مشكلتي مشكله

حبج لاختج مب معناته تمحين نفسج
لكل شي حدود و حدود الانسان كرامته
تعلمت من الحياة اني احب نفسي بالاول و بعدين احب الناس
اسعد نفسي قبل ما اسعد الناس فاقد الشي لا يعطيه
اختي ولد عمج مب لعبه عندج تعطينها لاختج دون مراعاة لمشاعره هو
اختي حبيبتي انا ما كنت اختلف عنج .. خواتي كانن يقولن انتي مغروره و شايفه نفسج و نحن نكرهج .. احيانا اختي كانت تقول ريلي يكرهج او ما يحبج .. كنت اقول ما يهمني لو شو تقولون المهم انا احب نفسي و فوق هذا ما قط مرة قصرت وياهن اللي يبنه اسويه بس ما يكون على حساب نفسي و اعصابي و كرامتي ...

تذكري محد بيبقالج حتى اختج هذه الدنيا تاخذ كل شي .. تعلمي تعطين و تاخذين .. مب تعطين بدون ما تاخذين ...

و انا لو مكانج اشوف بنت عمي و اسألها هو ليش خطبني انا بالذات مع ان عندي اخت اكبر عني ..
و صلي استخارة في امرج و ادعي ان الله يحنن قلبها عليج و يهديها .. و يرزقها ريل صالح ...

....مشكوره..اختي على ردج...صح كلامج لازم احب نفسي قبل غيري ...انا اعتبرها امي قبل اختي...صح كلامها قاسي معاي...و تصرفاتها ما تعجبني...بس همي احبها..ما لي غيرها في هذي الدنيا..و عن ولد عمي..هو اختارني انا..مهما هو اكبر عن اختي الكبيره...يمكن الاني مستره اكثر..و مالي شغل بالمشاكل الي تصير في العايله....حاليا بس كلام ما شي تنفذ بس انا صدق خايفه...
يمكن ابالغ بخوفي... ممكن تسوي اي شي..اذا وافقت.....

[grade="00008B FF6347 008000 4B0082"]حبيبتي
حبك لاختك مايخليك ترفضين ولد عمك
اهو خطبك انتي معناه انه يحبك انتي لو يحب اختك كان خطبها
وبعدين ايش اللي يضمن لكم لو انتي رفضتية معناه انه راح يجي يخطبك اختك
اكيد لا وبعدين ايش اللي يضمن لك لو رفضتيه تتغير معاملتها
حبيبتي على حسب كلامك كنتي تعاملينها معاملة مره حلوه وتقابلك بالعكس
اذا المعامله الحلوة ما نفعتها راح ينفعها رفضك لولد عمك
واختك ماراح تبقى لك
اهم شي اذا كنتي مرتاحه له خلاص وافقي واختك انشاء الله راح يجيها نصيبها

الله يوفقكم انشاء الله[/grade]

مشكوره ام نتالي على ردج...تميت اصيح..صح كلامج... شو يضمني انها بتعاملني زين......خوفي منها اعمى عيوني..و تميت افكر بس كيف ارضيها و نسيت عمري..و حقوقي على نفسي....جزاكم الله خير...ابعدتم الغبره عن عيوني..و فتحتوها لي...اشوف الدنيا.. صح..

اختي نحن ما نحرضج انج تكرهين اختج او تغيرين معاملتج لها ...

بقدر ما تسوين خير راح يرجع لج خير مب شرط منها

و دايما كرري اللهم لا تجعل في قلبي غلا للذين امنوا

و دايما ادعيلها ان الله يهديها

و الله يوفقج حبيبتي و يسعدج .. و دايما تذكري تحبين نفسج بدون انانيه و تحترمين الناس مب تخافين منهم ...

يالغاليه حتى لو ظمنتي معاملة اختك بالزين مهما كان ولد عمك اختارك انتي وماعتقد اذا عنده كرامه اذا رفضتيه يخطب اختك ؟؟

يعني بالعقل انتي خذيها هي الله يهديها ويصلحها تبيك ترفضين على امل يخطبها لكن بالواقع ماتوقع نهائي

انتي حطي موضوع الزواج وانسي كل اللي حولك

سواء معاملة اختك زينه او لا مب دليل انك توافقين على طول او ترفضين

انتي استخيري وتخيلي ماحد قاعد يأثر عليك

واذا ارتحتي للموضوع وافقي اما ترفضين عشان اختك انا مانصحك اذا بترفضين ارفضي على اساس انك مارتحتي

وادعي دوم ربي يحنن قلبها عليك

والله يوفقكم











تـــجــــمع لبنات التقويم (اللي حاطين تقوووووويم اسنان)

حياتي


مبروك الخطوبه


أنت تقولين أن أمك توفيت طيب أبوك إخوانك هل موجودين

إذا موجودين قولي لهم وهم يساعدونك إنشاء الله

قولي لبنت عمك إنه يذهب لشقيقك أو خالك او عمك يخطبك منه

أنت والحمد لله إستخرت الله إذا كنت مطمئنه فوافقي عليه

وإذا كنت غير مطمئنه لا توافقين عليه

بالنسبه لأختك يبدو أنها مغروره لم تنفذ وصية أمك

فقولي لها إذا أنت منعتيني من الزواج فأنا أمنعك من الزواج

وأنت ليست ولية أمري فنفذي وصية أمي ترزقين بابن الحلال

اتمنى لك القبول بالزواج .....

وتبشيرنا قريبا بزواجك.

