أهل الإمارات.. دار بوخليفة.. ممكن تدخلون..

:salam: :salam: هالكثر أسئلتي صعبة مالها حل.. يالله بنات ديرتي هلوا علي بالخبرات

والله انا مب معرسة واتمنى من المعرسات يفيدونج

ما اعرف والله لكن أفضل المستشفيات في بوظبي الكورنيش والمفرق وخليفة (خاص)

حبيبتي اذا ف دبي
عندج مستشفى زليخه ما عليه كلاام
وزينب بعد وايد ممتازة واوكي
هذيل اللي انا اسير عندهم ورباي هناك

بس على كم يولدون .. وممكن عنوان عيادة الدكتورة زينب أختي الغالية ,,وجزاكم الله خير جميعا

اممممممم

عياده الدكتوره زينب

على اليسار قبل من دوار الساعه وانتي يايه من جسر المكتوم

بتلقين جدامها مساحه فاضيه




بس على فكره اللي اعرف من زمان ان اللي تربي عند زينب ترد بيتها في نفس اليوم

بس ما اعرف الحين اذا تغير شي او لا بس المراجعه عندها اوكيه


انا افكر اسير لها عشان اراجع

حبيبتي أولا" مبروك الحمل ، وثانيا" أنصحك بمُراجعة الدكتورة " نادية جاسم " في مستشفى " دار الشفاء " في أبوظبي ، هو مستشفى خاص ويمكنك مراجعتها للاستفسار عن الأمور جميعها ،، وامنياتي لك بولادة سهلة ورائعة ،،،

هلا الغالية

أنا في ولادتي الأولى جربت مستشفى الوصل :cry:

وفي ولادتي الثانية ولدت في مستشفى الويلكير عند الدكتورة ماتيفا:clap:

وأنا حاليا حامل وبإذن الله بولد في الويلكير..لأني فعلا لاحظت فرق في الاهتمام والعناية


وطبعا الاهتمام في وقت الولاده كان غير في الويلكير بس هذا ما يغني اني افتح ملف في الوصل


وأي استفسار أنا حاضره

جزاكم الله خير ..وجعله في ميزان حسناتكم.. أنا مش حامل,, بس استفسر ـ والله يرزق الجميع بالذرية الصالحة

بس أختي حبي الإمارات .. الداكترة في الويلكير مسلمين ولا.. أتمنى يكون في مستشفى الفريق التمريضي فيه مسلمين. وبكم الولادة في الولكير وجزاج الله خير:salam:

لا مب مسلمين...الدكتورة ماتيفا كانت قبل في مستشفى الوصل

كانت فتره طويله تشتغل في الوصل بس انا وايد ارتحت معاها

على فكره وايد من الممرضات في الوصل مب مسلمات

وولادتي كانت ب 5500 غير عن المراجعات

بس عندهم باكج ما اتذكر بكم ....تقدرين تتصلين المستشفى وتسألين

ويمكن اسعارهم تغيرت لأن أن ولادتي الأخيرة كانت قبل أكثر من ثلاث سنوات

الله يقومج بالسلامة حبي الإمارات.. ويكتبج الولادة السهلة الميسرة بإذن الله..

انا اييد) aboura) دكتوره ناديه جاسم في مستشفي دار الشفاء بصراحه ووووووووووووايد اوكيه وشاطره وزحمه زحمه وبالتوفيق

جزاك الله خير أختي اركان ,, بس حبيت أعرف هل تولد بعد,, ولا تستعجل مثل معظم الدكتورات بالعملية القيصرية.. وشو جنسيتها و, مشكورة واسمحيلي على الإزعاج

انا بعد انصحج بالدكتووره ناديه اللي في بوظبي مستشفى دار الشفااء بصرااحه ممتازه ,,, :up: :up:

انا بعد انصحج بالدكتووره ناديه اللي في بوظبي مستشفى دار الشفااء بصرااحه ممتازه وانا اراجع عندها واسلوبها قمه في الرقي بس الولاده ان شاء الله بكون في الكورنيش لاني ما امن في الخاص كل الخاص اذا استعصى عليهم امر يحولونج على الحكومي على طول

يعني اراجع عند ناديه

وبولد باذن الله في الكورنيش

والله يثبت حملي وحمل الجميع ويرزق كل محرومه

جزاكم الله خير أهل ديرتي الغالية

أفضل مكان ارتحتي فيه في المراجعة في الحمل في الإمارررررررررررررات ..؟؟
كنت اراجع ف مستشفى ام القيوين وطبعا مرتاحه

بس كل شهرين او ثلاثه اطمن عند اوراس

أفضل مكان تنصحين فيه للولادة سواء خاص أو حكومي ..؟؟
انا ارتاحيت بالفعل ف مستشفى ام قيوين

وهل ممكن الوحدة تولد بدون خياطة..؟؟

ممكن اذا ما سوولها شق بس في منهن يطلبن الخياطه للتضيق والتجميل..

انا ولادتي الاولى كانت في ويلكير عند الدكتوره جانكي راجعت وياها من بداية حملي لين ما ولدت ........

اما احين في حملي الثاني بعد اراجع عند الدكتوره جانكي في ويلكير الصراحه وايد ارتحت وياهم في ولادتي الاولى عشان جي بعد راجعت عندهم......


بس ادعوا لي ان الله يسهل علي الولاده