زواج عائلي ولا كبير؟؟ (شاركونا برأيكم يالي جربتوا)

عروس خبله


مرحبا اختي


بصراحه اللي تبي تحس انها عروس تسوي عرس كبير

لأن اللي مايسوي عرس كبير ما احس انه متزوج لان الناس كل شيء تسويه في البيت

استقبال او عزايم او حفلات او اي شيء

فاذا بسوون العرس بالبيت مايسوى


الا اذا كان في مانع قوي يمنع ان العروس تسوي عرس كبير فلاحول ولا قوة



أما عن نفسي


فانشاء الله بيسوون عرس كبير


والله يتمم على خير انشاءالله

انا افضل عرس البيت ..

مع ان اهلي قايلين لي نسوويلك حفلة كبير ومااعرف وشو...

بس انا عييت ..

واشووف ان البيت احسن لعدة اشيااء ..

1يقل التوتر على عرووووووووسه كثيروبدرجه كبيره ..وبترتاح من تجهيزات كثير ..

2تنبسط العرووووووسه وتقعد وتطوول وتاخذ راحتها بدون اي رسمياات ..
خاصه ان المعاازيم بيكونون القرايب والصديقات بس يعني مطيحه الميانه معهم ..

3واحلى شي ماافي خسااير وتكااليف كلها بيوووم وترووح من كوووشه وبطاقات وطقاقات وزينة طاولات واجار صاله والمعازيم بيكنون حيل كثير ...شفتي كييف التكااليف اللي بتيطيحنها عن كاهل اهلك >>الزواج عندنا من اهل البنت مو اهل المعرس بس المهر عندنا يجي كثير ..

والمصااريف اللي على هالاشياااء اخليها على سااعه ماااركه وعلى مستوووووووى يعني حيل غاليه مو اي كلاام من الماركات الهااي هااي حتى اذا جيتي تبيعينا عالاقل تجيبلك فلووس مو مثل خسااير الصاله ..

وطبعا واهم شي لازم يكون البيت يواجه كبير وحلوووو ولا طبعا الصاله احلى ...

وشكرا حيل حلوو موضووعك وان انشالله بسويه ببيتنا ..

لااااااااااا حراااااام شو في البييييييييت؟؟

مب كل يوم بتعرسين هو ليله فعمرج مابتتكرر.. حلوو انه يكووون يوم مميز..وكبيييييير لانج مب كل يوم بتعرسين..وحلو انج تحسين كأنج ملكه فعرسج..يعني نااااااااس وايدين وكوووشه وتنزفين والعيوون كلها علييييج وتيلسين عالكوووشه واااااااو شعووور حلووو ..صح يخوووف بس الرهبه تروح بمجرد وصولج الكووشه

هذا رايي
والسموحه

انا افضل العرس العائلي مع ان عرسي كان كبييير بس ما حسيت بالفرحة لأني تزوجت من دون رضى اهلي تمنيت انهم يحضرون عرسي واتمنى الحين اسوي عرس ثاني بس اعزم فيه اهلي

انا سويت زواجي في فندق وكان عائلي بس كان وايد حلو من حيث الترتيب والنظام وعدم الزحمة

كان ربع زوجي يجون يسلمون علينا ويطلعون

واهلي بس قاعدين في الصالة بس صدقيني كان وايد احلى من يوم الحنة اللي سبقت الزفاف كانت زحمة ومو حلوة

هذا عن تجربتي

[grade="00008B FF6347 008000 4B0082"]أنا عن نفسي سويت عرسي في صاله كبيرة لدرجة أني والله العظيم أكيد بتضحكون لحست الغلوس كله وأختي مسكينه تقولي لا تخافين والله أني كنت متوترة لدرجة أني ما قمت أركز أخترعت يمه تخيلي العالم كلها يطالعونك والمصيبة كان عرسي بدوله خليجية وأنا من دوله خليجية ثانيه بس للي حضروا كلهم أهلي شتسووون في هذي الحالة حتى بنت عمي اللي هي أخت ريلي تقولي لا تخافين عااااااااادي عااااااادي طل والله أني مت ذاك اليوم مليون مرة وشفت الأرض تدور فيني ما صدقت على الله أروح للكوشة وأقعد
"حتى في وحدة من أهلي أول ما فتحوا باب الصالة علشان تدخل ماتت من كثر ما تبجي وعليه عورت قلبي بس أنا طلعت أخس منها"و أنا مع الخوات هي ليلة من العمر بتغنيج عن كل شي والله للحين خاطري كل يوم أشوف عرسي بالفيديو والله يسلمو أختي عروس خبلة على الموضوع [/grade]

مرحبيتييييييييييين

انا طبعا ماجربت الزواج فمادري

بس رايي ان ان الوحده تسوية بمقاعة بس مو قاعة كبيرة صغيرة ونس الوقت عائلي مكبر

يعني مو كل من هب ودب ينعزم ولو كان عائلي نعزم الاقارب البعيدين ..

