ارجوج يامجد ساعديني واللي تعرف لاتبخل على بردها

محد ساعدي ليش
وانا معتمده عليكم واقول بنزل السوق
معناتها بروح السوق وانا مب عارفه شو الزين
الله اساامحكم

انا بشرتي جاف وايد وتتقشر وحساسه من الدرجه الاولى بس عندي منطقة الانف دهنيه وفيها النقط السوده
جربت كذا ماركه من البوده والكريم الاساس ما احسن انهم زينين وخصه اني بعد ما احط البودره بروحها او الكريم اساس مع البودره نفس الشي احس انه مبقعه ومتقشره رغم اني احط كريم مرطب بس ما في فايده
.........................................

انا بشرتي تتقشر بعد مثلج

بس ترى الغلط مو من الاساس الغلط من الترطيب

رطبي بشرتج عدل مدل وبتلاحظين الفرق

بالنسبه للاساس انا جربت كانيبو وجربت ديور حسيت تقريبا الاثنين نفس الشي ماعدا ان كانيبو تغطيتها شوي احسن ونفعوا الثنين معاي بس حبيت كانيبو اكثر للمناسبات لانه يغطي اكثر

وبالنسبه للبودره المضغوطه انا جربت ديور وكانيبو وجيرلان وماك
ديور تغطيتها كانت متوسطه
كانيبو تغطيتها تمام ووايد حلوه
ماك ما عجبتني كلش بالمره
جيرلان وايد حلوه خفيفه وتغطيتها روعه ومخمليه وانا اللي استخدمها الحين ومرتاحه وياها حاليا

::

-ابي بودره حق الايام العاديه واحطها عالسريع بتقولولي بشرتج جافه وماينفع لازم مع كريم اساس اقول ماعندي وقت ابي شي سريع

.............................

حق الايام العاديه انا ما استخدما البورده لاني ادري في الحر وقت الجامعه وجذيه بتطير وبتطلع مبقعه ومالها اي دور

استخدم ماك ستوديو ستيك الاساس اللي مثل الروج وكريمي شوي
يرطب البشره ويعطيها تغطيه حلوه وخفيف يعني ماتحسين الويه مبقع ويفشل مثل البودره
ومايحتاج مجهود تحطين من الستيك نفسه وبيدج او بسفنجه عالسريع توزعينها مثل الكريم وبس

::
-وابي بودره وكريم اساس او اي شي حق الناسبات العزايم والاعراس والاعياد

................................

انا استخدم كانيبو حق المناسبات وجيرلان بعد الثنين توزيعهم حلو وتغطيتهم حلوه

::

وابي شي قبل المكياج اوحد البشره واهيئها حق المكياج بس للبشره الجافه والحساسه ويكون مثبت في نفس الوقت

.........................................

انا استخدم الستروب كريم من ماك وحسيته حلو وايد يثبت المكياج نوعا ما

::

وابي مب عارفه شو اسمه بس اللي اعرفه ينحط تحت الحاجب او على عظمة الحاجب اللمعه شو ماركته واحسن نوع

........................

في كذا لمعه حلوه

البودي شوب عندهم لمعه فضيه حلوه
وفور ايفر لمعتهم حلوه
وماك لماعتهم وايد حلوه وواحد منهم اسمه نايلون بس انا ما جربته بس كل البنات يمدحونه

::

- وابيكم تنصحوني يعني لووحده بغت تاخذ شنطة فرش صغير للطلعات حق الشنطه اي ماركه تنصحوني اخذها واحس ان ماك وايد غاليه بس اذا تحسونها زينه باخذها انا عيبتني مال البودي شوب ومال ريد ايرث ومالت بوبي براون

................................

انا ما جربت شنطه كامله من ماك انا جربت كذا فرشه عجبوني وجربتهم
اخذت من فتره بسيطه شنطه مكياجي اللي سعرها 199 ريال وفيها 10 فرش حلوين لا باس فيهم بس حبيت فرش ماك المنفرده اكثر

البودي شوب ما شفت عندهم شنطة فرش الا وحده فيها فرش صغيره بس ماعجبتني
وحتى فرش البودي شوب العاديه ماعجبوني وايد وماحبيتهم

بوبي براون لقيت عندهم شنطه فيها فرش يمكن اربع وصغيرونات وماحبيتهم لانهم ما ينفعون
والشنطه اللي اكبر فيها 8 سعرها فوق الالف

انا اقتنعت بمكياجي واخذتها واستعمالها حلو ومرتب

طبعا انا اكلمج بالنسبه لاستخدامي شنو اللي نفع واللي ما نفع معاي طبعا انتي لازم تعرفين شلون بيكون استخدامج واشتري اللي يمشي معاج

جربي مالت البوبي براون الصغيره او البودي شوب ومادري اذا مكياجي عندهم وحده صغيره ولا

::

-ومن كم يوم حطو برنامج في قناة الmbcخبيرة تجميل اتحط مكياج حق وحده وكانت تستخدم كحل سائل في علبه وايدعيبني فاللي تعرف شو ماركته تخبرني
وكانت الفرشاه غريبه لحد الحين ماشفت حد عنده منها

..........................

انا ما شفت البرنامج بس بالنسبه للكحل السائل انا جربت لانكوم وجربت ماك الكريمي وجربت بوبي براون الكريمي واكثر واحد عجبني فيهم هو بوبي براون الكريمي واستخدمه مع الفرشه اللي اخذتها من مكياجي في الشنطه اللي قلت لج عليها فوق وصراحه اسود وحلو وسهل الاستخدام اكثر من ماك اللي حرق عيوني وصعب في المسح ولونه طافي بعد

تقدرين ترسمين الكحل باستخدام فرشه وشدو اسود انا جربتها كذا مره ومشت معاي وكان ثابت
استخدم فرشه كنت ماخذتها من زمان من البودي شوب بس تحصلينها في كل مكان تكون مثل المشطوفه وابللها شوي واخذ من شدو كربون من ماك وارسم

::

ابي كحل ايلينر سائل بعلبه دورت فالنت حصلت ماركت ماك وبوبي براون مادري اذا حد يعرف اخبرني

.................

مثل ما قلت لج فوق انا جربت ماك وماعجبني كان طافي وما ينمسح بسهوله يعني لو رسمته غلط وابي اعدله ما اقدر يخترب الشدو وكل شي على ما يطير وسواده مو ذاك الزود بصراحه

وجربت مال بوبي براون وبصراحه وايد حلو ووايد سهل احلى من الايلاينر العادي انصحج فيه

::

-وابي كحل لداخل العين بما ان عيني حساسه ومن احط الكحل تحمر وادمع وبعد دقايق ول كاني حاطه كحل
ينزل تحت عيوني كاني عيوز

..............

جربي نوبا او ماك انا اجرب نوبا وتمام ثابت وحلو

::

-ابي اشتري مثبت للمكياج سمعت ان في مثبت قبل المكياج وفي بعد الكياج فشو تنصحوني

......................

انا استخدم مثبت بخاخ من كرولاين اشوف وحده من البنات حاطه صورته في المنتدى لو ماعرفتيه باحط لج صورته

::

- وحبيت اعرف شو البيس وايد تتكلموعنه

انا بدل البيس استخدم الستروب كريم من ماك يعطي لمعه حلوه للوجه ويثبت البودره

::

-ووايد اسمع ببودره كنيبو ممكن اتخبروني عنها

........................

هي ماركه مكياج يابانيه بودرتهم واساسهم وايد حلو وثابت


::

-وحابه اشتري اللمعة الي تنحط بعد المكياج على العين تنصحوني من اي ماركه وعيبتني ماركت ميك اب فور افر

......................

هي نفسها اللي تحطينها على عضمه الحاجب وانا ذكرتها لج فوق

اما اذا تقصدين الجلتر انا استخدم جلتر من كارولاين ذهبي وحلو وايد واثبته بشدو بيج مائي من نفس الماركه

وفي ماركات وايد عندها جلتر حلو مثل ماك وفور ايفر

::
- وممن اعرف عن بودرت الاضاءة شو فايدتها وهل هي ضروريه

......................

ماجربتها بصراحه



اتمنى اجابتي تكون كافيه ووافيه وساعدتج

تحياتي:shy:

السلام عليكم ورحمة الله
انا بشرتي جاف وايد وتتقشر وحساسه من الدرجه الاولى بس عندي منطقة الانف دهنيه وفيها النقط السوده
جربت كذا ماركه من البوده والكريم الاساس ما احسن انهم زينين وخصه اني بعد ما احط البودره بروحها او الكريم اساس مع البودره نفس الشي احس انه مبقعه ومتقشره رغم اني احط كريم مرطب بس ما في فايده

و عليكم السلام و الرحمة
أختي بشرتج محتاجة ترطيب.. استخدمي لها ماسك اسبوعي...جربي مل chanel
و بعد ما تحطين المرطب نطري 5 دقائق و بعدها حطي أساسج و بودرتج... عشان بشرتج تشرب المرطب... وإذا تبين شي سريع حطي مرطب ملون تلقينه في clarins و Bobbi Brown...

