السن المناسبة لنوم الطفل لوحده

لأن قلبي يعورنى اتركها بالحجرة بروحها الحين عمرها 4 سنين الله يحفظها لين ولدت بولدى شرينا لها سرير بالحجرة وسرير لأخوها بالمستقبل وحطينا لها تلفزيون وفيديو ومكتبة للدراسة لكن تخاف تنام بالحجرة نامت كم يوم وتيجى تنام بالسرير معانا لأن عطيت اخوها سريرها مال البيبي وقمت افرش لها على الأرض بحجرتنا تنام الحين من بطلت المدرسة اجبرتها تنام بالحجرة على سريرها وطبعا انا اللي انومها الحين لأن بصراحة حجرتنا ما يخلون من الصراصير بالليل والنمل صاروا من اهل البيت وكل ما ارش وجبت الشركة لرش المبيد ما في فائدة وعشان جيذي الحين بس انا انومها بحجرتها وطبعاً حجرتها وحجرتنا افتحهم عشان اذا خافت وصاحت تجى لنا على طول والأبجورة افتحها اضاءة خفيفة والخادمة تنام معاها على الآرض بس بعيد عنها.......

انتى اختى حرام تنومين بنتك لسة صغيرة تركيها بروحها حرام لين جبتى الثانى بعدين خليها بروحها تصدقين اختى أنا لأن بنتى الحين تنام بروحها الله يحفظها نومى على طول متقطع من اسمع صوت فزيت رحت لها اطمن عليها اذا هى تبكى او متلحفة او شايله اللحاف عنها اغطيها.........:shy:

أختى تختلف المقاييس عندنا عن الغرب في تنويم الطفل،، في حين أن هم ينومون عيالهم لوحدهم من كم شهر،، أحنا نخلي أولادنا عندنا لحد مايكبرون،،، وآشوف عيالهم مافيهم شي وجريئيين..
بس أحنا العرب،، يصير عندنا إحساس الأمومة فائض بزوده ونبي عيالنا على طول جنبنا،
يعني آنه ولدي الحين عمره سنتين وشهرين وبعده معانا بالغرفة صحيح أنه بسريره وبنهاية الغرفة بس خوفي نفسك لا ينتبهه، تقولين لي ليه بعده معاكم بالغرفة مع أني أرفض هذه الفكرة؟؟؟
اولا ان ابوه مو راضي ولده بعيد عنه،،، شي ثاني عندي شغالة بالشقة والحين اخليها تنام بغرفته وماحب ينام ولدي معاها، فأنتظر تسافر بشهر ديسمبر ووقتها راح آخليه بغرفته واخلي الأبواب بيننا مفتوحة، وعلى مااخضر شغالة ثانية يكون الغيت غرفة التلفزيون وأخليها للشغالة والكوي، والله يكون بعونا بتكون جلستنا بس بالصالة (هذه مصيبة الشقق)..

إذا كان عندك مكان لها ، وهي ماترضع منك او من الرضاعة بالليل، خلي الجهاز مفتوح والأبواب مفتوحة وحبذا لو تشتري الجهاز المزود بكاميرا يكون تشوفبها وتوكلي على الله، لأن كل ماكبر الطفل صعبة يبتعد عن والديه....

احسن لج تخلينها من السن بروحها وتعودينها ولا بتتعبين وايد يوم تكبر.. انا كنت اخلي بنتي من صغرها في حجرة بروحها وكنت وايد مرتاحة والبنت ماصار فيها شي .. بس يوم مرضت رقدتها عندي من الكسل اللي فيني لمدة اسبوع واتخيلي عقب ماطاعت ترقد بروحها وانا من كسلي ماحاولت اعودها مرة ثانية ووايد ندمانة الحين لاني متلعوزة وياها وعمرها سنتين وشهر

انتظري اختي لحد ماتكمل سنتين وبعدين نقليهاوبهالفترة حاولي ترقدينها في غرفتها العصر او تنامين معاها بعض الليالي علشان تتعود وبعدين تدريجيا انقليها في غرفتها
وبالتوفيق حبيبتي

مشكورات خواتى على ردودكم الرائعة الى ريحتنى وايد وشكلى بخليها عندى لين اتكمل السنتين أو لين احمل بالثانى

عن نفسي ما ناوية أفصل عيالي عني لحد سن المدرسة من اطمن أنهم كبار وفاهمين كل شئ .

