بنات الامارات ..الأمريكي ولا الكورنييش

أختي الطيبة.. أنا أنصحج بصلاة الاستخارة.. وبإذن الله بتيسر أمورج أنا استخرت وقت الولادة على مستشفيين .. وفتحت في الاثنين ملف.. والحمد لله على الرغم من ولادتي بقيصرية إلا أن الله تعالى يسر لي المستشفى الأبعد والحمد لله .. تعرفين يوم يكون المستشفى وايد قريب الزوار ما يخلونج ترتاحين..

جزاج الله خير اختي
و الله كلامج عدل
بس انا اريد اعرف بعد تجارب الاخوات لاني بفتح ملف و ببدأ اراجع ... لان الاثنين لازم تراجعين عندهم قبل الولاده
الكورنيش يسوولج سالفه اذا يتيهم بعد الخامس او قريب الولاده

شكرا اختي
و انتظر تجلرب الاخوات

:sad: :think: :no:

ان شاءالله البنات المجربات يفيدنج..

الله يسهل عليج باذنه..

الكورنيش لوعه جبد بصراحه

انا يوم سقطت رحتلهم طواري لان كنت اتعالج في مستشفى خاصه ودكتوري كانت مسافره ....
يوم استوي النزيف رحلتهم على طول ...

مايهتمون واسلوبهم خايس .. جنه استغفر الله سويتى جريمه ماحملتى
..

وما يراعون الوحده انها توها يديده على الحمل وخرابيطه ...

___

والغرفه مزدوجه إلا اذا كنتى حاجزه من قبل غرفه VIP

او royal

بس طبعا على توافرها ممكن بعد تكون فل ...

في الحاله الثالثه اتمين في غرفه مزدوجه مع الازعاج والحشره ... وماشى مراعاه لحالتج النفسيه والتعب .....

وهذا اللى شفته منهم طبعا غير اللى اسمعه .. واللى سمعته اكثر

مشكوره اختي اميره ابوظبي و الله انا سمعت جي بس المقربين لي يقولون الامريكي بيعيد و بعض الناس تجاربهم مع الكورنيش ايجابيه :( بس و الله خايفه من الكورنيش

أختي أنا كنت حاطة موضوع عن مستشفى الكورنيش، وفي أراء بعض الأخوات،، ممكن تطلعين عليه على الرابط التالي:

http://www.3roos.com/forums/showthread.php?t=178507

Thanks Aryam :)

بس يالغاليه انتى تقارنين بين حكومى وخاص واكيد الخاص مليار مره احسن من الحكومى .. وهذا راي ثانى .. لى

هلا حبيباتي

كلامكم صح عن الغرف
بس الرعايه، ،،، انا ربيت اول مره عندهم واهتمو فيني، صح اني ماحصلت حجز في ال VIP وكنت في غرفه مشتركه اول يوم بس، بس والله اهتامهم فيني وقت الولاده كان ممتاز،
بس في عيبين، طبعا هما مايخيطون غرز لو ما حصل شق او تمزق، وثاني شي ابر الظهر بس للي تربي الصبح، يعني انا ربيت في الليل ماكان في ابر للظهر، بس بصراحه انا ماكنت ابيها، كنت ابي احس بكل شي، يعني تجربه يديده وكنت ابي اعرف، وصدقيني الالم محتمل لا تدخلين نفسج في متاهات الابر لان ممكن اللي تعطيها ما تكون خبيره ويستوي مصيبه بعيد الشر عنج

انا بربي مره ثانيه هناك بعد لاني مقتنعه بشي واحد
الكورنيش مستشفى خاص للولاده والدنيا كلها تقريبا تربي هناك يعني مرت عليهم كل الحالات بس الخاص عدد اللي يربون فيها اقل، وممكن في حالات ماتكون مرت عليهم ابادا

وانتي استخيري واختاري
والله يسهل عليج

مشكوره اختيOm_Shahad
و الله كلامج مقنع بس و الله ما ادري انا وايييييييييييييييييد خايفه و عن الالم و الله من الحين شايله هم انا الدوره كانت تموتني كيف الولاده :(

: إربيعتي ربت في الكورنيش،، بس المره الثانية ربت في الأمريكي في دبي،، قالت لي فرق السماء والأرض،،
بصراحه معاملتهم وايد زينه، وقالت خياطتهم عدل بعد الولاده والدكتوره تكون معاج على عكس الكورنيش في الولاده الثانية بس النرسات والخياطه،، مشي حالك كأنها نص خياطه:pain:
يخلونج تحتاجين خياطه في خاص،، وكان من الممكن ما تحتاجينها لو خاطوا عدل

والله يوفقج في المستشفى الزين وخبرينا :shy:

تم تعديل عنوان الموضوع