تجميل الاسنان

3afary 09-09-2006 17 رد 4,691 مشاهدة
3
مرحبا بنات شخباركم انشالله بخير يلا باركولي بعد العيد انشالله بشل التقويم الثابت وبحط المتحرك بس ما ابي اشله خلاااااااص تعودت :gum: المهم يا حبوبات بغيت اسألكم عن التقويم المتحرك منو جربته وشو فايدته غير تثبيت الاسنان ... هيه وعندي سؤال ثاني منو جربت عند عياده ليبرتي اللي في دبي الفينير لاني ابي اسوي اسناني شرات ..... لالا اخاف عقب تقولون تقليد وحرام التشبه ب...... المهم اللي عندها اي فكره عن عياده ليبرتي واسعار الفينير ياليت لو تساعدني ومشكورين يا حلوات
ا
حرام عليك يالظالمه :cry: :cry:

تعودتي ولاتبين تشيلينه :cry: :cry:

وانا بمووووووت واشيله :mad2:

مليت منه وزهقت وتندمت اني حطيته :sad:

انا صار لي سته شهور من حطيته يعني بدري على التقويم المتحرك

ولايكون تقصدين شرات روبي :rolleyes: لاتقولين انها هي :eek: لأني انا بعد ابي شراتها :bigsmile:

<< كلن يرا الناس بعين طبعه :cool2:

وبالنسبة للمتحرك ظروري تحطينه وانتبهي تهملينه بعدين ترجع اسنانك مثل اول واردى :down:

انتبهي تراه مو هين لايغرك
3
أسيره قلبه .... كيف عرفتي تقرين افكاري ولا شو .
وبعدين انا صارلي مركبه التقويم 10 شهور تقريبا على بعد العيد انشالله بكمل سنه بالضبط والحمدلله اسناني صافين صف قولو ماشاء الله بس والله ما ابي أشيله والله تعودت وشكلي طالع كيوووووووووووووت ههههههههه قبل يومين رحت اجيك تخيلي الدكتور تم يضحك علي ويقولي انتي اول زبونه تقولي لا لا تشيله
ا
ههههههههههههههههههههاي الله يرجك :dd:

يعني صح علي ههههههاي(r)

وبعدين حلو يعني بتكملين سنه حاطته ماطولتي:up:

انا قالت لي سنه ونص عاد نشوف اذا مافكته قبل:think:

اهم شي تطلع اسناني مثل روبي:shy:

ياخوفي العكس عشان اطيح غشيانه من الصدمه:eek2:

قد شفتوا وحده حطت تقويم بمبلغ وقدره بس عشان تطلع اسنانها مثل روبي ؟؟ انا احس اني متهوره وتعذرت بأشياء ثانيه

قلت بما ان فيه فراغ مكان الضرس المخلوع ليه ماحط تقويم عشان يروح هالمكان مادري عذر والا لا :think:

كل من شافني قال فسقه !! :sad:

حسيت اني ندمانه لأني لو خليتهم عااااااادي وش زينهم بس شنقول
ب
ييييييييه اتريا اليوم اللي يقولي فيه الدكتور خلاص بنشيل الثابت .. يا الله .. يا رب يكون قريب
انا من سنه و شهرين مركبه التقويم .. و اللي اعرفه عن الثابت الي قلتيه و بس لكن مثل ما قالت الاخت اسيره قلبه لا تهملين لبسه .. سوي مثل ما يوصيج الدكتور لانه اذا ما سويتيه برجع اسنانج مثل ما كانت اذا مش اسوأ .. و مبرووووووووووك مقدما .. عقبالي ههههه
3
خلاص بعد ما نشل التقويم انشالله بنشوف منو بتطلع اسنانها شرات روبي ههههههه .
ا
بناااااات روحوا شوفوا موضوع لنا بقسم الصحة والطب حطيت موضوع خاص سبيشااااال

تجممممع
أ




السلام عليكم ورحمة الله وبركاته..

عزيزتي تسلمين على الموضوع ومشكوره لافادة الاعضاء..

عن نفسي كنت حاطه وبالفعل يخلي الشكل كيوت يعجبني لما اضحك وانا حاطته ههههههههههه.. بس للاسف علشان يوم زواجي اضطريت اني اشيله اتخيلو عروس لابسه تقويم والمشكله بس كملت سنه وشليته وقالت لي الدكتوره لا لازم يتم اكثر؟؟؟؟ والحين افكر ارد احطه مره ثانيه..

عفاري فديت قلبج اي عياده تروحيله خبرينا عنه لاني ابغي اسوي بلاوي باسناني من تنظيف وتركيب وحشو وغيره.. ولاني افكر احط تقويم مره ثانيه.. لاني كنت اروح مستشفى راشد وذلوني ذل على المواعيد والاسلوب للاسف موووووووول مب شي والدكتوره مواطنه وللاسف ما بتكلم عنها..

