عرس مزدوج .....؟

مرحبا اختي ( شيخة الزينات )..


انا اختي كان عرسها من اسبوعين تقريباً وكانوا المعاريس اخوان بيعرسون في ليله وحده .. واختي زوجها الصغير ..

ودخلت العروس الاولى وصورت ودخل زوجها وخذاها وطلع

وبعدها دخلت اختي وصورت ودخل زوجها وخذاها ..

وأنا من رأيي كل وحده تدخل بروحها أحسن من يكون فيه عروستين على الكوشه .. عشان كل وحده تاخذ حقها في الكوشــه وتاخذ حقها بالظهور قدام الناس بروحها .. ويكون لها وقتها الخاص فيها مايشاركها أحد لأنها ليـــلة العمر ...

عموماً : شوفي اللي يعجبك و اللي يريحك وسويه .. أنا بس قلت لك رأيي .. والله يوفقك ويسعدك إن شاء الله .. ومبرووووك مقدماً ..

والله انا اقوول نفس كلام اختي اللي فوووق ..

مدري مااحسها حلووه تطلعون ثنتينكم سوى ..وانتي والللي ودك فيه ..

احلاهم و اتحداهم


يعطيج العافيه حبيبتي

بس حبيت استفسر عن الوقت يعني الاولى جم ساعه قعدت ربع ساعه ولا نص ساعه ولا ساعه

وواختج طولت ولا لا


ومشكورة على مشاركتج

عروسه الرياض


هلا حبيبتي


الود ودي اسويلي عرس بروحي

بس الظاهر بقترح عليه ان كل واحده تدخل بروحها


شاكرة مروركم

هلا اختي شيخة الزينات الظاهر مشكلتي و مشكلتج نفس الشي بس انا اخس:confused: لان العروس الثانيه اختي:sad: تعرفين ليش زعلانه؟
يعني انتي عادي بتزهبي نفسج روحج و الفستان بتختاريه و الكل معاج اما انا لا :confused: احس اني ما بريد ازعل اختي فبختار معاها ويمكن بريد هالشي لانفسي بس هي بتسبقني عليه:dd: لانا اكيد بنتزهب مع بعض الله يعينا بس بالتوفيق اختي

نسايم البر

ياحياتي الله يعينج

الحمدلله على اللي انا فيه

أختي شيخة_الزينات

ألف مبروك والله يتمم لج على خير ان شاء الله

اختي المفروض العروس الكبيره تدخل اول وبعدين يدخل زوجها ويكون لهم الوقت

من 10لين 11.30وبعدين اهم يظهرون وتدخلين انتي وعقب يدخل زوجج

والله يوفقج ويسهل لج امورج يارب

أختج الدانـــه

بعطيج وجهة نظري

اختاري انتي تدخلين عقب

لأن الناس بعدين الناس بتظل تشوفج انتي وتنبهر بج انتي وبينسون العروس اللي قبلج بسهولة
وانتي تقدرين تطولين بعدين تقعدين أكثر :gum:
وبتكونين مرتاحة ما تحاتين ان وقتج خلص أو شي لأن ما بيدخل أحد عقبج

الدانـــــه


هذا اللي بيصير انشاء الله


وأشكرج على مشاركتج وافادتج حبيبتي


نـــــــارا


هذا اللي قاعده افكر فيه اني راح الفت الانظار اكثر خاصه ولله الحمد اني طويله


فراح اكون رزة


الله يستر


مشكورين اخواتي جميعا" لافادتي


وانشاء الله افيدكم واساعدكم مثل ماساعدتوني وافدتوني :salam:

شيخة الزينات


دخلت العروس الاولى الساعة 10 وربع وجلست ليييين 11 وربع وطلعت ودخلت وراها أختي على طول وجلست تقريباً ساعه ....


وأهم شي المكياااااااج والفستااااااان يكون روعه و خيالي .. لأن الناس بتقارن بينك وبينها .. يعني فيه منافسه شريفه ,,, وحاولي تغطين عليها بكل شي ...

الله يوفقك ويسعدك ياااااارب .. يا أحلى عروس...

