مشكلتي ما أعرف أدخل أدبي ولا علمي

انا الحمد لله انتهيت من الثانويه ذيج السنه وافتكيت

انا ماكنت محتاره في هذا الشي يوم كنت في سنج لاني كنت افضل المواد اعلميه اكثر من الادبيه

بس اذا انتي تحبين المواد الادبيه انصحج انج تدخلين ادبي

لانه انتي همج الحين اتيبين في الثانويه العامه نسبه عدله

والعلمي للي يبون يدخلون الطب او يحبون هذي المواد

بس مدام انتي حطيتي التخصص الي تبينه في بالج

الادبي اسهل من العلمي لان العلمي يعتمد وايد على الفهم قبل الحفظ
اما الادبي على الحفظ

وحبيت ابين لج هذي النقاط وانتي جوفي ميولج وين ووين بتكونين مرتاحه اكثر في الادبي ولا العلمي
والله يوفقج وديري بالج على دراستج عدل عدل

مرحبا والله

انا عندي نفس مشكلتج وكنت طول الصيف محتاره علمي ولا أدبي

أنا الكل قالي مستواج علمي

بس اتعرفين صدمت الكل ودخلت ادبي

شوفي إذا تبين تستوين دكتوره دشي علمي

بس إذا لا ليش اتعبين عمرج وادشين علمي وطبعا منهجهم متغير يعني سم سم

وغير هذا النظام خلاص اتغير حق الثنويه العامه

يعني لو كان النظام القديم بنقول دخلتي علمي ويبتي نسبه

بس الحينه ما في فرق

دشي ادبي صح شوية تعب وانتي تحفظين

بس نفس اللي بتاخذينه في العلمي موجود في الادبي

هههههه مب ادشين ادبي وعقب تتوهقين واتحطين عليه

دشي اللي تحبينه

أو خذي شهادتج وشوفي أعلى الدرجات في أي المواد

والسموووووووووووحه

والله يوفقج

نبغي نسمع اخبار حلوه

فمان الله

بتحبي اللغات وناجحة فيهم وعندك ذاكرة جيدة للحفظ ادخلي ادبي او بتحبي الرياضيات والفيزياء والعلوم ادخلي علمي

شفتي اديش سهلة لا تصعبيها يا اختي





-

-

-

على فكرة تخصص علاقات عامة باعتقد تحتاجي الى اللغات يعني ممكن ادبي افضل لكي والله اعلم

الله يوفقك

هاااااااه

شنو قررتي ؟؟

الله يسهل امرك يارب

انا رايي انك تستخيرين

بقولك سالفتي

انا ما اواطن شي اسمه حفظ ومستحيل احفظ مايمديني احفظ صفحه وحده واقلب للثانيه الا تبخر كل شي

واحب الفهم لأني افهم على طول الحمد لله واموت بالرياضيات

المهم المدرسه مارضوا يخلوني علمي لأن مستواي مب ذاك الزود بالعربي طايح انجح على الحفه

بعدين قررت ادخل ادبي المهم وفرحانه وعلى بالي قلت خلاااص بدخل ادبي راس مالها احفظ وابهتم من البداية عشان مايصير صعب علي

ورحت استلمت كتب الادبي

ويوم رجعت البيت قلت خليني استخير

واستخرت اقسم بالله جاني شعور غريب بكرهي للأدبي وصعوبته بالنسبه لي وقلت مسسسسسستحيل اقعد يوم بالادبي

ومن بكره رحت وحولت على العلمي ومشيت فيه الحمد لله رغم اني ماجبت نسبة نسبتي بالقاع لأني كنت مهمله ذيك الايام

وكانت المواد الادبيه هي اللي خفست مستواي

والحمد لله على كل حال الله خيرة فيما اختاره الله

وماخاب من استخار

وطمنينا عليك وش صار معك

حبيبتى انصحك بالادبى لانه مو كله يعتمد على الحفظ لكن العلمى بعدين صعب وانتى تبغى مجموع

الغالية انا افضل العلمي لانه له مستقبل وااااااااااااايد اوكي من كل الجهات يعني اذا نجحتى انشاءالله حتى لو بنسبة 49% بتدخلين Higher Diploma Foundations على طول من غير تردد

