هل توحمتي على شي و طلعت بولدك؟

يوم كنت حامل بولدي و بالاشهر الاخيره صار خاطري في خنفروش و كل ما اقول لزوجي يجيب لي ينسى لين طلع الموضوع من بالي وقلت خلاص الحين الجنين تكون و خلص يعني مافي مجال تطلع له وحمات بجسمه بس خوفي ان تطلع له وحمات بوجهه

يوم ولدت قعدت ادور وين الخنفروشه بجسمه ماحصلت شي فقلت عيل سالفه ان اذا الوحده توحمت على شي يطلع بولدها هذي مجرد صدف و ماهي صحيحه

عاد الحين ولدي بدا يطيح شعره و صارت فروه راسه تبين و شنو لقيت بفروه راسه؟ لقيت وحمه صغيره دائريه و لونها بني كانها صج خنفروشه .. قعدت اضحك اقول حق زوجي شفت هذا هي طلعت براس الولد زين الله ستر مانزلت بوجهه

عاد الحين ابي منكم تخبروني بتجاربكم يعني صحيح في منكم من توحمت بشي وطلع فعلا بولدها او بنتها
او وحده توحمت على شي و ماطلع بولدها ابي اشوف هالسالفه صج ولا مجرد صدف :)