نفس مشكلتي اهئ اهئ

المشكله اني بدخل الثانيه وحلاة دخلة العروس اول شي وهيه اللي بتاخذ وقت اكثر وبتلفت الانتباه اكثر اما الثانيه احسها مظلومه وايد :(
ولاحظت هالشي بعرس حضرته بعد دخلة العروس الاولى ولانها تأخرت وايد من المعازيم راحووو بصيييح مشكلة الاعراس عدنا مااطول وأحاتي هالشي واايد!
انا مااعارض أبد فكرة الزواج الجماعي بس لااازم التنسيق بين العرايس وتاخذ كل وحده حقها

ففكرت ان الثانيه لااازم تفكر بفكره حلوة مميزه لدخلتها عشان تلفت الانتباه مره ثانيه وبعدني محتاره
خاطري ادخل اول بس من الذوق والأدب والاحترام اني أخلي الكبيره قبلي حتى لوانخطبت بعدي :(
ادعوولناااا

دخلت مره 2 عشان أثبت نفسي بالاشتراكات وتنحفظ الصفحه :)

اتفقي معاها على نفس الزفه ونفس المكياج والمسكه (( طبعا الفستان لا .. الا هاشي)خخخخخخ
وطلعوا مع بعض من وسط الكوشه يعني اختاروا كوشه بها باب امامي وسطي .. وتطلعون منه انتو الثنين.. وتتقدمون بخطواتكم عشان يشوفونكم الناس ..وبعدين كل وحده تروح القسم المخصص لها في الكوشه

والله يوفقكم ان شاء الله .. وييسر اموركم .. ولا يغير عليكم


وتقبلي مروري

و الله الامر صعب ربنا معاكى

مدري انا اعترض على الافراح المزدوجه

انا قريبتي واخوها تزوجوا في نفس اليوم
هي كانت مصرة الا تشوف اخوها معرس بالبشت داخل على عروستا فالي صار ان عروستين دخلوا في نفس الوقت عروسة و وراها العروسة الثانية قعدن على كرسين منفصلين دخل المعرس اخو العروس الاولى عادي يشوفا اخوها تموا ربع او عشرين دقيقة وراحوا ودخل المعرس الثاني
على الفكرة عروستين صديقات ومعرايس اصدقاء

مرحبا اختي ..
انا حضرت عرس العروس ويا اختها ، والمعاريس عيال خالتهم اخوان ... بس لأنهم ماكانوا متحجبات دخلوا مع بعض ، وهم توأم ماشالله عليهم ، طلعوا جنان ، وبعدين المعاريس دشوا ..


والعرس الثاني كان عرس اخواني ، خذوا خوات ، والعرس في نفس اليوم ..

اول شي دشت الاخت الكبيره ، وعقبها بنص ساعه دشت الثانيه ، وكان فيه حاجز على المسرح عباره عن مشربيات وورود .. يعني لو قعدوا مايشوفون بعض..

بعدين اخوي الكبير دخل ، واحنا غطينا الاخت الصغيره ، ولما خلص غطينا الكبيره ، واخوي الثاني دخل ، وبجذي ماراح يضيع الوقت ,,

عاد انتي ورايج :)

اتفق مع راي اختي الي قالت تدخل كل وحده بروحها لان احس احلى لو كانو الناس يشوفونج انتي بس بروحج غير لما الانظار تكون على ثنتين

الله يوفقكم

مرحبا


سوري طولت عليكم


ومشكورين حبيباتي

مستحيل نتناقش انا والعروس الثانية في اي شيء لان ما نعرف بعض اهي تصير بنت عمهم وانا غريبه عليهم فموحلوة ان اقولها شيء


وانا اكثر شيء افكر فيه الحين الفستان كل همي فيه


الله يعين

انا انشاءالله راح اسويلي زفة خاصة فيني منو المطرب اللي تنصحوني فيه ؟؟

شيخة الزينات

بالنسبه للزفــه أنا من رأيي أن أحد يكتب لج قصيدة وتودينها لأماكن تجهيز الأفراح وهم عندهم مطربين ويجهزون لك الاغنيه ..

والأحلى تكون في البداية قصيدة وبعدين تبــدأ الاغنيه ... عشان كل المعازيم يسمعون كلمات القصيدة قبل غنائها ...

هذا رأيي وأنتي حره ... واتمنى لج التوفييييييييييييق عزيزتي...