بنات دبي اتمنى تفيدوني .....

أنا اقصد مستشفى دبي ( الحمرية )

أنا حامل في السادس وبصرااااااااااااااااااااااااااااحة ماعرف شي اسمه رقااااااااااااااد واااااااااااايد افكر مادري ليش وخايفة من الولادة ..... انا من قبل ربيت بس بعملية ...... الحين افكر اقول كيف الطبيعي ..... الله يستر ....

خيتو ،،، مستشفى دبي الحين يمدحونه من ناحيه معامله النيرسات والدكاتره لانه ما عليهم ضغط اما الوصل زحمه عندهم وارفين الحريم بمواعيدهم ومعاملتهم الزفته

انا اول ولاده كانت لي في مستشفى دبي ..

والحمدلله كل شي كان توكي .. حتى انهم صبروا عليه بس عشان ما يسوولي قيصريه والحمدلله ربيت طبيعي والدكاترة كانوا ممتازات وحبوبات ..

وان شاء الله الحين انا داخله شهري وبولد عندهم للمرة الثانيه ...

اما الوصل الصراحه ما جربت بس سالت مرت اخوي تقولي مواعيدهم وايد بعيده مع انها فالشهر الثامن ... يعني لازم كل اسبوعين يكون موعدها .. وهم يعطونها كل شهر مرة

ان شاء الله البنات اللي جربن يفيدنج لاني ماعندي خلفيه عنه.

الله يسهل عليج..

بصراحه مستشفى دبي انا اساسا ماحبه وتبين الصدق ماعندي فكررررررره عنهم

يالغاليه كل المستشفيات عليهم رمسه لو تلاحظين بس سبحان الله الولاده تيسير من رب العالمين ويختلف قدر كل وحده فينا عن الثانيه فالافضل انج تدعين ان الله يسهل ولادتج وتربين في المستشفى اللي اكثر ترتاحين له وتصلين استخاره عقب ما تختارين المستشفى وان شاء الله ربي بيسهل عليج
بس اهم شي ما تسمعين كلام واااايد عشان ما تخوفين نفسج واتعبينها على الفاضي لان يوم ربج يريد للجنين انه يطلع للدنيا بيطلع سواء كان في مستشفى دبي والا غيره فلا تحاتين

مرحبا اخت يالله يسهل علييج ان شاء الله

وانتي توكلي ع الله وربي ف المكان اللي بتحسين انج مرتاح له

وترى دبي والوصل كلهم يولدوون ف اعتقد نفس الشيء

والله يسهل ع الجميع يارب

انا ناويه اولد في مستشفى دبي والي جربت تخبرني لانه هذا اول حمل لي

مرحبا انا مربيه فمستشفى دبي...انا الصراحه ولدوني بطلق صناعي..لاني سرتلهم وقلتلهم ان البيبي ما تحرك اليوم وقالولي نبضه بطييء لازم تولدين..عاد عقب حصلت تهزيء من الوالده لانها قالتلي يمكن البيبي كان نايم وهذيل يبون يفكون اعمارهم...........المهم كانت معاملتهم وااااايد حلوه معاي وبهتمون فيج لاتحاتين فديتج..وادا عن الالم تراهم يبالغون صح يعور لكن مب لهدرجه..الا قريب الولاده ..بس لما يبدا البيبي يطلع ما فيه عوار بس كانك فيك امساك(وانتي بكرامه)..واول ما ينزل سبحاااااااااااااااااااااااان الله كل الالم يرووووووح..وحتى الخياطه ما تحسين فيها..بس عليج بالمشي ابدي من هالشهر واكلي 7 تمرات كل يوم...يسهل الولاده..وعلى فكره كثرة التفكير تسبب ولاده مبكره ديري بالج..وجزت الولاده وانتي بالمستشفيى كل ما حسيتي بالم اقري سورة الزلزله وكرريها وادعي..وخلي اهلج يقرون سورة يس ولا تخبرين اهلج كلهم عن موعد الولاده الين تربين..والله يسر ولادتج يااااااارب...لاتخافين صدقيني عادي...عاد لا تنسين تدعيلي بالذريه الصالحه..واسمحيلي عالاطاله

السلام عليكم ورحمة الله وبركاته..

عزيزتيحملي الاول ولدت بنتي في مستشفى الوصل وبالعكس ما شفت منهم شي وااااااااااااااايد يراعوون.. بس وحده هنديه كانت دفشه هزئتها واحترمت نفسها.. وعن العنايه وايد زينات وما شفت منهم شي..

وقلت حق ريلي ان شاء الله هالمره بعد الوصل باذن الله ما بيصير شي..

وعن دبي عمات ريلي كلهن يربن هناك وما جد ذموه وبالعكس وايد مرتاحات..

ما عليج كل شي يهوون علشان هالعيوون.. وربي يوفقج وان شاء الله تروحين وترجعين بالسلامه..

وشكرا :shy:

الوصل أحسن مستشفى للولاده كمستشفى حكومي، وبعد سمعت فتحوا فيه صالون للحريم في المستشفى،
ويسوون بعد مساج بعد الولاده،، شو رايكم :shy:

الوصل أحسن مستشفى للولاده كمستشفى حكومي، وبعد سمعت فتحوا فيه صالون للحريم في المستشفى،
ويسوون بعد مساج بعد الولاده،، شو رايكم :shy: