فراغات الفروه والعلاج ..!!

بسم الله الرحمن الرحيم

عزيزاتي السيدات والانسات اللاتي يعانن من تساقط الشعر والفراغات في الشعر
انا كنت اعاني من الفراغات كثير من بعد ماكان شعري كثيف جدا وبعد ماتخرجت من الثانويه خف وايد والى الان وانا تقريبا عمري ربع قرن :shy: قولوا ماشاء الله الين مالقيت الحل ..

طبعا ماخليت ثوم ولا دواء ريحته خايسه وحتى حلوه وظربت ابر الميزوثروبي واستعملت نيوكسيدل
المهم اتعالجت وايد ومافي فايده الين ماشافتني حرمه ربيعة امي ونعتتني على حرمه تبيع دواء في عيمان المهم كلمت الحرمه وسالتها اساله كثيره عن الدواء لاني اتعقدت قلت اكيد مجربتنه ومافي فايده المهم
قلت لها شومضمون الخلطه قالت لي زيوت وطبعا كنت ابا اعرف المقادير وهالاشياء قالت لي التجاره شطاره ومايستوي اقولج المهم قلت باخذ غرشه وبجرب .:angry:

اشتريت الغرشه الله يغنيكم عنها صغيرونه كبر كف اليد والدواء ريحته :gum: خايسه مثل ريحة الفليت المهم ماعليه اي كتابه ولا شي .

وقالت لي شرط اذا مااختفت هالفراغات ارد لج فلوسج ...!؟
اتشجعت وقالت لي لازم استعمله يوميا فليل واغسل شعري الصبح بشامبو الاطفال بيبي جونسون لا دموع بعد اليوم

لان تكرار الغسيل بشامبوهات الجمعيه تتلف الشعر واتعبه

وماانكر بصراحه كنت اغسل شعري تم الريحه في شعري بس اخليه طلق وحاليا اتعودت على الريحه
المهم انا لي استعمله الشهر الثالث طبعا هذي رابع غرشه اشتريها والغرشه ب350 درهم
بصراحه الدواء غالي لكن يستاهل
الحين فيه شعرات صغار يتطايرين ويخربن تسريحتي وامي تقولي قبل كنت اشوفج قلبي يعورني واحس بحرقان لو يستوي اشل فروة راسي واركبها على راسج والله بسويها بس الحين امي سعيده وانا راضيه عن نفسي بعد الحمدلله على كل حال .

انا هنا مب عشان اسوي دعايه للحرمه انا هنيه عشان اقول لكل امراه تعاني من هالمشكله هنالك الحل ...!!

الله يشفي كل انسان ويبعده عن الادويه .ولايحوجه لطبيب يشفيه يارب.

والله على مااقول شهيد ..

واذا طلبتوا رقمها تراني مابطرشه الحين هيه مب مذله بس المنتدي مايسمح لي اطرش رسايل

كنت ابا اشتري شي من صاحبة الالعاب الزوجيه وماسمحولي واخاف راحت عليه اللعبه ..:sad: