ابني وترجيع

اكيد مسكين راح يكون وزنه قليل من الترجيع

خذيه عند دكتور ثاني شاطر واساليه ليه عنده ترجيع مستمر

وان شاء الله ماعليه الا العافيه

انتي حاولي لما ترضعيه يكون مرفوع شوي وخليه يتجشأ

سلامتو والله وما تشوفي فيه شر يااارب اختي في كتيير اطفال بترجع واحيانا يكون مافيهم اي بلا
ويكون سبب الترجيع ان معدته صغيرة وما تستوعب اكل زايد
ووزنه قليل نوعا ما بس عادي انا بنتي كانت بهالوزن تقريبا بس الحمد لله مافيها اي شي

لا تخافي واطمئني الشي هادا عادي جدا واذا حبيتي خذيه عند دكتور تاني وخذي معك التحاليل
والله يحفظلك ابنك ان شالله

الغالية..
عادي الترجيع.. انا ولدي كان يرجع ...
و وزنه كان نازل و رحت لمركز الرضاعه الطبيعية.. يقولون اني ما اعرف ارضع و طلعوا هم الغلطانين..
بس خذت الشفاطه مالت الحليب و صرت اسحب له حليب و رضعه عشان اعرف الكمية زين..
و شوي تحسن وزنه.. بس من دخلت السادس دخلت الرضاعه الصناعية مع الطبيعية ,, حليب نان1 الي ضد الحساسيه اعتقد .. و نفع في انه يوقف الترجيع.. و الحمدلله بعدين غيرته للنان العادي.. و الحمدلله ولدي الحين وايد احسن.. و خاصه ان ما بقي شيء و تقدرين تدخلين الاكل للطفلج..

سلام يا صبايا بنتي عندها عندها مشكلة كمان بالترجيع بس الحمد لله وزنها جيد بس حبيت استفيد من خبراتكم احيانا بكون الترجيع حليب عادي و احيانا سميك و يشبه الاستفراغ و بتفيق من نومها لترجعه فهل هو استفراغ علما انو بكون بعد الرضاعة بمدة ما مباشرة و هدا الحليب بسبب لها انزعاج و بكاء بعده فهل بنتي مريضة؟ و تستلزم دكتور ارجوكم افيدوني

اخواتي الغاليات ابنتي تعبت معها من كثر ترجيعها من وقت ولدتها وهي تطلع قالو لي يمكن معدتها صغيره والي تطلعه يكون زايد وقالو الامر عادي وقالو غيري الحليب يمكن ماناسبها وتعبت من كثر ماوديتها لدكاتره واخر شي ربي هداني لدكتوره مره ممتازه سوت اشعه لبنتي وطلع عندها الاسترجاع وهو يكون المرئ واسع عشان كذا تستفرغ وكتبت لي على دوى وقالت انه بيخفف كمية الترجيع وهذا المرض ماله دوى يقطعه ولكن كل ماكبر الطفل بيكبر جسمه ويتناسب مع حجم المرئ واذا وصل الطفل للسنه بيكون اوكيه باذن الله وقالت لازم نعطيعه رضعات بكميه قليله وفترات قصيره بين كل رضعه والثانيه عشان مايجوع الطفل مره ولازم من التكريع حتى لو تطلب الامر منك ساااعه لازم تكرعينه والله يعينا ويكتب لنا الاجر...

الترجيع أمر طبيعي........
بالنسبة للوزن لازم نشوف حقائق علمية مو تخمينات.....وأنا لي موضوع في القسم عن وزن الطفل موجود على الرابط التالي
http://www.3roos.com/forums/showthread.php?t=186485
وفيه الحقائق التالية:

يكون وزن الطفل الطبيعي حوالي 3-3.5 كيلو جرام عند الولادة .
يفقد الطفل حوالي 5-10 % من وزنه في أيامه الأولى بسبب تبوله وشفط سائل
الميكونيوم وكذلك تخلصه من بعض الوزن الفسيولجى به .
* يستعيد الطفل وزنه الأول في خلال العشرة أيام الأولى من عمره .
* يزداد الطفل 0,75 كيلو جرام كل شهر خلال الأربعة أشهر الأولى .
* يزداد الطفل 0,5 كيلو جرام كل شهر خلال الأربعة أشهر الثانية .
* يزداد الطفل 0,25 كيلو جرام كل شهر خلال الأربعة أشهر الثالثة .


