كيف اعرض الزهبه ( الجهاز ) ؟؟

أختي فجوووورة

ان شاء الله خواتي بنات الامارات ما بقصرون معاج

والله يوفقج ويسهل لج امورج ان شاء الله

أختج الـدانـه

نصيحتي لا تعرضين اعراضج لانج من تلبسين شي بيقولون شفناه في الزهااااب

اما اذا انتي تبين تعرضين ممكن تسوين عند النجار مثل حركه الكيكه طوابق دائريه وتحطين اغراضج عليه .. ويكون نازل من السقف ورود وكرستال

مرحبا الغاليه ..
أنا سرت كم مره يوم المكسار وكان قبل بيوم من العرس في أغراض حاطينها في غرفة مزينة وكبيرة وصافين فيها الشنط واطقم الذهب و الالماس وحتى المهر كل شي حاطينه وكان باقي بعد من الاغراض وكانو يايبينهم في زفة رياييل وشالينهم وكانوا يتمشون لين وصلوا بيت العروس
و الطريقة كانت حلوة .. كانو حاطينها في صناديق خشبية مصممة بشكل حلو وفي منهم حاطينهم في المندوس والعبايات معلقينهم وبس هاي الي أذكره .

والله افكار حلوه
افدتوني بها

وفي سؤال في بالي
انا ابي اغلف قمصان النوم والملابس الداخليه
مثل ما اانتوا تعرفون فشله نعضهم بعد
او ممكن نعرضهم في صندوق مسكر

عطوني افكار لهم
بارك الله فيكم

تسلمين بنت البنات
على هالتوضيح واالفن الراقي في عرض الزهبه

ما ننحرم منج

مالها داااااااااااااااااااعي ياختيه

والله مب حلوه لاتعرضين كل شي

الا اللي مب حلو ولاهو عاجبك اعرضيه

والله ما انصحج


خلي جهازج خشيه محد يدري عنه احسن والله

حتى زوجج لا يشوف الملابس ولا قمصان النوم الا اذا لبستيهم

لله يوفقج ياعسل

قمصان النوم انا اللي سويته ف مكساري ،،

غلفت الكراتين اللي اييين مع القمصان بلون معين ،، كان الوردي والابيض ،،

وسكري الكراتين وحطيهم بشكل مرتب ف صناديق او شنط ،،

واهم شئ انج توحدين اللون الزهبه بلون معين وحاولي تتقيدين عليه ،،

وبالتوفيق ان شاء الله

شمسه المهيري ما شاء الله شغلج متعوب عليه وشفت شغلكم بالميزونه وعجبني وايد انا لي زيارات للاماارات وقلت لازم بمركم بس وين محلكم وهالتزين لزهبه كامل بجم تسونه عجبني

الله ايسر لج امرج ان شاء الله ...انا عرسي بعد قريب وطبعا هذي عاده عندنا ان قبل العرس يكون في مكسار يتجمعون فيه الأهل والقرايب يباركون ويشوفون زهبة العروس انا عن نفسي كنت اريد اكسر هذي العاده بس ما قدرت لأن يدتي ما قصرت وحلفت علي ..المهم انا بصراحه سويت خشب على شكل مربعات كبيره بس بأحجام مختلفه هذي خليتها عشان العطورات والنوع الثاني دوائر تقريبا 4 متدرجات مثل الدرج يعني عشان الله يكرمج الجواتي والنعلان والشنط اما الملابس بحاول استأجر من محل علاقات للملابس العربيه والجلابيات العاديه على شكل دوائر من اتحريكها تتحرك معاج يعني انا بحاول اقلل من عرض الملابس ما بعرضهم كلهم اما الفساتينن بعرضه على مونيكانه انا مسويه فستانين بس بعرض واحد نفس الشي المغربيات مسويه واحد فيه شغل وايد وثلاثه عاديات بعرض واحد عادي والرسمي والعبي بعرض 3 بس اما ملابس النوم بحاول اغلفهم بصندوق واحد بس بطريقه حلوه ومرتبه والرئيسيات ما بعرض شي منهم خخخخخ فشله والباقي من المخورات برتبهم بصندوق وفوقهم الشيل الي للبيت والباقي مثل اللوشنات والكريمات بحاول ابرزهم واللون السائد بيكون ذهبي وطبعا مع شوية حركات من شموع وورد مجفف وطبيعي منها عرضت ملابسي بشكل مرتب وبسيط ومش مبالغ فيه ..

مادري ليه تسوون العرض هذا حلات العروس لبسها وجهازها مفاجأه للي حولها ماله حلات اذا العالم شايفينه

نسيت اقولك تتهنين فيه انشاءالله

الله يوفقج
يقولج محد يطلع اخبارك الا اللي يدخل دياركىالله يستر ع اليميع