الأطفال أحباب الله..رفقا بهم...!!

السلام عليكم....
كتبت الموضوع في هذا القسم لأن معظم مرتاديه من الزوجات أو الأمهات..وكتبته بناء على موقف شاهدته اليوم...
كان عندي موعد مراجعة بخصوص الحمل، وأنا أنتظر شفت ولد عمره حوالي سنه ونص، فديته يجنن، المهم..يصيح وايد ويروح صوب وحدة بس من بعيد وهو خايف:think: ،وهي تطالعه بنظرات قاااسية وتقوله: اسكت، أخرس.... الخ....راح هو مسكها يقولها: ماما!!!!!!! :angry: الأخت مسكته وفي إيدها عصير تعطيه وهو ما يريد يرده، قامت قرصته من إيده قرصة والله حتى الشخص البالغ ما يتحملها، والولد انفجر من الصياح..:mad2: ..خذته ويلست وراي، وهي تسكت فيه بس كيف؟ اسكت يا حيوان، يا حقير ...الخ(الله يعزكم)، وبعد شوي سمعت صوت ظربه والله أن كل اللي بالانتظار قعدوا يتلفتون شو ها الصوت....؟؟ والولد مسكين انفجر مرة ثانية :cry:
طبعا ماله داعي أكمل الموقف...بس استغربت وااااااايد..شو ها الزمن اللي إحنا فيه واللي قست فيه القلوب لها الدرجة!!!!! فلذة كبدها كيف يهون عليها؟؟ والناس يلومون الشغالات والمربيات.. إذا الأم تسوي جذي عيل الغريبة ما تنلام.......:confused:

طبعا أكيد مو كل الأمهات بها الصورة، بس حبيت أحط ها الموضوع للذكرى والتنبيه... الأطفال أمانه في أعناقنا، وفي ناس وايد محرومين، فلازم الوحدة فينا تشكر ربها أن ما حرمها وأكرمها بأطفال شوفتهم تنسي كل هموم الدنيا.......

اللهم لك الحمد.....