التخلص من العادات السيئه

هلا اختي الله يكون بعونك يااارب
انتي خذيه بالهدواة وناقشيه بهدوء وقليله اللي انت بتسويه عيب ياماما لما تحط الوسخ في فمك رح يعورك بطنك والناس يضحكو عليك ويقولو ياعيب على هالولد
ولازم تحترم الناس عشان يحبوك ويجيبولك اشياء حلوة انت تحبها ............. الخ وهيك امشي معاه
لا تجيه بالضرب او المعاندة جربي اسلوب المسايسة مع اسلوب المكافئة يعني
بتقوليله مثلا اليوم عنا ضيوف او رح نروح للضيوف واذا كنت مؤدب وشاطر رح اعطيك مكافئة حلوة
او رح اطعميك اكلة انت بتحبها
وياريت لو في انسان يحبه ولدك كتييير متل ابوه او اي احد تاني ترى كتييير بيساعدك وبيسمع كلامه
الله يعينك يااارب وحاولي تقضي معاه اكبر وقت ممكن ترى ابنك هلا بأمس الحاجة الك
ويارب تشوفيه من احسن الناس وتفتخري فيه يااارب

الله يعينك
ويسخره لك
وتقر عينك في
نفس تصرفت ولد اختي

كان الله بعونك أختى،، بس بالهدوء والنقاش كل شي ممكن يصير مثل ماتحبين،، يمكن وجودك خارج البيت بعيد عنه وبعده عن أبوه ووجوده مع الخادمة أغلب الأوقات، جعله يكتسب هذه العادات..
عليك بالهدوء معه،، اجلسي معه وبيني له أن هذا خطأ، ولو حد عرف من الورضة ماتفعله بيخبر البقية وراح يكون شكلك مو حلو وراح يسخرون منك...
بهدوء بيني له كيف يحترم الناس، وأنه لو بدى مؤدب أمامهم راح تعطيه مكافاة على ذلك..
الولد محتاج حد معاه يبين له الصح والغلط، حاولي تكرسين وقتك بعد الدوام له لأنه أمانة أختى في رقبتك....

هميه ان الي يسويه خطا واذا قعد يسوي هذي الاشياء

او خوفيه من شيء هو اصلا يخاف منه انه لاتسوي كذا عشان مايجيك الشيء الفلاني

بهدوء وكلميه وانتي تطلعي فيه وهو كمان

وانه عيب تقول الكلام هذا للكبار

فيه برنامج يجي في ام بس سي 4 حق المربيات شوفيه والله فيه

اشياء ممكن تفيدك

والله يهديه لك ويطلع مثل خالد الجبير واحسن بعد

الله يعينج حبيبتي وانت اخذيه بالمسايسة وبالهدوء وفهميه ان اللي يسويه غلط وراقبي الشغالة اذا كانت تسوي هالحركة او لا لان احتمال انه اكتسبها منها والله يساعدج

هلا أختي ..
أول شي الله يهدي ولدج وتشوفيه مثل الي تبين وأحسن ان شاء الله ..

أختي المشكله يبيلها صبر وتعود لان الطفل يقضي معض وقته مع الخدامه الي هي يمكن تكون سبب في تعلمه هذا السلوك (يمكن هي تسوي هالشي) محد يعلم :

