كم كيلو زدتي بحملك ؟؟

موعدي هذا الأسبوع

بعد ما اوزن راح اقول لج


بس آخر موعد قبل اسبوعين


كنت بنص الثامن وزدت 6 كيلو

6 كيلو بس من الشهر الاول للثامن ؟؟!!

الله يوفقك حبيبتي انثى وتقومين انتي والنونو بالسلامه انشاء الله انا الحين بالاسبوع الثالث من الشهر الخامس طبعا وزني قاعد ينزل وما يزيد واتمنى انه يزيد لاني صايره نحيفه كثير ومشكوره ياالغاليه عالموضوع المفيد:clap:

للأسف 15 كيلو وقاعدة أسوي رجيم الحين بس اللي قاهرني كيلوين ما طاعن ينزلن (وأوصل وزني الي قبل الحمل)

انا الحين في اول اسبوع من السادس وللحين زاد وزني كيلووو بس

أخييييييرا حصلت حد زايد مثلي.......
تعرفين أختي ! أنــثــى ! حالي من حالج.....بالثامن وزايدة 14 كيلو.....ونفس الشي مو مبينين مادري وين ها الزيادة..حتى أي حد يشوفني ما يصدق أني بالثامن..يقولون لي مو مبين عليج... وأحاتي التاسع، الله يستر كيف بيصير وكيف بنزل ها الوزن كله بعد الولادة :(
ع العموم الله يقومنا بالسلامة وييسر الأمور.....

تدرون بقول لكم

زيادة الوزن في الحمل ليست مقياس صحة الجنين

يعني اللي وزنها مثالي المفروض تزيد حوالي 12 كيلو ..

أما اللي وزنها زايد فما ينصحونها بالزيادة اكثر من 6 كيلو

أما ناقصات الوزن يحاولون يزيدون وزنهم الى 16 كيلو


وأهم شي في الحمل انج تنقين اكلج
يعني الحليب اساس قبل كل شي ..
والسكريات والتمر بس خلوة بالشهرين الأخيرين لأنه يجيب الآم مخاض
والفواكه عشان الفيتامينات
واللحوم والدجاج والأسماك عشان البروتينات

انا بنهايه الرابع...... وللحين زايده 4 كيلو واشوى ..........ومتفائله احس لو ازيد كله بيروووح بعد الولاده انشالله :)

انا بداية الشهر الثانى والى الان مالاحظت اى زيااااااااااادة وانشالله ماازيد اكثر من خمسة كيلوووووووووو

والاهم انى اشوف طفلى سليم معافىىىىىىى بعد 9شهووووور لازيادة فيه ولانقصان اللهم امين
والوزن مقدووور الواحد ينزله

انا مع نهاية السادس وزايدة 10 كيلووووو

انا زدت 6 كيلو بس ,, بس وزني ضارب التوب وقلبي معورني وابي اسوي رجيم وريلي هاوشني ,,,

مشكورات عييني عالردود و الله يديمكم ..

مهيه حبيبتي انتي يمكن نساتك صعبه و نزلت وزنك واجد من جذي موقادرة ترفعيه مره ثانيه .. بس

عليك ببرنامج غذائي صحي ، يعني تخلين لك يوميا وقت للفطور و للغذا و العشا ، ماتتركين وحدة

من هالوجبات و تكون تشبعك مو بزيادة عن حاجتك و ان شاء الله تبشرينا بعشرة كيلو زيادة.. خخخ


Jasmine ... احنا خبرنا بعد ست اشهر من الولادة يرجع الوزن مثل طبيعته الاولية و اقل بعد ..

Aryam ..... عادي و لا تحاتين ، يعني اذا مازدنا بحملنا متى بنزيد ان شاء الله ؟؟ .. بس المهم

زوجك ما يضحك عليك مثل زوجي في كل مرة وزن يضحك على وزني .. و صرت الحين مااخليه

يدخل معي غرفة الوزن ..


ام غدير2006 ... يالحلوة شنو 5 بس ؟؟ الظاهر هذا اول حمل لك ... اصبر يا عمري و شوفي ..

نشوفكم على خير بنات ..

و اصلا جاينا شهر رمضان و ماندري شنو يصير نزيد و الا ننزل ؟؟

سي يو


أنــثــى

انا الحين بالثاني و زايده 1 و نص بس احس انه وايد اكثر :( خاصه انه نفس مفتوحه بطريقه عجيبه مع انه على طوب لايعه جبدي بس يوم اكل يخف :(
خايفه موت اني ازيد وايد لاني من النوعيه الي وااااااااااااااااااااايد صعب ينزل و زني :( :"(
شسوييي

MoonStones حبيبتي يقولون ان الوزن الزايد اللي ناتج عن الحمل بسرعة يخف ..

بعدين لا تخلين بالك و بال وزنك .. الحين اهم شي ثبات البيبي و راحتك .. و سالفة الوزن الدكتورة

تلاحظ لك اذا كان طبيعي وزنك زيادته و الا لا ..

الله يسهل عليك يارب ..

انه اللحين بنهاية السابع وزايده 12 كيلوا :( الله يستر من الباقي بس انه اكلي وايد خف غير عن بداية الاشهر كنت وايد اكل

! أنــثــى !:
MoonStones حبيبتي يقولون ان الوزن الزايد اللي ناتج عن الحمل بسرعة يخف ..

ما أريد أخوفك أختي، بس بالنسبة لتجربتي في حملي الأول بصراحة ما نزل وزني إلا بطلعة روح، سويت رجيم، واشتركت بنادي وياالله رجعته مثل الأول :confused: ،،،،،،
بس ها المرة أظن ما راح أقدر أشترك بنادي لأن ان شاء الله بيكون عندي طفلين وصعب أخليهم، فرحت شريت جهاز مشي آلي، بس يارب ما أتكسل واستخدمه :bigsmile:

انا في نص الشهر السابع كنت ضعيفه وايد قبل الحمل وزني كان 50 والحين 60 بس الحين ثابت من نهايه السادس وانا 60 مامتنت زيادة

تقريباً زاديت 5 كيلو ونص .. الحين انا نص السادس...

بس ماني متفائلة لأن الزيادة تطلع عندي في اواخر الحمل.. بحملي الاولي كنت زايدة بس 3 كيلو..
ولما وصلت السابع انفجرت.. وصارت الزيادة تقريباً عشرة كيلو...

الله يسهل على الجميع.. لا تحاتون الوزن الحين.. اهم شيء تكون التغذية سليمة عشان يطلع البيبي قوي ويساعدج بالولادة.. وبعد الولادة سوي اللي بتسوينه في عمرج... :)