غرامي بهالطبخه ابتدي من كم سنه في رمضان بس بعدين قمت اسويها بطريقتي، مثلا لازم اسوي وياها
الدقوس والصوص الأخضر (ألفت طريقته من الملوخيه المصريه والآش الايراني والشاتني الهندي) حشا استوى صوص دولي. :no: ............
في أكثر من طريقه للصياديه، مثل السمك يتحمر عادي بدون الطحين، أو نفوره في ماي وملح وفلفل اسود وشرايح بصل (ما أحب السمك المفور)
في صلصة خاصه بالصياديه يسوونها من الطحينيه بس ما أسويها عشان الأهل ما يحبون الطحينيه ويا العيش
وهاي طريقة الأخت مليكة القلم يزاها الله خير حاطه طريقه وايد حلوه وفيها
وفيها بعد صلصة الطحينية
http://www.3roos.com/forums/showthread.php?t=195986
وتفضلن الطريقه بالصور قبل ما أستلم تهديد منكن :mad2:
المقادير
هامور منظف بدون تقطيع مع الاحتفاظ براس السمكه جانبا
خلطة سامي (عبارة عن طحين وبهارات وملح) اختصارا لوقتي
زيت زيتون
أرز بسمتي
بصل مقطع شرايح رفيعه
فلفل أسود , كمون, قرفه، ملح
ماء مغلي لطبخ العيش
الصوص الأخضر:
سبانخ مفرومه (استخدم دايما المثلجه)
كزبرة، بقدونس، شبت، بصل أخضر (طبعا افرمي كل المقادير)
بصل مفروم
ثوم
ليمون حامض
مكعبات ماجي
فلفل أسود وملح
ماي حار للصور
الدقوس:
طماط مفروم، بصل مفروم، ثوم، صلصة طماط، ملح
كمية بسيطه من الماي الحار
طريقة تجهيز السمك للتحمير
ابتدي بتشريح السمكه من ظهرها، وانتي تشرحين السمكه، خلي السكين تمر على العظم على طول عشان تقطعين أكبر كميه من لحم السمك اللاصق بالعظم....
بعد الانتهاء، مرري أصابعج على الشريحه عشان تلقين أماكن العظام الصغيره الموجوده في لحم السمك، طبعا لازم تشلين العظام كلها مع الاحتفاظ بقوام السمك
قطعي السمك حسب رغبتج (هالمرة قطعتها مكعبات) رشي عليها ملح وليمون وفلفل أسود عشان تفتكين من الريحه الزفره
عقب نص ساعه غسلي و جففي شرايح السمك وغمسيها في خلطة سامي (مافي داعي تضيفين ملح او بهارات) واتركيها جانبا.
وهاي صورة العلبه
طبخ الأرز
عقب ما تكونين نقعتي راس السمكه في الليمون والفلفل الاسود والملح، نص ساعه، اغسلي الراس زين، رشي جففيه ورشي عليه رشه خفيفه فلفل أسود أو كركم وملح، وحمريه في زيت الزيتون. عقب ما يحمر (حتى لو ما اكتمل طبخه) شليه من على النار....
هاتي الزيت اللي قليتي فيه راس الهامور، حطيه في جدر مناسب وحمري فيه شرايح البصل لين ما يستوي لونها بني (لو تحبين يكون لون العيش غامق، زيدي كمية البصل)
...رشي كمون ، فلفل أسود وقرفه وقلبي شويه وعلى طول صبي الماي المغلي.
..لا تنسين تضيفين راس الهامور، عشان يتشرب الماي بطعم السمك المقلي...عقب ما يفور الماي زين (ممكن تشلين راس الهامور لو تبين) ضيفي العيش المغسول وخليه يفور دقايق بسيطه...بعدين وطي النار (وتخلصي من أي كمية ماي إضافيه ) غطي القدر لين ما ينشف الماي نهائيا ويتسكر العيش...
الصوص الأخضر الحامض
حمري البصل وضيفي له الجزء الأبيض من البصل الأخضر، وقلبي شويه
......ضيفي السبانخ وباقي المقادير وقلبي شويه
وبعدين ضيفي الماء المغلي والماجي والليمون والملح لو احتجتي
وخلي الخلطه تنطبخ على نار متوسطه الى هاديه حوالي ربع ساعه
الدقوس:
حمري البصل وضيفي الثوم والفلفل الأحمر المطحون وحركي
وبعدين ضيفي الطماط المفروم
وقلبي ويا البصل وبعدين ضيفي صلصة الطماط وكمية مناسبه من الماي المغلي
وخلي الدقوس على نار متوسطه الى هاديه لين ما يغلظ قوام الدقوس وشليه من على النار
أخر شي حمري شرايح السمك في زيت الزيتون
زيني العيش بالسمك المحمر
وطبعا لا تنسن الدقوس والصوص الأخر الحاااااااامض
ووووووووووووووووووووووبالعافية عليييييييييييييييييكن
اقتراحات لاختصار الوقت:up: :
تشريح السمك وتقطيعه في اليوم السابق للطبخ
تشترين فيليه هامور جاهز
تقطيع البصل شرايح......دق الثوم بعد في اليوم السابق
وفي يوم الطبخ ممكن تسوين الدقوس والصوص الأخضر
الصبح وتسخنينهم وقت الغذا..وممكن بعد تفرمين الكزبرة
والبقدونس والشبت (ونعناع لو تبين) ويا بعض....