انتي استخيري

استخيري وتوكلي على الله

وماعليج من كلام اختج

السلام عليكم خواتي
يعلم الله بحالي استخرت مثل ما وصيتوني...و احس براحه نفسيه...ما اعرف احس بشعور الاطمئنان....
و عن الولد هو مطلق اميه الله يرحمها...و نحن ساكنين عن يدتي...عندي خال بس اصغر مني..اعتبره مثل اخوي.الصغير............اتصلت ببنت عمي و بلغتها اني موافقه.. على ولد عمي...يعني تقولون الكلام بيني و بين بنت عمي.. بدون علم اختي....و انشاء الله هذا الخميس بيروح يكلم ابوي.مثل ما قالت.....بس ادعوا لي اذا كان هذا الزواج خير لي...اني اعرس و افتك من المشاكل...و اذا كان شر يبعده عني....
.

السلام عليكم خواتي
يعلم الله بحالي استخرت مثل ما وصيتوني...و احس براحه نفسيه...ما اعرف احس بشعور الاطمئنان....
و عن الولد هو مطلق اميه الله يرحمها...و نحن ساكنين عن يدتي...عندي خال بس اصغر مني..اعتبره مثل اخوي.الصغير............اتصلت ببنت عمي و بلغتها اني موافقه.. على ولد عمي...يعني تقولون الكلام بيني و بين بنت عمي.. بدون علم اختي....و انشاء الله هذا الخميس بيروح يكلم ابوي.مثل ما قالت.....بس ادعوا لي اذا كان هذا الزواج خير لي...اني اعرس و افتك من المشاكل...و اذا كان شر يبعده عني....
.

الله يوفقج حبيبتي وان شالله يطلع ولد عمك حنون عليك وييسر اموركم يارب

ويحنن قلب اختج يارب

الله يسر لك انشاء ويتتمم الزواج علي خير

دلوعة اخوها:
الله يسر لك انشاء ويتتمم الزواج علي خير

امييييييييييين

الزواج قسمة ونصيب يعني اذا ابن عمك ما تقدم وطلب اختك بعد انت ما رفضتيه شو بتساوي فيك ؟؟!!!! رح تزيد حقد عليك وتسود عيشتك تحت رحمتها !!!

حبيبتي هذا الزواج انت الوحيدة ايلي تقرر فيه وقوي شخصيتك وقوليلها لأ ولو لمرة في حياتك زواجك فرصة علشان تبتعدي وتستقلي عنها ويكون لك بيتك وكيانك

وانا اظن انها ما تحبه ولا فارق معاها ولكنها تغار منك والله اعلم

الله يوفقك ان شاءالله

استخيري والله يكتبلج اللي فيه الخير

:no: الااااااااا حبيبتي والف لااااااااااااااااااااااا :no:

ترى بعدين بتندمييييين على الي سويتيه بعدين بقووووولج؟

هذه حياتج بضحين فيها عشان اختج تعاملج زين؟

نصيحة مني ترى كل شيء ولا كرامة الانسان ,طنشيها يبه ولاتفتكرين وبيني ليها انه

كلامها .>>>>>>>>>>>>>>>> $$$ اكرهج وماحبج :down: <<<<<<<<<<<<<<< مايهمج

انتي صح تحبينها وهذه شيء اوكي بس اذا اهيا تكرهج وتغار منج وماتتمنى لج الخير

لاضحين عشالنها لانه بعدين بتبجين وبتندمين على الحركة


:gum: واتحملي برووووووووحج عسى ربي يوفقج وسي يووووو:gum:


:clap:

السلام عليكــــــــــــــــــــــــم ورحمه الله وبركاته ،،


انا قريت مشكلتج وفعلا صعب اللي انتي قاعده تعانين منه وخصوصا انها اختج بس صدقيني انا

اللي لمسته وحسيته من كلامج يمكن اختج فعلا تعاني من كبت او مشاكل متراكمه على صدرها

وقلتيلها الخبر مو بوقته انتي استعيلتي وبنفس الوقت مالج انتي خبرتيها عشان تفرح لج

بس يمكن لانها فعلا تعاني من كبت من جي فرغت وعصبت عليج ؟؟ حبيبيتي هاذي اختج مالج

بد منها ولا لها بد منج مهما قالت لج مهما جرحتج قعدي معاها خبريها قوليلها فلانه احنا خوات

مالنا غير بعض بهالدنيا وانتي لو تعرفيني انج كل يوم اتضايقيني بس مو عارفه شو السبب

خبريني انتي ؟؟؟ قوليلها جي اساليها قوليلها ياعمري مثلا هالشغله تضايقني حيل وتجرحني

ماابيج تتكررينها ؟؟ تراج تذبحيني كل يوم وتقطعيني الف قطعه وقطعه ؟؟؟ اذا فيه شي

قولي لي بس لاتزيدن علي ترى تعبت من المشاكل ؟؟؟ ومن هالكلام عسى ربج يحنن قلبها

عليج وصدقيني كل شي بالتفاهم والمساله اخذ وعطاااء ..... وبالنسبه لخطبتج من ولد عمج

اياني واياج ترفضينه ؟ اهو شنو ذنبه لمن حبج وبغاج زوجه على سنه الله ورسوله واختارج من

بد بنات هالدنيا كلهم تروحين ترفضينه لا لا لا ؟؟ لاتسوين هالشي ... بالعكس وافقي عليه وعيشي

حياتج وابني مستقبلج مع انسان شاريج فعلا ؟؟ لانه ماتقدم لج الا لانه فعلا يبيج وشاريج ؟؟\\

ومثل ماقلت لج لاتنسين انج (( عفوا )) يتيمه ومالج احد بهالدنيا والمره تبي لها سند وعضيج يعينها

على صواديف الزمن وتوكلي على اللله ووافقي ولاتفكرين بشي ومشكله اختج هينه وحلها بسيط ...