كيف اسوي عرس عائلي ..

طبعا يعتمد على مساحة المجالس عندكم او اذا بتحطونه برا بالحوش

بعطيك فكرة

ممكن تأجرون طاولات وكراسي وتحطونها بالحوش مثل طاولات القصور

وتحطون عليها الشمعدانات اللي معها الفطاير والحلى ومناديل

وممكن انتم تضيفون لمسات على الطاوله تحطون لها تل وتربطون على الكرسي من ورا بالتل

وتحطون فازا على الطاولة فيها ورده

وتشوفون لكم مكان طويل بالبيت او برا بالحوش وتحطون فيه البوفيه بيطلع روعه وتحطون حول البوفيه طاولات وكراسي

وتجيبون لكم صبابات كم وحده عشان يصلحون الشاي والقهوه ويقدمون العصير

و اذا حبيتوا تحطون على الطاولة نفسها قهوة وشاي وهذا اللي دارج حاليا بدال مايدورون فيه

والمكان اللي بتنزف فيه العروسه حطوا الكوشه فيه وطاولتهم

وطبعا اشتروا حلويات من باتشي او جهينه مره روعه

وخذوا لكم سلات تقديم عشان تعبونها بموالح

اذا تذكرت شي بكتب لك

ايه تذكرت

تجيبين طاولة تحطينها عند المغاسل وتزينيها بقطعة قماش وتحطين عليها عطورات فرنسيه ودهن عود

وتجيبين كذا سبت وتحطين فيه مناديل معطره وعلوك

وطبعا انتم بتحطون استريوا وتمدون السماعات لمكان المعازيم

واذا بتحطون الزواج داخل البيت معناته بتستغنون عن الطاولات وتضيفونهم بالمجالس

وتجيبون سلات الفطاير والحلى والصبابات يصبون القهوه والشاي

هلا اختي حكايات متناثرة

العرس العائلي حلو فيه يكون بسيط خصوصا لو بالبيت

مو حلو يكون في بيت ويكون over

خلي كل شي راقي وناعم ولاتكثرين من الاشياء الي تنحط بأعراس القاعات والفنادق

بس سؤال بتسووون العرس داخل ولا بالحووش؟؟ لان لازم تراعين الجو الحلو :)

يعني وايد صعبة تسوين عرس بالصيف وبالحوووش



والف مبروووك حبيبتي

اختج

#رومانسية#

أسيرة قلبه ..

مشكوووووووووورة وايد على أفكااااااااااار الحلوة وايد ..
والراقية جدااا ..


...رومانسية ...

بالنسبة للمجلس وايد صغير ...فبيكون في الحوش إن شاء الله .. ومب ألحين بعدين لما الجو بيعتدل إن شاء الله تعالى ..ومشكووووووووووورة وايد على إضافاتج الحلوة ..

تذكرت شيء ..

شو رايكم زين خوات العروس والعريس شو يلبسوووون ...

يعني لبس في نفس مستوى الفنادق ولا أثواب وجلابيات راقية ..

والسؤال اللي بعده ..

وتتوقعون عرس في البيت ما بيصير فوضى بالذات من ناحية الأطفاااااااااااااااال

تقدرون اتسونه نفس حفلة الخطوبه اذا الحوش كبير
اخذي لج كوشه حلوه وراقيه والطاولات عاديه
لان احس الكوشه اهيه اللي راح تطلع في التصوير

يقدرون يلبسون فساتين ناعمه او جلابيات كشخه يعتمد على ذوقهم

وبالنسبه حق السؤال الثاني يعتمد على عدد الاطفال تقدرين اتنبهين يهالكم انهم مايتحركون من مكانهم وانهم اذا سمعوا كلامج بتعطينهم هدايا

على فكرة شو هي الموالح ومتى تتوزع في العرس

بالنسبة للبس

البسوا فساتين سهره ,, مهما كان عرس واقاربكم بيجون والجيران ولازم يشوفونكم كاشخين :shy:

والموالح تتوزع مع الشاي

والاطفال ليه ماتمنعونهم ؟

حتى لو العرس عائلي عندنا لاااازم نمنعهم لأنهم بيحوسون الدنيا
نحطهم عند الخدامه واللي ماعندها خدامه نجمع الاطفال فبيت واحد وبيكثرون الشغالات وبينتبهون لهم

حلوو والله

اريحلج يا خويتي

والله

ما احلاه عرس البيت


انا اشوف لو تسوينه عرس تراثي بيكون روعه

أختى عن تجربة عرس البيت حلو، الكل يقدر ياخذ راحته تكونوا مطمئنين محد ينكشف عليكم.. والله الكل بيفرح والحين حريم وايد ما يروحون أعراس بفنادق..
بخصوص الأطفال خل اللي حواليك ينبهون المعازيم ان مايحضرون عيالهم، وجذي بتكون بطريقة لبقة ماتسبب لكم أحراج.

وزعي معجنات صغيرة مع العصير او الشاي والمكسرات،، طبعا العشاء يكون بوفيه من عند مطعم معروف..
أختاري كوشة بسيطة وبنفس الوقت راقية.
خلي عند الباب دخون وعطور.
حجزوا من احدى المكاتب المتخصصة بالعمالة لتقديم المشروبات والأطعمة.
طبعا لو بيكون العرس برع، أختاري طاولات صغيرة مع كراسي، والشرشف يكون حلو وبسيط.

يارب الله يوفقك ويبارك لك...

أشكر جميع الأخواااااااااااات اللي تفضلوا وعطوني أقتراحاتهم ..