عاجل سؤالين فقط_

السؤال الاول.

جدي عنده بيت وباعه وبعدها بفتره توفا وعنده ورثه امي فقط وزوجه ثانيه وعندها بنتين وولدين .
قبل لايموت قال لاخويه الكبير خذ من فلوسي عشرة الاف ومهر البنت عليه لان فلوس العماره حاطها عند امي تحفهضها له وهو رجال كبير
وقال لامي نفس الكلام انها تعطي ولدها من فلوسه عشرة الاف
المهم امي ما اخذت الفلوس وخلت الفلوس زي ماهي
لانها قالت الولد حيلعب فيها لاكن اخليها لفرحه
الان المبلغ حيروح لشيخ عشان يوزعه
وامي ماتدري تاخذ المبلغ الي قال عليه جدي ولالا
مع العلم ياشيخ انه اولاده وزوجته عاقين فيه من الدرجه الاولي

السؤال الثاني
زوجي متزوج عليه واهله مستجدين مع الجديده
لاانها عملت عليه مؤامرات شوهت فيها سمعتي وشككتهم فيه ومعاهم زوجي وسببت قطيعه بيننا
وامه اذا راح عندها تشحنه عليه بشكل غير مباشر وبس تمدح في الثانيه لانه الثانيه تبغا الفكه مني اليوم قبل بكره وانا لسا صغيره وعمري سته وعشرين والمشاكل كرهتني حتا في زوجي
واخذت فتره وانا ماني طايقته واعتبرته عدو ليه
وانا الان منقطعه عن اهله ومادري ايش الصح
مع ان اهلي ينصحوني بزيارتهم
و كل ماتذكر الي سووه فيه اهله والثانيه اكرههم بزياده
والله ياشيخ مؤامره مايسويها اهل زوج بمرت ولدهم
والان اوضاعي مع زوجي مستقره
لكن اريد الحل مع اهله
تكفا ياشيخ ارجو الرد