معقوله خربطه الدورة تسبب حمل مفاجئ.؟؟

السلام عليكم ورحمة الله وبركاته

خواتي الحبيبات.. انا ما ترددت اني استشيركم في هالموضوع بعد ماسمعته من بنات وااااايد ...


مرة كنت اقول لأختي الكبيرة انه الدورة متخربطه عندي كله تتقدم .. يعني كل شهر تتقدم يومين بعدين صارت 4 لين ما وصلت اسبوع من تقدمت الدورة ..

قالت لي انتبهي .. تراني ما حملت اللا من بدت تتقدم وتخربط الدورة :think:

خوفتني الصراحه .. طنشتها كالعاده .. على اساس انه كلام ..

وعلى فكره هيه كانت حاطه لولب نفسي .. وحملت فوق اللولب بتوأم بس واحد طاح وتم واحد .. والحمدلله يابت بنت اخر شي ..

واليوم نفس الشي اسولف ويا ربيعتي عن الدورة وجي .. قالت لي انتبهي ترا الي تتقدم دورتهم وايد ومتخربطه لهم قابليه في الحمل اكثر .. يعني ممكن يصير حمل مفاجئ :cry:

انا اكثر خفت .. اقول ياربي شو السالفة ..

حتى امي قالت جي ..

معقوله انه الدورة تكون مش منتظمة وتتقدم كل مرة له علاقه بالحمل المفاجئ ؟؟ ولازم في حالتي هذه اشوف دكتورة ؟؟

ياريت تفيدوني وتقولون الي تعرفونه