1-أول شيء راقبي الخدامه لا تخلينه على تجلااها
2-حاولي انج تيلسين ويااه أكبر قدر ممكن وتعوضين غيابج عنه ( يعني ممكن تقضين وقتج وياه ترسمين ومن خلال الرسم توضحين له الصح من الغلط , أو تشترين له قصص مصوره وتراوينه الزين من الشين وسبحان الله الطفل في هالسن يتقبل كل شي وياخذه ويتم في باله يعني مايرووح من ذااكرته(اثبت الدراسه ان الخمس السنوات الاولى في حياة الطفل هي الي تكون شخصية مدى الحياة)
3-ويوم تبين الطفل ينتبهلج ويركز ويااج لا ترمسينه على اساس انه ياهل وما يفهم بالعكس انزلي لمستواهوحطي عينج في عينه ورمسيه بنبره جادة بس مب قاسية وفهميه انج انذرتيه والمره اليايه بتعااقبينه ,, وانا سويت هالشي ويا ولدي والله تغير واايد وحس بالمسؤوليه شوي..
4-استخدمي وياه مبدأ الثواب والعقاب بشكل معتدل مو باسراف على كل صغيره وكبيره ..مثلاا انا سويت جدول حق بنتي وولدي لمدة اسبوع والي يحصل اكبر قدر من النجوم ياخذ الهدية والطرف الثااني اذا كان سلوكه زين وما عنده اكسات وايد نعطيه هدية ترضية..

اسمحيلي وايد تكلمت بس بصراحه انا هالاسلوب اتبعته ويا عياالي وغيرت اشياء واايد فيهم خصوصا اني كنت نص النهار في الجاامعه ويادوب ايلس وياهم .. بس الحمدالله الحين متفرغه لهم ..

والله يهدي عيالنا وعيال المسلمين يارب (f)

شكرا لكم كثيرا يا اخواتي على النصائح التي تم تقديمها لي بس نعم انه معظم الوقت عند الشغالة صح يمكن تعلمه اشياء خطاء وهو ما يرضى ينام والا وهي بقربه هذا شي يقهرني بس اقول ما عليه المه يا ام رشور سبحان الله انه نفس اسم ولدي فهميني اكثر طريقه النجوم ولانه الولد الوحيد الذي عني والحمد الله والله يخليه لي يعني كيف استخدمها وهو لوحده بس اولاد في نفس سنه موجودين عنده في البيت.

شكرا لكم كثيرا يا اخواتي على النصائح التي تم تقديمها لي بس نعم انه معظم الوقت عند الشغالة صح يمكن تعلمه اشياء خطاء وهو ما يرضى ينام والا وهي بقربه هذا شي يقهرني بس اقول ما عليه المه يا ام رشور سبحان الله انه نفس اسم ولدي فهميني اكثر طريقه النجوم ولانه الولد الوحيد الذي عني والحمد الله والله يخليه لي يعني كيف استخدمها وهو لوحده بس اولاد في نفس سنه موجودين عنده في البيت.:shy:

الحياه والماء

هلاا اختي ..

الله يخليلج رشوود وتشوفينه معرس يارب .. الغاليه سالفة الجدول عبارة عن خانتين يعني خانة حق الصح وخانة حق الاشياء الغلط ووكل ما يتصرف تصرف زين شجعية وصفقيله وخليه يحط النجمه بروحه عشان يتشجع ويستانس وعلقيله الجدول في مكاان يكون جدام عينه يعني على باب غرفته مثلااا .. وحتى لو هو ارووحه عادي واذا هو ما يشجع بروحه حاولي ادخلين حد من يهال العايلة الي تحسينه وايد قريب منه ويحبه .. وتعالي آخر الاسبوع وشووفي اذا تحسين انه يسمع الكلاام والتزم لو شي بسيط يكون زين لاانه صعب الطفل يلتزم ويتعود من اول شي .. لكن ان لاحظتي اي تقدم ولوو كان بسيط ما عليه شجعيه وعطيه هدية على قد التقدم الي احرزه.. وكل ماكان مطيع اكثر كل ما كانت هدية أكبر .. اتمنى ان الفكرة تكون وصلت لج .....الجدول تقدرين تسوينه على الورد وتطبعينه وحطيله عليه حركات هو يحبها او شخصيات رسووم يحبها ومن هالاشياء ...

ملاحظه:
(يمكن تتعبين وياه أول شي لعدم إلتزامه لكن اصرارج وعزيمتج وصبرج وياه هم الي بغيرن الموضووع

والله يوفقج ويوفقنا يارب وكل المسلمين :shy: