اشكر كل وحدة كتبت عن زيت .......شوفوا تجربتي الرائعه هالمرة

ع

عيون بوظبي

مشرفة سابقة

09-09-2006 | 05:48 PM

السلام عليكم ورحمة الله وبركاته

خواتي الحبيباتي .. قبل كل شي اتمنى انكم تدعون لي دعاوي حلوة من القلب ..وان الله يوفقني في حياتي كلها ..

واحب اشكر كل وحدة تكلمت عن زيت انوب الرائع في هالمنتدى .. بصراحه اشكركم من قلبي عليه ...

واليوم حبيت اخبركم عن تجربتي الشخصيه ..

الله يسلمكم .. ولدي شعره خفيييييف وايد وهالشي وراثه من ابوه واهله .. وحتى يبهته عريضه .. والفراغات تبان بسرعه في راسه ..

وانا طبعاً دورت زيوت وايد بس مافي فايده .. لين ما قريت مرة عن زيت اسمه anoop (انوب)

وهو زيت هندي وريحته فطاس:gum: بس مفعوله رهييب والله .. وقوي لدرجه انه ما تحطينه اكثر من ساعة او ساعتين ..

وانا احطه لولدي يوم ويوم .. ولمدة ساعتين تقريباً وماشالله من اول استعمال حسيت انه شعره استوى طري .. ومن 4 مرة ماشالله تبارك الله شعره طول بسرعه و استوى غليظ واتغطت الفراغات بسرعه .. الحمدلله .. والكل لاحظ هالشي ..

انا ناوية ان شالله استعمله لنفسي ..

تفضلوا صورته ...

تلقونه في محلات الهنود .. مثل اللولو واتوقع الجمعيات التعاونيه بس مش كلها ..

انا لقيته في محل عادي بس كان يايب شوية اشياء نادره بعض الشي..

جربوه واتمنى انكم تستفيدون .. دعواتكم لي ولولدي ..

أ

أوراق الخريف

مشرفة سابقة

09-09-2006 | 06:18 PM

السلام عليكم ورحمة الله وبركاته..

عزيزتي تسلمين على الموضوع ومشكوره لافادة الاعضاء..

ربي يوفقج ويسهلج امورج حبيبتي.. انصحج بالصبر والصلاة.. وربي ييسرلج حياتج يا رب..

وزيت انوب بالفعل جديم وايد ومعروف..

ونترقب جديدك الافضل باذن الله..

وشكرا :shy:

¨

¨°o.OجوجوO.o°¨

عروس نشيطة

09-09-2006 | 06:24 PM

مرحبا حبيبتي
مشكوووووووره عالموضوع وانشالله باستخدمه
والله يوفقج في حياتج ويحفظ ولدج ويسر امورج كلها
اختج : جوجو

.

.. زين ..

عروس نشيطة

09-09-2006 | 06:38 PM

مشكوووورة أختي

والله يوفقج

بس بسألج

جبهته شلون صارت
يعني نبت فيها شعر ولا شلون

لأن أختي جبهته مرة وسيعة وكبيرة
يعني لو استخدمت لها هالزيت راح ينبت شعر بالجبهة

ومشكوووووورة مرة ثانية
وجزاج الله كل خير

أختج // *فراشة*
: )

ح

حبر وورق

عروس فضية

09-09-2006 | 06:58 PM

هلا أختي

الله يوفقج بالدنياء و الآخرة...قولي آمين

بغيت أسأل هو ريحته خايسه مثل دابر أملا

وبعدين هو شو يسوي بالضبط يغلظ ولأ يطول..............؟

وجزاكِ الله خيراً

ع

عيون بوظبي

مشرفة سابقة

09-09-2006 | 07:28 PM

اشكركم خواتي على مروركم الحلو ودعواتكم الاحلى يزاكم الله كل الخير ان شالله

اختي حبر وورق .. فديتج هو يغلظ ويطول هاللي اعرفه ..

