الخوف مسيطر علي ..مدري شسووي ..

اختي كيف تبين البنات يفيدونج...هل تبين يشجعونج على الغلط الي تسوينه عشان ما تخافين ...اختي لا تخافين مع اهلج...خافي من ربج...الي تسوينه شي غلط ..الله ما يرضااه فكيف بالاهل ..لو مب خايفين عليج ما بيردونج عنه واذا هو جاد في العلاقة خله يتقدم لج ويثبت لج هالشي ..واما غير هذا ...ما يصير لا حب ولا صداقة ولا لها اي مسمى ثانيه ...يباج يتقدم لج وتوضح علاقتكم جدام الناس وساعتها ما بتخافيين ... ...والحين دامهم كشفوج مره وحده لا تخلينهم يكشفونج مره ثانيه لان صج بطيحين من عينهم ويمكن يفقدون الثقه فييج عقبها ...وهذا رايي

ادا خايفه من اهلش لاتكلميه
بس الواضح انش مو خايفه توهمي نفسش بالخوف
عموما ادا هو يبغاش بيجي من الباب
وادا صرتي ماتكلميه بتكبري في نظره
واللي خلقه خلق غيره
هذا راي
يمكن كلامي قاسي شوي
بس احيانا القسوه تنفع
والله ييسر امورك يارب
ويجعله من نصيبك ادا هو يحبك وتحبيه

ياحياتي ربي يكون بعونج ان شالله طيب خلاص مدام انتي تحبينه وهو يحبج خليه

يتقدملج 000 وشنو نهايه الحب >> النكاااااااااااح او بمعنى اخر الزواااج


ولي متى الخووووووووووووووووووف يعني 000

قوليله انا اخاااف اهلي يطيحون عيل مره ثانيه وانحر من اشياء اكثر من اللي

انحرمتها 000 هنيه تعرفين اذا يحبج صج والا لااااااااااااااااااااااااااا


والله يوفقج يارب


الكاسكو

لو هو فعلا حريص وخايف عليك كان مارضى يكلمك عشان مايحرجك مع اهلك

المفروض يتقدم لك واذا عنده ظروف لاتتواصلون مع بعض الين مايكون نفسه ويخطبك

خافي من ربك وبإذن الله بيوفقك

من ترك شيئا لله عوضه الله خيرا

والخوف اللي فيك ناتج عن مكالمتك هذي مب لأنك قد انكشفتي من قبل

الله يستر عليك

هلا والله حبيبتي ......


مشكلتج كلش بسيطه وكل البنات يمرون فيهاااااااااااااااااااااااا ...

قولي حق الي اتحبينه انه يتقدم لج عشان يعرفوون انج تحبينه واهوو يحبج ويكلمج مو عن لعبه .........

مثل مايقولون انه يحزج بكلام لين يكون نفسه :)

[frame="7 10"]


السلام عليكم ورحمة الله وبركاته
الله يعينج اختي
اوكيه اهلج طاحوا عليج لما دروا تكلمون بعض تقولين انه مو لعوب اشناطرين انزين ليش مايتقدملج
بيحفظ كرامتج ويبين انه فعلا شاريج ودليل انه متحمل الذنب معاج لكن انه بعد اللي شفتيه
من اهلج ويرد يكلمج ونرد لنفس الاسلوب بالسرماينفع ترا
ادري انج متعلقه فيه وتحبينه بس فكري بمصلحتج وربج اول واخرواذا اهو ماحرك ساكن
متى عيل
فاتحيه بموضوع الزواج وخليه يتقدم علشان يكون كل شي بالحلال وجدام الناس بدون خوف
من الناس ومن اهلج ومن ربج ومن غير ماتحاسبين نفسج على شي تقدرين بيدج تحلينه
انتي فاتحيه بالموضوع وشوفي شلي بيصير وكل شي مثل ماقلت لج بايدج
تحياتي لج وناطرين التطورات وان شاء الله خير


[/frame]

حبيبيتي انتي ماتخافين انتي تتوهمين انج تخافين لأنج قاعده تسوين شي مايدل على الخوف بس ان انصحج انج تخافين على نفسج وعلى اهلج من هالعلاقه بعدين اسمحيلي انتي كاتبه هالموضوع علشان البنات يشجعونج وينصحونج انج ماتخافين وتستمرين بالغلط اسفه اذا كنت جرحتج بالكلام بس الله يهديج ويستر عليج حبيبتي

مرحبا
مشكورات حبايبي على الرد ..
حبايبي انا مب كاتيه الموضوع عشان تشجعوني ..لالا انا كاتبته عشان اعرف هل الي اسويه صح او غلط ابا احد ينصحني ..وبالعكس حبايبي انا متقبله نصايحكم وبقلب ..

معظمكم قال خليه يتقدم لج ..حبايبي ترااه يااااه بيتنا و اتكلم مع ابوووي واهله يدرون ان اهو يحبني ويبيني ..
بس على ما يكون نفسه راح يصير كل شي بالشرع ..
بس اهلي قالوا لي لا تكلمينه الحين لاني في مرحله دراسه ..بس انا لين الحين اكلمه وهذا الي انا خايفه منه ..

واشكركم مرة ثانيه ..

تحيااتي تيه العمر ..

لو كان الخوف من صج مسيطر عليج
و محول حياتج ألى جحيم ومخليج
مب قادرة تعيشين حياتج عدل

الحل و ببساطة أهو؟؟؟



أنج تبطلين الكلام مع هالشاب نهائيا
وبالمناسبة هذا أهو الطريق السليم و
والصحيح

ملاحظة / حطي عمرج مكان أهلج لو
كان عندج بنت ...... ترضين لها أنها
تكلم واحد من ورى ظهرج وما يندرى
أذا كان الشاب يلعب عليها ولا لأ
والغالب أنه يلعب عليها طبعا ..........

ما أعتقد في شاب حتى لو كان طايش مثل عشيقك , يرضى بفتاة خانت أهلها وش ضمنه بكره

وما بني على باطل فهو باطل

اها زين يا تيه عمري ....بما انه ليما يكون نفسه ...على الاقل يطلب من أهله يخطبونج رسمي ...

على الاقل تكلمينه ...جدام الكل ....واذا بعد ما رضوا خلاص قوليله انا ما بكلمك الا اذا صار شي رسمي ابينا ...وخلاص ...

ليش اتصدعين راسج ...:)

اختي اذا اهلج ما يشوفونج ربج يشوفج ...اذا تبيين هالخوف يسر عنج خلي هالشاب ولاتكلمينه وقوليله اذا تبغيني تعال وتقدم لي ..ذيج الساعه بتعرفينه اذا هو يلعب وله لا..الناس تدخل من بيبانها و من درايشها .....

الله يوفقج خيتؤؤ

انتي لا تكلمينه لين تحددين العلاقه الي بين خليه يتقدم لك رسمي ولا انكم تتكلمون بالسر اذا خفتي ان هلج يصيدونج مره ثانيه خافي من ربج الي خلقت

اذا صادوج اهلج مره ثانيه بطيحين من عينهم تدرين اني الحين مخلصه الثانوي وماعندي تلفوون موو اني ما اقدر الحمد لله الخير واايد

بس اهلي يخافوون علي هم يوثقوون فيني وكاافي ان عند لابتووب ومايوم حسيت اني احتااج تلفوون

سووري اذا جرحتج بكلامي

بناااااااااات رجاء لا أحد يرد على الموضوع لأنه من 2006

ما يندرى

تقدم له طول هالسنين ولا لا !!

الموضوع قديم

موضوع قديم

يغلق لإكتفائه بالعديد من الردود