واخوي ركب تقويم في مستشفى الايراني بس ما يعجبني اروحلهم احسبهم ما يحبون المواطنين..

وشكرا :shy:

ح
مبرووووووووووووووووووووووووووك :clap:

شوفي بقول لك شي

بنت خالتي كانت مسويه تقويم و ما شالته و ركبت المتحرك طفشت منه بعد فترة و تركته

لكن رجعت أسنانها مثل ما كانت قبل التقويم

يعني انتبهي تتركينه
ش
هيه والله حتىخواتي الثنين كانن مسويااات تقويم اسنااان لكن ما تقيدن بالمتحرك والله رجعت اسنانهن مثل قبل ..


خساره الـ 12000 ألف درهم في كل وحده والله قهر الحين ولا كنهن سون شي <<< يستاااهلن لو انتظمن كان استفادن ..


بس للأسف ..
3
ام سعيده وكل اللي تبغي تركب تقويم نصيحه مني لا تركبين التقويم عند دكاتره عرب وبالتحدييييييييييييييييييييييييييد االلبنانيه لانهم يغرون بالكلام وبس ... شوفي اي عياده خاصه واخصائي التقويم فيها يكون هندي لان الهنود ماشاء الله عليهم شطار ... وبخصوص التنظيف يمدحون عياده ليبرتي ومركز طلس اللي في دبي صح انها غاليييييييييه بس تستاهل اعرف وحده اداوم هناكي قالتلي ان اغلب الزبائن من الشخصيات المعروفه قوم الغرير والحبتور .... انشالله بعد التقويم بحجز عندهم
ب
غالياتى لا تنسون التقويم يسبب تجمع الاكل بين وصلاته

ممايسبب روائح منفرة وخصوصا المتزوجات :pain: :bigsmile:

يعنى اذكر كان معانا واحدة ايام الدراسه مركبه تقويم

لكن اذا قالت صباح الخير الناس تشرد من قدامها من الريحه مسكينه :pain:

وحتى هى تقول التقويم بهدلنى ويحرجنى

يعنى لازم تغسلون اسنانكم عدل وتستخدموا مطيبات الفم

والغسولات حتى لا ينفر الناس ولا الزوج منكم

وربى يحفظ الجميع




3
وانا مع بنت عذاري
d
مرحباااااااااااااااااااااااااااااااا

عفااااااااااري انا سالفتي سالفه وي هالتقويم
بالبداية ركبته وكنت اموت واعقه الا بس ابغي اعقه وخليته 7 اشهر وعقب ماتقيدت بالمتحرك وردن ضروسي اردى عن اول رجع وركبلي الثابت والحين كملت عليها سنه وشهرين ويقولي الدكتور خلاص عقيه اقوله لااااااااااااا خله ماااااااااااافيني عالمتحرك شكلي حبيته:shy: :shy: لا بس المتحرك اففف طفره يوم الواحد ياكل قام عقه ومادل كيف وقلت حق الدكتور يوم بكمل سنه ونص بعقه معن اضروسي مايبالهن شي بي الااااااااااااااااااااااا بطره


وسمحولي عالطواله
بس بتخبرج شوو سالفه روبي علموني يمكن اسوي شراتكن انا اافكر احط الماسه:shy: لو ظاهر شي يديد علموني خخخخخ
3
دوري حبيبتي روبي ها مسلسلج مدبلج بطلة المسلسل اسمها روبي واسنانها ماشاء اللله وااااااااااو روعه من بياض لتناسق مع الويه .... اما عن موضة الاسنان
(ابتسامه هوليوود ) اغلب المشاهير اسنانهم طويله شوي ومتناسقه مع الويه هذا غير البياض الناصع
C
اايد كلامج ما احب اركب التقويم عند العرب.. خبريني وين حطيتي التقويم احب اروح عند الهنوووووووووووووود يسون ال شغل من الخاطر..
R
انا صارلي 3 سنين حاطة التقويم بس الحمد لله هانت فاضل شهرين و اشبله و احط المتحرك بس والله ممل و بيجرح رغم انه حلو و كيوووووت لكن مللني
&
شخباركم يابنات...:bigsmile: :bigsmile:

أنا من السعودية بس كنت مركبة تقوم صاري سنة و6 شهور وشلته وفعلا أسناني صاروا مرتبين وحلوين وصفه وحده

واللحين أستخدم الرتينر المتحرك أستخدمته سنة وبعد صرت بس أستخدمة قبل النوم والحمدلله أسناني ما تغيروا

واللي حابه اي وحدة من السعودية تسوي أسنانها أنصحها تروح مستشفى سعد التخصصي بالخبر عند دكتور مغربي مره رهيب حتى كان يسولي لي تنظيف حتى وأنا مركبة التقويم عشان بقايا الاكل وإصفرار الأسنان مرتين في الشهر

وأتمنى بعد ما تشيلون تقويكم تصير أسنانكم حلوة
X