محتاجتكم،، مهمومه حيل،،إلي بتقرا موضوعي، عسى ربي يجعلها من أهل الفردوس

السلام عليكم يا بنات عروس
كيف اخباركم
طبعا تعروفي كيف كنا في المنتدى نشطه وايد
بس بالفتره الاخير عزينمتي احبطت عالخير
وانا اكتبلكم الموضوع عشان افضض لكم
لانكم انتوا ملجءي الوحيد بعد الله سبحانه
انا لا عندي ام اشكيلها، متوفيه
ولا اب يسمعلي، 24 ساعه معصب
واختي حليلها دوم مشغوله وتعطيني حلول سريعه خاطئه


المهم انا لين الحين ما دخلا بالموضوع
انا اتخرجت من الجامعه من سنه تقريبا وقاعده بالبيت لا شغله ولا مشغله
دوم انا بروحي، وكثير الي يضايقوني
بالبيت عندي اخوي وابوي، ودومهم برا
تخيلي حياتج كيف راح تكون
ممنوع طلعه مع ربيعاتج، ولو رحتي عند ربيعتج لا تتأخري عن ساعه، ويوم تبين تطلعين محد فاضيلج، الي مشغول والي تعبان والي يبي ينام، واختي حليلها ما تقصر معاي بس مشكلتها عيالها وبيتها، وانا ما ابي ازيد الطين بله

على فكره،، بعدني ما دخلت بالموضوع؟؟

من 4 شهور اخوي للأسف الشديد تزوج، وسكن هو وحرمته عندنا طبعا، ومن يومها لا خلت ليلي ليل ولا نهاري نهار
بالرغم من انها بنت خالتي وكانت توأمي بيوم من الايام، ما ادري شو الي قلبها علي، ويوم ابي اكلمها بخصوص تعاملها معاي تصد عني كإني مو موجوده بالغرفه

صارت تغير اثاث البيت الي هي اغراض المرحومه امي، وترميهم ولا تستشيرني، وتغير الكرسي مكان كرسي، وتفر هذا وتييب غيره جديد، كذا مره اكلها ةاقولها هاي اغراض امي عزيزه وغاليه علي لا تفريها، ترد وتقول ، اغراض جديمه
وانا مشكلتي طيبه بزياده وما احب ازعل حد، بس اروح داري واتم أكل روحي، واكل قلبي

يوم شكيت لإختي هالمشكله قالتلي عامليها بالمثل، وصرت اعاملها بالمثل بس هي لوح، ترجع الشي الي انا سويته، اقولكم تعاملني كإني مخفيه بالبيت
يا نااااااااااس هذا بيت ابووووووووووووووووي، مو بيتها
انا لي شهرين ما انام الليل، والدليل دخولي النت بهالوقت، وانقطاعي له
دلوني شو اسوي
او طيبو بخاطري
يمكن بالي يرتاح
اطنشها؟؟؟ تاخذ راحتها اكثر
اعاندهت؟؟ تعاندني اكثر
ويوم اكلم اخوي يقول انها تسوي حركات عشان تطلع بيت بروحها
وابوي ما اقدر اكلمه لانه يعصب على اقل شي

ابي اعرس واطلع من هالبيت
صرت اكره اطلع من داري، صرت احس ان هذا مو بيتي

والله خدودي احترقت من دموعي
سامحوني عالاطاله
جزاكم الله الف خير