أتذكر زمان أول يوم كنا صغار نا كلنا أنا واخواني واخواتي وأمي وأبوي انام بغرفة وحدة والحمد لله ما صار لنا شئ وما صرنا ضعاف شخصية ولا شفنا شئ من أمي وأبوي بالعكس كان كل الأحترام والتقدير اللي أنشوفة.

فشو يا جماعة الزوج أو الزوجة ما يقدر يمسك عمره البيت في غرف كثيرة لكن الأطفال أمانه في أعناقكم والليل طويل والنايم ميت خلو عيالكم تحت عيونكم ولا تخلوهم مع الشغالاات أو بروحهم .

عزيزتي راعية العين الأفضل نقل أبنتك في غرفة خاصة بها قبل ما تحملي أو تولدي لأن هالشئ بيأثر عليها
(يعني من أول ما بيصر عندهم بيبي ثاني بيبعدوني عنهم!!!)
و أني في رأيي أما فصله في غرفة منفصلة من عمر مبكر (6ـ9 شهور) بس زي ما قالوا بعض الاخوات نحن نخاف كثير على أولادنا..

تسلمي حبيبتي
بصراحه مووووووووووو قادره اطلع بنوتتي قلبي يوجعني

ياااااااااااااااربي انا عندي بنتين وكلهم ينامون معي
المشكلة الكبيرة عمرها سبع سنين ورااااااافضة
فكرة النوم لوحدها اوحتى مع اختها ونفسي اقنعها
لاكن ما تنام تنتظرني لين انام وتجي تنام معاية ودي الاقي
لها حل ......................؟؟

انا اولادي الاثنين معي وربي يقدرني اني انقلهم انشاالله
ام نمير بنتك كبيره يعني تروح المدرسه بعد اسمحيلي وش تسوي بغرفتك للآن؟؟؟؟

الغالية ام عزوز والله مشكلة وابي لها حل يقنعها
واتمنا من الاخواااات مساعدتي وادعو الله ان يقدرني

باقول الاسباب الي خلتها تتعود على النوم معي

جتني البنوتة بعد عنا ومشقة والحمد لله بعد زواجي بـ3سنين
كانت كل حياتي وخوفي وجناني وتعرفون نظام الشقق الصغيرة
ما بيساعدك على انك تفصلين طفلك عنك وطلت وحيدتي لمدة
اربع سنين ما خلفت بعدها فتعودت على ومسكت فية وبعد اربع سنين
جتني طفلة ثانية كانت معي صعب افصلها مع اختها لانو لساها صغيرة
الحين الصغيرة عمرها سنتين ونص والكبيرة مقربة على السبع سنين
لسها ما دخلت المدرسة من بداية السنة الجديدة لان نظامنا من سبع سنة
والحين عندي طفل عمرة اقل من شهر وابي افصل البنات بس البنت الكبيرة
راااااااااااااااااااااااااااافضة بكل قوة تفارقني ابي حل .......................؟؟
ساعدوني جزااااكم الله خير,,

انا طلعت عيالي من عمر الصغير سنة وشهرين اعتقد..


ومرتاحة وايد منهم..عندهم العابهم تلفزيونهم والفيديو والحمام داخل الغرفة وكل شئ...

الآراء متضاربة ..فبعضكم يأيد فكرة فصل الابن لوحده في سن مبكر والبعض يرفض..
ولكن في اعتقادي ان الفكرة او الرأي الصائب هو فصله واستقلاليته في النوم في فترة مبكرة ..حيث يكون الموضوع أسهل مما لو كبر ..ولان الطفل في مراحل نموه الاولى سرعان ما يرسخ في مخيلته ما يحدث وما يراه ..
في الحقيقة ولدي عمره الان سنة ونص وزوجي يفكر يفصله عنا حتى اخذنا اليه سرير مفرد بس للحين ما جربنا كنت انتظر العطلة واللي راح تبدا من الغد ..وراح ابدا معاه بالتدريج مثل ما قالت احدى الاخوات انيمه فيها العصر وبعدين بالليل راح ننام معاه حتى يتعود مع اني قلبي مو مطاوعني

بصراحه الردود مفيده

اذا كان عندها اخوان الافضل من عمر سنتين لكن اذا كانت اول وحده ثلاث سنوات

الله يخليها يارب