بكره بنتي

مشكلة بصراحة اني ما بتقبل كل شي جديد بحياتي سواء كان سعيد او حزين رغم اني جامعية و مثقفة والي طلعة اجتماعية مميزة بس شو بقلبي ما حدا بيعرف او يتصور اني داخليا بهل الشكل.
اتزوجت و مع اني بحب زوجي تفاجئة من البداية بكآبة غريبة تسيطر علي بشكل ما طبيعي حتى اني كنت احبس حالي بغرفة وابكي وما ارضى شوف حدا و اهرب من السرير بالليل و طبعا قلت شي طبيعي قياسا بالمشكلة يالي لامستها فيي و هي اني ما بقبل الجديد
بعد أشهر لانحل الموضوع ورجعت متل اول حب زوجي و ما بعد عنه بس بعد معاناة دامت 6 شهور و هي مدة ما قليلة
و لما حملت مع اني كنت منتظرة الحمل بفارغ الصبر وكان اهم شبب لزواجي هو الاطفال تفاجئت بذات الاكتئاب و بشكل اشد و بعد مضي 4 شهور رجعت فرحانة بالحمل وعم انتظر البيبي
و حاليا ولدت وجبت طفلة بكرهها من قلبي و بشعر انها غريبة و بهرب منها وبدي اي انسان ياخدها عني طبعا حسب تجربتي رح ينتهي الموضوع بعد اشهر بس شو ذنب هل الطفلة بتقصيري من ناحيتها طبعا استغرب زوجي و حاليا هو يالي بيعتني فيها وانا بطلع من بعيد انا كنت بانتظارها بس ما بعرف شو صار لي.
تعبت من هل القصة وليه دائما ذات الموضوع يتكرر و انا مدركة انو الموضوع هل المرة بيتعلق بحياة طفلتي بس ما بعرف بشعر انها حتى لو ماتت ما بيؤثر علي ولا كاني انا بدي هل الغيمة تزيح وارجع متل اول و بصراحة صرت خايفة من بكرا لانه المشكلة متعلقة بكل جديد و الحياة كل يوم بتعطينا جديد