اختي فراشه .. ولدي يبهته عريضه وايد .. بس ما طلع لها شعر طبعاً بس كل الي اتوقعه انه ممكن شعره يغلظ ويطول فيتغطى الي جدام ..

u

umnoora

عروس جديدة

09-09-2006 | 09:26 PM

مشكوووووووووووووووووووووووووووورة عالمعلومه

&

ღ الينبوعه ღ

مشرفة سابقة

09-09-2006 | 09:52 PM

مشكورة وتسلمين يا رب على النصيحة والمعلومة المهمة بارك اللة بيج
ويوفقج ان شاء اللة يا وردة
دمتي في ود

*

*~يابعد عمري~*

عروس مشرقة

10-09-2006 | 12:18 AM

السلاااام عليكم
يعطيكي العافيه اختى
وربنا يوفقك في حياتك العلميه والعمليه ويسهل امورك ويحل ضروفك ياقادر ياكريم00
ويحفظ ولدك لك من كل شريارب000

بالتوووفيق اختى وان شاءالله البنات يستفدون منه يارب

ع

عيون بوظبي

مشرفة سابقة

10-09-2006 | 06:37 AM

العفو خواتي

واسعدني وجودكم

.

... uae ...

عروس نشيطة

10-09-2006 | 06:49 AM

تتكلمين صدق!!

واحنا نعاااني نبا شس يغلض الشعر :(

الله يوفقج ومااااشاااء الله تباارك الله ع شعر ولدج

ف

فيوليت

عروس مبدعة

10-09-2006 | 06:51 AM

تدرين انا استخدمته حج بنتي فترة وصحيح تعدل شعرها ومن غيرته حسيت نتيجة غيره على شعرها مش ذاك الزود وشكلي برجع له مره والله كلامك خلاني اتذكر اني دايما اقول برجع اطلعه وانساه بس ان شاء الله من اليوم برجع استعمله حج عيالي

مشكورة وبارك الله لك في عيالك حبيبتي

ع

عذباء

مشرفة سابقة

10-09-2006 | 07:04 AM

وعليكم السلام ورحمة الله وبركاته
هلاااااااااااا حبيبتي

ماشاء الله
تبارك الله

الله يوفقك حبيبتي
دنيا وأخره ويسعدك يارب

وبالفعل زيت انوب
مفيد جداً للشعر

دمتي بحفظ الله (f)

S

SaNdRa2002

عروس برونزية

10-09-2006 | 07:19 AM

تسلمين ياقمر على الافاده بس ياترى وين ممكن القى هالزيت بالرياض اللي عندها فكره يابنات تقول لنا تكفوون ؟ انا شعري خفيف ودي يغلظ ويقوى

ا

اسيرة قلبه

مشرفة سابقة

10-09-2006 | 07:25 AM

الله يوفقك يارب بحياتك

اشكرك على طرح تجربتك

تحياتي لك

ع

عيون بوظبي

مشرفة سابقة

10-09-2006 | 04:23 PM

العفو خواتي

اما عن نتيجته بعد ما اتركه والله مااعرف شو بتكون..

وجربوه ان شالله بتلقون منه فايده .. بس احسه على شعر اليهال يبان اكثر لأنه شعرعم يكون خفيف عن الكبار

,

,’ نسيم الشوق’,

مشرفة سابقة

10-09-2006 | 04:27 PM

مشكوووره ربي يعطيك العافيه

.

.. زين ..

عروس نشيطة

10-09-2006 | 05:37 PM

مشكووورة يا بعد قلبي

: )

S

SaNdRa2002

عروس برونزية

11-09-2006 | 03:13 AM

يالله بنات وين التفاعل بنات السعوديه والرياض وين ممكن نلقى هالزيت اللي عندها فكره رجاء تقول لنا

l

lora18

عروس فضية

11-09-2006 | 03:28 AM

مشكوووووووووره عزيزتي على الافاده
وربي انشالله يحفظ لج ولدج ويبارك فيه