شو الحل
ابي شي افيدني ما ابي اخذ شي واخزنه ومامنه فايده والماركات اللي خذتها في منها الغالي وفي منها الزين مثل (شسيدوا /لانكوم/ريد ايرث /نوبا/ كلارنس/كلينك/البودي شوب/افون/اركنسل/وكلستنديور)

بشرتي مثلج مختلطة... أساسي و بودرتي من guerlain ووايد روعة... تغطية حلوة .. لمسة مخملية.. ثبات..
واستخدم أساس Givenchy و بودرته.. حلوين بعد..بس Guelain أحلى..

-ابي بودره حق الايام العاديه واحطها عالسريع بتقولولي بشرتج جافه وماينفع لازم مع كريم اساس اقول ماعندي وقت ابي شي سريع

مثل ما قلتلج ... جربي المرطب الملون... أو بودرة Givenchy اللي قلتلج عنها تنفع لأنها powder foundation و علبتها صغيرة و مكن تحطيها بالشنطة وين ما تروحين.. :)

-وابي بودره وكريم اساس او اي شي حق الناسبات العزايم والاعراس والاعياد

أساس Gurlain و بودرته أروع ما يكون..

وابي شي قبل المكياج اوحد البشره واهيئها حق المكياج بس للبشره الجافه والحساسه ويكون مثبت في نفس الوقت

اسم المستحضر هذا base... جربت مال chanel يثبت و يرطب و يعطي لمعه خفيفة
وفي واحد روعة و معاه إضاءة من YSL اسمه color enchanser complexion

- وابي مب عارفه شو اسمه بس اللي اعرفه ينحط تحت الحاجب او على عظمة الحاجب اللمعه شو ماركته واحسن نوع

إضاءة... أحسن نوع من ماك...عندج nylon..sharoom...frost.. وغيرهم...وفي Pigments بألوان تهبل
و في من فورايفر stat powder...ألوانهم روعة بعد...

- وابيكم تنصحوني يعني لووحده بغت تاخذ شنطة فرش صغير للطلعات حق الشنطه اي ماركه تنصحوني اخذها واحس ان ماك وايد غاليه بس اذا تحسونها زينه باخذها انا عيبتني مال البودي شوب ومال ريد ايرث ومالت بوبي براون

فرش ماك و بوبي براون لا يعلى عليهم ..لا بالكفاءة و لا بالسعر...
ماك حاليا عندهم عرض مؤقت لشنطة فرش...
تبين الصراحة.. فرش مكياجي بعد حلوين...
عندي فرشاة وحدة مل بلاشر من بودي شوب.. حلوة..

-ومن كم يوم حطو برنامج في قناة الmbcخبيرة تجميل اتحط مكياج حق وحده وكانت تستخدم كحل سائل في علبه وايدعيبني فاللي تعرف شو ماركته تخبرني
وكانت الفرشاه غريبه لحد الحين ماشفت حد عنده منها

ابي كحل ايلينر سائل بعلبه دورت فالنت حصلت ماركت ماك وبوبي براون مادري اذا حد يعرف اخبرني

مال ماك اسمه Fluidline رائع هو جل ... ينشف بسرعة و ثابت.. مستحيل يندمج...
مال bobbi brown اسمه long wear gel eyeliner بعدني ما جربته.. يقولون إنه أحلى من مل ماك
ممكن تستخدمين الفرشاة المشطوفة.. مال ماك حلوة.. و عندهم فرشاة الآيلينر حلوة للرسمة الدقيقة..
بوبي براون عندها فرشاة آيلينر حلوة..

-وابي كحل لداخل العين بما ان عيني حساسه ومن احط الكحل تحمر وادمع وبعد دقايق ول كاني حاطه كحل
ينزل تحت عيوني كاني عيوز
والماركات اللي عندي جيرلاند اللي مثل البودره /شسيدو/لانكوم/من البودي شوب/نوبا/من مكاجي ماركه مب عارفه اسمها و/كاجل
ابي شي يثبت ومايسيح وللعيون الحساسه

جربي كحل ماك... ما يسيح عندي..

-ابي اشتري مثبت للمكياج سمعت ان في مثبت قبل المكياج وفي بعد الكياج فشو تنصحوني

ما استخدمه و ما أحس له داعي...

- وحبيت اعرف شو البيس وايد تتكلموعنه

هو المستحضر الي تحطينه قب الأساس لترطيب و ثبات و أحيانا حتى إضاءة.. ممكن تكتفين بالمرطب.. عشان يحمي البشرة من تأثير المكياج و يمنع تغلغلها في المسام..

