ذ
ذره من المجره
عروس متألقة
06-09-2006 | 11:01 PM
مرحبا بنات عندي عرس بعد العيد وحابه أفصل عبايه وشيله بس تكون خفيفه يعني الفستان يبان عدل من تحت العبايه ياليت اللي تعرف مصممه أو محل راقي شغله حلو تقولي بليز
وثانيا بغيت أسامي المصمميم في دبي اللي شغلهم حلو يلليت تخبروني بنات
هلا عزيزتى
بتحصليين طلبج في محل المتميزة في الشارجة للعبايات والشيل
اختي مفصله نفس هاي العباية
بس يمكن ما تكون معروضة
اسالي الريال
ذ
ذره من المجره
عروس متألقة
10-09-2006 | 12:29 AM
مشكوره عزيزتي أكيد بزور المحل
وين ياجي البنات ؟؟؟؟
الغالية في مصممة وايد تصاميمها حلوة وانت تقصدين الشيفون الفرنسي للمناسبات بصراحة عندها تصاميم حلوة وممكن اعطيج رقمها انا فصضلت حق عرس اخوي قمة الكل تخبل عليها المشكلة ما اعرف انزل موديلات
ل
لولو بحر مكنون
عروس ذهبية
28-09-2006 | 04:34 AM
فديتج العبي الشفافه مالت المناسبات بتلقينهم
عند محل تيجان في شارع الوحده -الشارجه
بنت خالوه واختي مسويات عندها وحده وايد ناعمه
تيج كلها شفافه وفيها دانتيل بس من الدانتيل إلي اييج وايد ناعم وخفيف وطايح
هم مسوينها بحوالي الـ2000 وشي .. يعني اسعارها غاليه شوي
هلا الغالية لو بغيت اختي تصمم عبايا روعة للعارايس والمناسبات
شفتها في محل سويتي اللي في ابوهيل فوق الطابق الثاني بس روووووووعه و على فكره تراها مب رخيصه
ختيه سويتي2 ممكن إسم ورقم إلي فصلتي عندها .. عرس إختي عجب شهرين .. ويزاج اله كل خير
ختيه سويتي2 ممكن إسم ورقم إلي فصلتي عندها
بنات اللي فصلت عبايه شفاشه ياريت تحط لنا صورتها نبي نشوفها
!
!!قطرات الندى!!
عروس نشيطة
27-02-2007 | 04:49 PM
الغالية سويتي2 ممكن إسم ورقم إلي فصلتي عندها
اختي فلوره وين محل المتميزه في الشرجه بالضبط ابغي اسير اشوف الموديلات اللي عندهم
اختي سويتي بغيت رقم المصممة
السلام عليكم اختيه سويتي2 يمكن اطرشيلية رقم المصممه
جزاك الله خيرا
ا
الجوهره الثمينه
عروس نشيطة
19-05-2008 | 03:09 PM
أختي الحبيبه العباءه للستر وهي عباده وتقرب الى الله بالأحتشام والبعد عن الحرام والله ياأختي الموديلات الي طالعه الان ليست عباءه انما هي أشبه بالفساتين والجلابيات بمسمى عباءات يعني عباءه يلزمها عباءه لتسترها أتقوا الله أخواتي المسلمات ولبس مثل هذه العباءات حرااااااااااااام لا يجوز...هداكن الله لما يحبه ويرضاه
مايجوز تلبسين عبايه شفافه خليها مبطنه او ثقيله شوي خليها طبقتين استر
اللي بتلبس عباه شفافه تلبسها داخل الصاله ..وتلبس عباه ساتره لين ماتدخل . ولا شو رايكم يابنات؟