وبالنسبة لوايد شغلات يفضلون العلمي على الأدبي

وانصحج العلمي مب وااااايد صعب لاني مجربتنه وانا مب واااايد شاطرة اصلا كله اشرد من الحصص ونسبتي 65% يعني واااايد اوكي وربيعتي يابت 46% يعني مووول مب اوكي بس اثنينتنا دخلنا نفس المكان FD معنا المفروض هي تنزل CD بس هم خلوها هناك لانها علمي يعني قابليتها لفهم الرياضيات وااااايد احسن من وحده في الأدبي لو نسبتها اعلى منها لإستيعاب الرياضيات ووالله ان الرياضيات مب صعب مثل ما تفكرين بس اسنتبهي لشرح المدرسة و ادرسي اول بأول وخلاص هاي
كل المسألة

والعلمي اصلا كله فهم x فهم يعني وااااايد بيتركز في مخج الشرح حتى لو نسيتي اي شيء في الإمتحان بسهولة بتذكرينه لانه مطبوع في ذاكرتج

مب بس حفظ وخلاص وعقب كم شهر يخوز ههههههههههههههههه


هالكلام عن تجربة مو بس تجربتي كل البنات الا اعرفهم مرو بهاي المرحلة والحمدلله نجحوا حتى لو بنسب مب اوكي بس عقب ما خلصت دخلت الكلية في تخصص وااايد عالي واوكي


شو تبين اكثر يالله اختاري والراي الأخير طبعا يعود لج

اذا حبيتي يكون لج مستقبل باهل + شغلات مو بس في البنوك لا في الطوارئ وفي دوبال وغيرة من الوظائف الا تتفاخرين انج تشتغلينها لانج تمتلكين عقلية علمية من الرياضيات والمواد الأخرى مثل الأحياء الا بتعرفين كل شيء عن جسمج وغير وغير


وتحياتي لج

سمارية

بصراحه عن نفسي يوم كنت في الثانويه كنت افضل العلمي مع اني شوفي يالغاليه مع اني ما احب ولن احب الرياضيات والكيمياء والفيزياء يعني دخلت علمي بس لان له مستقبل كبييييييير يعني في كل مكان ياخذون اللي شهادتها علمي اولى من الادبي
والحمد لله حبيت العلمي بس لاني من كنت صغيره قلت ابغي ادرس قسم علمي لاني اكره الادبي والعربي ووووووووووو الخ اي شي يتعلق بالادبي كرهته
وانتي استخيري اكثر من مره والله يوفقك

حبيبتي استخيري ربج وفكري عدل وشوفي شنو ميولاتج 000


والله يوفقج يالغاليه 0



كاسكو

حبيبتي الاستخاره مو اذا كنتي متردده تصلين

الاستخاره اذا عزمتي على قرارك صليهاا

وان شالله نسمع اخبار حلوه عنك

اختي هذه مب مشكله.. وحلهاا جداا سهل..


شووفي الاموور العلمية كم عددهاا .. والادبية كم عددهاا..!!

وبعدين اجمعيهااا .. مثلاا العلمي كم ماده.. والادبي كم مااده..!!


اللي تعرفين له واكثر.. ادخليه..


مثلااا : العلمي 7 موااد.. والادبي 7 موااد..

العلمي انتي تحبين فيه 3 موااد.. اماا الادبي تحبين فيه 5 موااد.. فهالحاله ادخلي الادبي..


وبالتووفيق

اهلين وحوووووودتي حبيبتي والله حاسة فيك
انا كنت مثلك بثاني ثانوي قعدت اسبوع علمي لأني ماأحب احفظ وبعد كذا رجعت الأدبي مع صديقاتي والحمد لله دفيت عمري فيه


والمضحك بالكلية دخلت قسم علمي ههههههههههه




وحودة شوفي درجاتك بأول ثانوي ايهم اكثر مواد العلمي ولا الأدبي وعلى هالأساس قرري

الله يوفقك يارب دنيا وآخره وييسر لك القسم اللي تبينه وبلغيني اذا استقريتي
أسأل الله ان لايجعلك في دار اهلها يحترقون





رفيقتك عائداااااااااات