ولان لو كان عائلي مكبر ماراح تتكلفين مرررة
ولا راح تختصرين مررة يعني خير الامور الوسط
واهم شي صحبااااااااااااتي كلهم يكونون فيه

السلام عليكم

انا من وجهة نظري العرس يوم واحد بالعمر ويستاهل الخساير... وحلاته الوحده تحس انها عروس..

ومن ناحية العرس العائلي ماترتبك العروس وتاخذ راحتها؟ يعني معناته تبونه يوم عادي...ويوم عرسج المفروض مايكون يوم عادي

بالنسبه لي.. اهل زوجي يبون يسوون عرس عائلي.. مو عشان التكلفه ..عشان مايبون خبصه وزحمه.. وقرارهم هذا حطمني...

بس راح اوضح لهم شنو بخاطري... وانشالله نتفق انه يسوون لي عرس كبير... ادعولي :)


شكرا على الموضوع.. جبتيها عالجرح لول

والله انا من رايي ان لو الظروف مسمحتش لعمل خطوبة كبيرة وفرح كبير
يبقى ممكن تكون الخطوبة عائليه
لكن الفرح لازم يبقى كبير وفي قاعه كبيرة
دي ليلة واحدة
مش كل يوم يعني عشان تبقى عائلية واي كلام هههههه

أختي عروس خبله

بالنسبه لي على حسب امكانية الزوج اذا عنده امكانيه ومقتدر

من غير ديووون راح اسوي لي حفله كبيــــره وعلى مستوى

اما اذا كان حالته الماديه ضعيفه وبياخذ سلفيااات عشان

الحفله كم ساعه

وبتنتهي والدين سنين واهو يدفع فيه حررررااام

بسوي لي حفله في البيت صغيره ومرتبه وخلاص

والله يسعد ويوفق الكل ان شاء الله

أختج الدانـــه

هلا فيكم بنات:smile:
اتصقدون انه امي مو موافقة انسوي عرس كبير اتقول ماله داعي الخساير بس أنا أقنعتها-بعد الحنه والرنه -

قتلها هذا يوم بالعمر ما لازم يكون جنه زوارة عائليه و يستاهل الخساير

وبعدين بيتنا اصغير ما يكفي يعني لو بنعزم حدنا خمسين

وعايلتنا ما شا الله أكثر من خمسين هذا غير عايلة المعرس

والحمد الله وافقت :bigsmile:

وان شا الله يا رب كلكم اتسوون عرس كبير وتستانسوون

أختي عروس خبله

الله يفرح قلبج ويسعدج ان شاء الله

والله يتتم لج على خير يارب

أختج الدانـــه

مشكوره اختي على طرح الموضوع ,,

واحترم كل وجهات النظر ,,

بس انا من رايي ان يكون زواج بسيط مو كبير مرررره ولاصغير وعائلي ويكون في صالة افراح
وانا عن نفسي مو ناويه من الاساس اني اسوي زواج ,,
بسوي بس حفل استقبال ,,
طبعااا هذا اذا تزوجت ,, بس اذا تزوجت بعدين بكتب لكم , :)

مرحبااا ...


الاهم من اني استانس بالعرس واخلي الكل فرحان اني اراعي ظروف زوجي

كان حلمي اني اسوي حفلة الخطوبة في قاعة واسوي حركات بس يوم احتكيت بالواقع وعرفت ان خطيبي مايقدر ع المصاريف هذي بنفسي قلت له ما ابي اسويها في قاعه ابي اسويها في قاعه بسيطه بس كنت مستانسه وااااااااااااااااااايد والكل فرح معاي

اما الزواج كان بسيط بعد وبنفس الطريقة

والحمدلله مستانسه واحسها احلى ليلة بالعمر



البساطه والقناعة احلى بوايد من اشياء ثانيه

مجرد راي:shy:

انا من رأي انه يكون في قاعه خاصه اذا كان في الصيف بس يكون في حجود المعقول سمبل

انا عرسي كان في قاعه وحبيت اسوي كلشي فيه سمبل لانه ليش أخسر اشي على الناس اسر على شي انا راح استفيد منه وراح يتم عندي
مثل التصوير والميكب والفستان
بس الكوشه والطاولات شي سمبل وعادي

الدانـــــه

اسطورة الخريف

الشرقيه حياتي

خنفورة


أحلام صغيرة

مشكورين على مروركم:smile:

ترة تكاليف العرس فلبيت تقريبا نفس القاعات لأنج تضطرين تأجرين قارصونات و طاولات و بعدين تييبين شكركة تنظيف ينظفون يعني حوسه علفاضي
إنتي جذي جذاك بتلبسين فستان و بتسوين كوشه و بتحطين ميك أب فليش ما تاخذين قاعه بسيطة و لا تخسرين علطاولات أهم شي إنتي تطلعين حلوة و لا تعزمين أفواج لأن العدد الكبير يكلفج وايد هذا راييييييي و أتمنى إني أفدتج