ابي مشورتكم لا عدمتكم

مساكم الله بالخير
ماني عارفة كيف ابدا بمشكلتي
يمكن تشوفونها مهب مشكلة لكنها مغربلتني في حياتي
السالفة اني مخطوبة لشخص اكبر مني ب20سنة اموووووووووووت فيه
انا تقدموا لي الكثيرين وربي الشاهد ومن اعلى المستويات شيوخ دنيا ومشايخ دين لكن سبحان الله قلبي مال لهالانسان بالذات حتى يوم اني صليت استخارة اكثر من مرة اتعلق فيه زيادة وهو النعم فيه ما عليه كلام كل من يمدحه في بلاده لانه من بلد مجاور وهو منفصل عن زوجته من اكثر من 15 سنة وما فكر انه يتزوج لكن يوم سمع عني خطبني وانا كلمته بالجوال علشان اعرف شخصيته لاني استحي اشوفه وكلمته كم مرة ودخل قلبي بقوووووووووووووة وانا شخصيتي صعبة يعني مزاجية ودلوعة وما يعجبني شيء ووايد حساسة لكنه عجبني سبحان الله مدري كيف
انا ما يعجبني الشباب الطايش لاني انا مثل ما يقولون عني رزينة ومثقفة وعقلي اكبر من سني و يبهرني الانسان اللي له هيبة وسط الرجال لا من قعد وسط المجلس الكل يسمعه وهو يتكلم ما احب واحد توه بزر صغير ماله هيبة ويقعد يجرب حياته معاي ولا منه نضج فكر له في وحدة ثانية ابي واحد فاهم الدنيا ويتحملني ويتحمل جنوني وشقاوتي وانا دارية اني راح اسعده باذن الله والشاب الصغير ما راح يتحملني ولاني راح اتحمله
لكن وحدة من قريباتي قالت لي انتي مهب صاحية عندك عقدة نفسية
انا ماني معقدة ولاشي بالعكس شبعانة دلع من ابوي الله يخليه لي ومن اخواني
مدري ايش رايكم انتوا