يزداد الطفل 0,75 كيلو جرام كل شهر خلال الأربعة أشهر الأولى . (0.75 * 4 = 3 كيلوجرام)
وزن ولدج وقت الولاده 220 كم، وحاليا عمره 4 شهور..
يعني المفروض وزنه (2.20 + 3 = 5.2 كيلوجرام)

وحاليا وزنه حوالي 5 كيلوجرام، يعني الحمد لله طبيعي......بس صدقيني كل أم تشوف وزن طفلها قليل من كثر ما تحاتيه....
واسمحي لي ع الإطالة.......

حبيبتي جواهر الايمان .. من خبرتي والحمد لله على كل حال .. اظن والعلم عند الله ان ولدج مسقط .. يعني وديه حق وحه زينه تمسد اليهال الصغار لان الصغار من كثر الشل والحط وبعد للمعلومه ايضا ..اذا اعطيتي ولدك اللهايه اي المصاصه ممكن تسبب له الصقاط يعني كثره الترجيع وعدم قبول اخذ الحليب. وانشاء الله ماتشوفين شر.

اللي اعرفه عن الترجيع بخبرتي كممرضه انه اذا كان اكثر من الازم ويطلع بقوه اهني يكون فيه خطر على الطفل ولازم تبتدين تستعملين حليب خاص للأطفال اللي يرجعون موجود بالصيدليات ولازم اتنيمينه على الجهه اليمنى بالمحافظه انه يكون رأسه مرتفع عن مستوى جسمه


والاحسن انك اتروحين على اخصائي اطفال والاخصائيين عندنا بالبحرين وايد اذا تبين اسامي بعطيج


وبخصوص التسقيط فشوفي يمكن يصير بعد شوفي اعلى الراس اذا كان المستوى نازل عن باقي رأسه يعني ولدج مسقط واهني لازم اتودينه للمراخه اي المساده عشان ترفع ليه الهامه


واتمنى اني افدتك

افففففففف ذكرتيني بولدي كان يرجع بشكل فظيع

من يخلص رضاعه بخمس دقايق يشتغل ويطلع كل الي شربه ..

بس يوم كنت اوديه المستشفى كانوا يقولولي وزنه طبيعي لا تهتمين للترجيع دام ان وزنه يزيد ..

تبين الصراحه وايد كنت اتلعوز يوم ابا اطلع اسير مكان يرجع ويخيسني وكنت اخاف اعطيه للناس عشان ما يرجع عليهم ..

وظل على هاي الحاله اليما قرب يكمل السنه .. وبدى يخف عنه

والحمدلله والشكر الين الحين احيانا يرجع من دون سبب

اخذته على اخصائي قال لي شئ استغربت منه
سبب ها الشئ اني مزوجة ابن خالتي يعني بسبب زواج الاقارب تتوقعون هذا السبب؟
عطاني دوى وما فاد ولا احسه استفاد منه وقفته وقال لي تعالي بعد اسبوع بروح وبشوف
بس والله نفسيتي تعبانة مرة من ها الشئ تعبت كل ساعه ابدل ملابس الله يعينا بصراحة وما احسة يتقبل الاكل يعني شكلي حتى في تاكيلة بعاني معاه
الي عنده مو اقع او اي شئ يفيدني عن طرق اطعام الاطفال لاني ام جديدة وما عندي خلفية اسوي الاكل وارد اقطة والكم جزيل الشكر

اختي جواهر لاتخافين حالة ولدك مثل حالة بنتي استخدمي له حليب خاص لهالحلات يكون مكتوب على العلبه ar مضاد للاسترجاع ومثل ماقلت لك اهو راح يخف شوي بس ماراح ينقطع..

هالشي عااااااااااااااااااااااااااااااااااااااااااااااااااااااااااااااادي

انا بنتي لين كملت السنه و الترجيع حدث و لا حرج

لا اكل و لا حليب و لا ماي يبقى في بطنها

بس الحمد لله مع سن السنه ارتاحت من الترجيع

دام صحتها زينه و ما تشتكي من شي معناته هالشي طبيعي

انا ما خليت دكتور و الله و لا اخصائي الا و راجعتها و غيرت الحليب و و وو ما في فايده لين كبرت و راح كل شي بلا رجعه

السلام عليكم انا بنتي عمرها ستة شهور وترجع اغلب شي بعد ماترضع واخذتها للدكتور وقالي شي طبيعي بس انا خايفةعليها انا استخدملها حليب نان اتش اية لانها تعاني من الحساسية ايش رايكم يعني كلام الدكتور صح ولا لا

من واقع تجربتي أقول لك شيء طبيعي

بنتي كانت كذا كل ترجيع ولما قريب تكمل السنه هدأت شوي ولله الحمد

أصبري عليه توه صغير