-ووايد اسمع ببودره كنيبو ممكن اتخبروني عنها

ما استخدمتها... بس الكل يمدحها...

-وحابه اشتري اللمعة الي تنحط بعد المكياج على العين تنصحوني من اي ماركه وعيبتني ماركت ميك اب فور افر

إذا تبين لمعة ناعمة خذي star powder من makeup for ever
وإذا تبين لمعة جليتر و قوية مثل الزري.. عندج Daimond powder من makeup for ever

- وممن اعرف عن بودرت الاضاءة شو فايدتها وهل هي ضروريه

مو ضرورية... لأن كثير من كريمات الأساس و البودرات الحرة و البيس و حتى المرطب فيهم إضاءة ..
في كريمات إضاءة ... مثل daimond cream من makeup for ever
secret potion من red earth للمعة جليتر
و في إضاءة تعطي لون وردي مشرق للبشرة...مثل givenchy..chanel

و في بودرات إضاءة... مثل makeup for ever, givenchy


إن شاء الله أكون أفدتك و لو بالقليل...
أي سؤال أنا حاضرة...

حبوبة

والله حاولت اشارك وارد علي استفسارتك ما قدرت لاني استفدت مثلك تمام
وها البنات خبرة ما شاء الله
ما بالك الاخوات مجد ونجمة وعندك مارشلوز اعذريني ما اعرف اكتب اسمها

الله يذكرهن بالخير دووم

الله يوفقكن

الغاليه انا بعد بشرتي جافه وتتقشر بس لقيت الحل:

اولا : حاولي اتخلينها دايما رطبه واستخدمي كريمات الترطيب لليل والنهار.

ثانيا: قبل ما اتحطين كريم الاساس حطي كريم مرطب,وانا خذته من ميكب فور ايفر.

ثالثا: والاهم ان صاحبات البشره الجافه لازم ما يستخدمون البودره.وبدلها حطي اللبلشر
يعني كريم ترطيب+كريم أساس+اللبلشر

أتمنى اكون افتدج.

مجـد:

ابي اشتري مثبت للمكياج سمعت ان في مثبت قبل المكياج وفي بعد الكياج فشو تنصحوني

عندج مثبت ماك ,

أو جيفنشي ,

وأنا جربت ماك حيل حلوووو ,,

لكن إذا عندج بيس ترى يثبت الميك أب بدون ما تحتاجين مثبت :)

وحبيت اعرف شو البيس وايد تتكلموعنه

البيس سلمج الله مستحضر يهيئ البشرة لكريم الأساس بالإضافة إنه يعالج عيوب البشرة من شحوب واحمرار واصفرار

ويوجد منه عدة ألوان على حسب عيوب البشرة

هذا الموضوع راح يفيدج إن شاء الله :)

http://www.3roos.com/forums/showthread.php?t=162822

ووايد اسمع ببودره كنيبو ممكن اتخبروني عنها

فيه ثلاث أنواع بودرة عند كانيبو ,

اللوس باودر

الكومباكت باودر

التوتال فنش وهذه الحلوة واللي البنات يمدحونها , وليش حلوة لأنها 2×1 كريم أساس + بودرة , عشان جذيه تعطي

تغطية حلوة للبشرة بس أهم شي تختارين الدرجة اللي تناسب لون بشرتج ,

وحابه اشتري اللمعة الي تنحط بعد المكياج على العين تنصحوني من اي ماركه وعيبتني ماركت ميك اب فور افر
- وممن اعرف عن بودرت الاضاءة شو فايدتها وهل هي ضروريه

هذه اللمعة يسمونها

الدايموند باودر وفيه منها عدة ألوان بس أحلى لونين من جهة نظري رقم 1 و2 لأن 1 على فضي رووووعة جنه ألماس

ورقم 2 على ذهبي حلوووووو

وحلوة حيل للمناسبات تعطي لوك وبريق وشكل عجيب ,

أتمنى أفدتج أختي , واعذريني على التأخير :) ,

ممكن اعرف شو ماركت الدايموند الاني ناويه اخذ فضي وذهبي

ومشكوووووووووووووووووووووووره يمجوده تسلميلي حبيبتي ماتقصرين عساج سالمه ياقلبي وانشاء الله في موازين حسناتج
والله انج راعية واجب

اخت مجد الشنطة حقت البودي شوب اللي نزلتي صورتها بكم سعرها
الله يجزاك الجنة

صراحه مشكورين يابنات افدتونا