حليب المراعى ؟؟

نودو لا تعطين الولد هذا الحليب قبل لا يكمل السنة،، حرام معدته ماتستحمل.....

انا بديت اعطي ولدي وهو كمل السنة

ليش مستعجلة ياختي؟؟؟؟ مثل ماقات الأخت رانيا البحرينية لين الولد يكمل عمر سنة انشاء الله..
بس ضروري تأكلية زين ويكون دائما اكلة كامل من جميع النواحي يعني يحتوي على البروتينات والنشويات والحديد وووووالخ

عاد تصدقين اختى صباحى ان انا كم يوم ولدى مسكين ما اسوى له اكل لأن احس ما عندى وقت :sad: وقت غداه مثلاً اعطيه سيريلاك وقت عشاه روب او سيريلاك كمان لأن اشترى له كل شي طازج وصار لي كم يوم ما مريت الخضار اشترى له اغراض اكله مسكين ...اليوم انشاءالله بمر واشترى له كوسه وجزر وبوبر واعمل اكله................. ياربي وباجر تطعيمه الله يعينى على الصياح والصخونة ...

اهم شي يانودو انك تنوعين في اكلة مثل ماقت لك.. عاد لو تزيدين مرق لحم او دجاج على اكلة يكون كويس (انا عملت كذا لولدي) وعجبة كثير وحطي مع اكلة بعض الأحيان عدس ...

ولاتنسين عصير التمر كثير ممتاز علشان الدم وكمان فواكة مسلوقة مثل الكمثرى او التفاح وووالخ

قبل ايام جبت روب (زبادي) وحطيت معاه عصير تمر ثقيل وخلطتة واكلتة كثير عجبة لانة صار حلو... حاولي هاي الطريقة..

والحليب هو الأساس علشان عظام ولدك ....

بالتوفيق

لا اختي لا تعطينة حليب أبقار خطر علية، لازم يكمل السنة وبعدين تعطينه
وبعدين عن الأكل: اسلقي له اليقطين ((البامبكن)) ولا أعرف اسمة بالعامي شنو اعتقد القرع او البوبر الي يكون لونه برتقالي وايد زين حق الطفل وحق الذكاء، وتقدرين تسلقين له كوسة و بطاطا، بس الجزر تو الناس عليه انتظري لين يدخل الشهر الثامن افضل لأن الجزر فيه نترات وتسبب آلام للطفل، وقالت لج اختي صباحي عن العدس بس آنه ما أأيد العدس في هالفتره لأنها تسبب غازات للطفل وأما عن اللحوم فلسة بدري عليه
وعن التطعيم
اول ماتخرجين من الدكتور عطيه جرعة بندول او أدول وبإذن الله بتخف الصخونة
والله يعينج والله يا الغالية
وطمنينا عليه بعد التطعيم وماعليه شر

مشكورين على ردودكم لي وانشاءالله راح اسوى نفس ما قلتوا ليحين احنا ما عندنا التمر الزين علشان اسوى له انتظر انشاءلله اجيب له من السعودية ، وعن الخضار اختى اعطيه بوبر لكن من امس بعد التطعيم او من قبل ما لاحظت الا امس انا حطيت له تحميله وهو فيه اكزيما اشوف بالليل ان كرمكم الله المكان الحساس له ( مكان خروج البول مجروح كأن احد قاصه بالسكين من النص ومفتوح واحمر صاير والله ما اعرف شنو اليوم باروح اشيك اذا شفت نفس الشي بوديه الدكتور اقول يمكن من التطعيم او التحميله لأن فيه اكزيما سببت له هالشي بهالمكان................

اا عطيت ابني مراعي كامل الدسم من سنه وشهرين والحمد لله الله واكبر عليه

ماشالله تبارك الخ يخلي ولدك ..... اا ولدى ليحين ما كمل السنة راح اتم مع حليبه ولين كمل السنة انشالله ببتدى معاه حليب المراعى بإذن الله اعتقد صحى اكثر من البودر ....... ربي يسهل ........ولأن ولدى فيه اكزيما اخاف اعطيه اي شي........

بالعكس ياأخت نودو،، صحيح الطازج صحي، بس حق صغار السن مايصلح على طول لأن مافيه كمية كبيرة من الحديد اللي يحتاجه الطفل لتقوية عظامه،،، بإمكانك الخلط بين الأثنين هذا كلام دكتورة شاطرة مو كلام من عندي...

انا بديت ويا بنتي بعمر السنه .. وبعدين ليش قليل الدسم ؟؟؟

والله ماعندى فكرة كان نفسى افيدك

[glow=00FFFF]فراشة الايمان[/glow]

شوفي لاتعطينه الابعد السنتين هذاكلام دكتور بدر ولدي لان سن الفطام سنتين هذا بالقران ويكون بعد هالسن كاي طفل مو رضيع لذلك استمري بحليبه الى سنتين طبعا كل فتره يتغي حسب العمر الن 6 شهور وبعدين الين سنه ونص وبعدين اى 3 سنوات هذا والله اعلم ولا تلعبين في ولدك

أنا مع أختى الغاليه رانيا.... وبنتى عطيتها حليب المراعى يوم كملت سنتين تقريبا