كل الليرات الموجودة عندنا
واللي شرحناه بالتفصيل الممل في الخطوة السابقة
لازم ننتقل للامج ردي (Adobe ImageReady)عشان نحرك الجليتر أو نعطي تأثير اللمعة على النص أو الشكل اللي نشتغل عليه ،،
بس قبل ما ننتقل لازم نرد علامة العين على كل الليرات الموجودة عندنا
لاحظوا الصورة:
الحين بننتقل
بس لحظة......؟؟
ما تلاحظون أن الكلمة ضايعة في البراوز؟
شرايكم انحددها أكثر
باستخدام أداة القطع الموضحة في الصورة:
نحدد مجال النص يعني خذوا مساحات بسيطة من حدود النص
لاحظوا الصورة:
وبعدين نقرتين على الصورة بشكل سريع
أو نضغط على Enter من لوحة المفاتيح وشوفوا النتيجة:
هاي العملية انسويها مرة وحدة بس والتعديل بيشمل كل الليرات اللي عندنا
الحين اقدر اقول ان احنا بننتقل للامج ردي واحنا مرتاحين ..
طرق الانتقال للامج ردي هي:
الطريقة الأولى: File > Jump To > Adobe ImageReady
الطريقة الثانية: Shft + Ctrl + M
ها ،، وصلتوا للامج ردي
راح تطلع لكم الصورة اللي إحنا سويناها بالجليتر فوق
وتحت راح يطلع لكم شريط موجود فيه صورة وحدة بشكل صغير
هذا الشريط هو شريط الحركة أو الـ Animation
واللي مو طالع عنده يروح على اعلى الصفحه
ويضغط على Window ويتأكد من وضع اشارة صح على كلمة Animation
اللي لازم انسويه الحين هو ان نطلع الليرات الثلاثة اللي اشتغلنا عليها
يعني لازم يكون عندنا ثلاث صور في الشريط
لاحظوا السهم الصغير اللي على يمين الشريط
اضغطوا عليه بيظهر لكم قائمة اختاروا منها:
Make Frames From Layers
شوفوا الصورة:
ولما تختارون Make Frames From Layers
راح يطلع لكم الليرات الثلاث في شريط الانيميشن
وفي نهاية كل براوز في الشريط بتشوفون مكتوب sec. 0
هذا لتحديد وقت ثبات الصورة بس في الجليتر ما انصحكم باستخدامة
لأن كل ما كانت حركة الصور اكبر يكون تأثير اللمعة اقوى
لاحظوا معاي:
ولو ضغطتوا على رمز الـ play
الموجود أسفل شريط الانيميشن بتشوفون إنجازكم الصورة وهي تتحرك
شوفوا الصورة:
خلصنا الشغل
يلا خلونا نخزن الشغل الي سويناه طبعاً انخزنه في الامج ردي :
File > Save Optimized As
والنتيجه
صج ياليت تطبقون الدرس وتوروني ( تشوفوني ) تطبيقكم
