جيت بفرح....مالقيت مكان

السلام عليكم ورحمة الله وبركاته


شلونكم ياعرايس الكل يدري اني رديت لزوجي ولحياتي الزوجية من شهر وهذا كله من فضل الله وفضل دعواتكم حبيباتي



هالشهر مر بسرعة راح منه اسبوع الانه سافر مع اهله واسبوعين سفرتنا لدبي كل شي كان تمام ومن ردينا من السفر رد الروتين وبدت الحياة الزوجية الحقيقة واكتشفت شي.............





ان احنا للحين مو قادرين ننسي هو شسوي وانا شسويت واي خلاف بسيط عادي نبتدي انت جذي وانا ..............واهلج.................. واهلك.... وهلم جري



والله يا بنات مانسكت حتي لو مسك بنته وشاف سنونها قال الله يسامح امج حرمتني فرحة طلعة سنونج ومن هالسوالف وانا بعد ماقصر الكل شايل عالثاني وباي مناقشة قال انتي ليش زعلتي واكيد كنتي تطلعين وانتي عند اهلج واكيد واكيد


ولا كل شوي قال عادي انتي تعودتي علي بعادي وعالزعل روحي بيت اهلج تري عادي




انا حازه بخاطري وللي وصلت فيه حياتنا بس بسرعة نرد ونسامح بعض ونقول اخنا نحب بعض بس الشي اللي متاكدة منه ان للحين شايلين بقلوبنا شي




هل هالشي عادي وبسال البنات اللي زعلوا مع ازواجهم وردوا هالمروا بهشي وشلون عدوها




ولكم الف شكر