وبعدين عيونكن الحلوة
الطريقة بصراحه وايد سهلة ويبتها لكن
بالمقادير عشان تكون واضحه اكثر
ويااااااااااااارب تعجبكن
المقادير
4 اكواب مرقة الدجاج
بصلة متوسطه
كرفس (عود واحد)
حبة فلفل أحمر بارد
ربع ملعقة شاي فلفل اسود مطحون
ربع ملعقة شاي فلفل احمر بودرة
ربع كيلو كبد دجاج
وشوية من قوانص الدجاج
3فصوص ثوم
كوبين أرز بسمتي
الطريقة
افرمي البصل والكرفس والفلفل الاحمر....قعطي بانتباه كبد الدجاج والقوانص
قطع صغيرة.. افرمي الثوم طبعا
حطي القدر على نار متوسطه وضيفي ملعقتين زيت او زبده...حطي خليط الكبد وقلبي حوالي
خمس دقايق (بتلاحظين ان اللون بتغير..اهم شي ان اللون الاحمر او الوردي يختفي) ...الماي اللي بيطلع بيساعد عن نضج اكباد الدجاج شويه..
ضيفي البصل...وقلبي حوالي دقيقتين لين ما يستوي البصل شفاف تقريبا. (أو ممكن في تاوه مستقله تحمرين تقلبين البصل والكرفس في الزبده وبعدين تضيفنه..
ضيفي الفلفل والكرفس والثوم وقلبي حوالي 3 دقايق.
ضيفي العيش وقلبي بحرص لين ما تحسين ان اختلط ويا كبد الدياي عدل..
صبي مرقة الدياي وضيفي الفلفل الاسود والاحمر....ضيفي ملح لو احتاج
أول ما تبتدي الخلطه تفور، وطي النار على الآااااااااخر....وخليه حوالي 20 دقيقة مغطاي.....بعدين شليه من على النار واخلطي بشوكه، بدون ما تهرسين العيش...وخليه مغطاي حوالي 10 دقايق وبعدين قدميه....لو خفتي انج تهرسين العيش لا تخلطينه بالشوكه
