الى بنات مصر المشاركات فى موضوع فرحك خلاص قرب الرجاء الدخول

الحمد لله ربنا يسعدها في بيتها الجديد عقبال كل البنات يا رب

السلام عليكم
الف مبروك لامه الله وربنا يعدك انتى وزوجك فى طاعه الله
وشكرا لشرباته على انك طمنتينا عليها

ربنا يوفقها وعقبالنا جميعا

ربنا يسعدها ويجعلها زوجة صالحة وقرة عين لزوجها بنات الموضوع اتقفل مش هنفتح غيره

شرباتة جزاكى الله كل خير علشان طمنتينا عليها . ربنا يكرمها فى حياتها الجديدة ويقدرها هى وزوجها على طاعتة
على فكرة كلكوا وحشتونى اوى ،
هبة فتحت موضوع جديد يا رفيدة لكن المشرفات مسحوة ،

اية رايكوا نكمل فى الموضوع دة بس نتعلم من غلطنا ونلتزم اكتر بقوانين المنتدى يعنى بلاش مجاملات كتير ودردشة جانبية وبلاش ارقام تليفونات .

هستنى الرد منكوا يا بنات .

Ana m3aki ya nada :)

تمام نكمل هنا
بس فعلا عايزين نلتزم عشان شكلنا بقى وحش اوووووووووووووي

ألف مبروك يا أمة الله
ربنا يسعدك ويهنيكى مع زوجك
عقبالكو كلكو
شكرا يا شرباتة إنك طمنتينا عليها

tb mafish 7ad momken yes3dni w ye2oli lw 3awza ashtery fostan fra7y..ageb mnen?w law makan a2gar meno w akon wa7da labsa..
law 7ad ye3raf ya banat plzzzz ye2oly
ana far7y akher el sana

مارو ربنا يتمملك على خير ياقمر .

بالنسبة لسؤالك عن الفساتين انا قريت فى موضوع الكلام دة وقولت انقلهولك :ـ
واحده صاحبتى حضرت فرح قريبتها و بعد ما رجعت منه كانت هتتجنن على فستان العروسه و لما سألتها قالتلها انها مأجراه من محل اسمه عادل ابو هميله هو تقريبا فى وسط البلد فى شارع سليمان باشا انتى بس روحى الشارع و اسألى عشان هو مشهور على فكرة عنده تأجير لحد13 الف على حسب الفستان و ممكن لو انتى عايزة موديل معين يفصلهولك كمان و الف مبروك و روحى شوفى مش هتخسرى حاجه و انزلى كمان مدينة نصر مليانه محلات فساتين حلوة

فيه سلسلة محلات فساتين افراح اسمها نورهان والملكة ليها فروع كتيرة في فيصل والهرم والمهندسين بيبقى عندهم مجموعة فساتين تحفة ربنا يتمملك على خير



الفستان

فعلا اتهديت بالذات من البحث عن الفستان

انا بعد عذاب ولف ع المحلات ما تتخيلوش انا عملت ايه اي محل اسمع عنه اجري جري اشوف فيه ايه وموديلاته
بس بصراحة الحاجات الفخما والشيك مش كتير اوي يعني بس في حاجات حلوة

لقيت محل جنب طيبة مول ما بين طيبة مول ومعرض سلامة للسيارات عمارة 77

في الدور الاول اسمه عايدة نجيدة حلو وفي حاجات حلوة للسهرة كمان

وفي محل في عمارات العبور في صلاح سالم اسمه الفرحة في اول صلاح سالم جنب بنك سوستيه جنيرال قريب منه وده في الحلو وفيه اللي مش اوي بس مافيهوش حاجات فخمة

وفي محل مارياج وده جنب جاد اللي في ميدان الحجاز عند عمرافندي

وده في حاجات جميلة بس كلها بحمالات وهي تقفله

احلي اماكن تاجير رحتها بالترتيب الافضل


مها ادوارد

ودي مسيحية وغالبية فساتينها ا ميريكان بس شيك موووووووووووووووت اوي اوي ان شاء الله ناوية اجر من عندها
ودي اسعارها الفستان 1200 والجيبونا 50 والطرحة50 بس ذوقها ابن ناس واستايل وشيك موت


عايدة نجيدة
ودي عنده موديلات حلوة وشيك بس كلها تطريز ودي اسعارها 1500و2000 بتنزل 200 جنيه بعذاب


سنتر حبيبة في مدينة نصر شارع الطيران

ده موديلاته شيك وسط بس رقيقة وصاحبته مريحة وسعره 600


سنتر الفرحة في صلاح سالم
وعنده حاجات حلوة وحاجات عادية وده سعره 800


وبس

في هارون في ميدان الاسماعيلية بس مش عاجبني خالص

وفي مشمش في عباس العقاد بس عادي


وفي محل في الزمالك اسمه بونمرياج
كان دايما بتيجي اعلاناته في الجرايد بس مش لاقيا تليفونه خالص


بصى يا مارو خدى الرابط دة هتلاقى علية عناوين محلات كتيرة اوى :

http://www.3roos.com/forums/showthread.php?t=152041&page=2&highlight=%E3%CD%E1%C7%CA+%DD%D3%C7%CA%ED%E4+%C7%DD%D1%C7%CD

يارب اكون قدرت افيدك وان شاء الله البنات تساعدك .

السلام عليكم يا بنات انا عايزة اشارك معاكم فى الموضوع ده عشان انا كمان فرحى على شهر 5 الجاى انشاءالله

وعليكم السلام ورحمة الله اهلا بيكى يا فتفوتة معانا نورتينا يا حبيبتى ويارب كلنا نفيد بعض والموضوع ميتقفلش تانى

على فكرة يا بنات انا لحد دلوقتى لسة مش اشتريت لبس خروج صيفى وطبعا خلاص مبقاش فى وقت علشان استنى .

واخيرا قررت انى انزل القاهرة علشان اشترى لبس الخروج والارواب بس كنت عايزاكوا تساعدونى يابنات وتعرفونى عناوين محلات لبس محجبات يكون محترم اوى وشيك فى نفس الوقت ، والأرواب .، وياريت كمان اللى تعرف محلات بواقى التصدير بتاعت البديهات والبرمودات والحاجات الدلع دى .
بليز ردوا عليا بسرعة علشان الحق انزل اشترى قبل نهاية الصيف.


على فكرة يا بنات انا ابتديت رحلة العناية بشعرى .كشفت عند دكتور علشان سقوط الشعر وادانى علاج وبدات اخدة ويارب يكون بفايدة وكمان بقيت بهتم باكلى
اما الوصفات فجبت نخاع وان شاء الله هستعملة لانى سمعت انة بيتقل الشعر بس مش عارفه اضيفلة زيت ايه لانى ،زيت الزيتزن انا بحس انة حامى على فروة شعرى فبفكر اجرب زيت خروع ومش عارفة احط ثوم ولا لاء ؟
وكان فى تركيبة زيت قولتلكوا عليها قبل كدة انا جبتها من عند العطار اللى هى قال عليها دكتور عادل عبد العال .
ادعولى يا بنات شعرى يرجع زى ماكان ويتقل تانى .


على فكرة انا بستعمل زيت الخروع لرموشى دلوقتى علشان يتقلها بس كنت قريت اكتر من مرة فى المنتدى هنا ان فى بنات بتقص رموشها وفى خلال شهرين تقريبا مع استعمال زيت الخروع بتطول اوى وتتقل كمان
تفتكروا دة حقيقى ؟؟؟
انا الحمد لله رموشى تقيلة وطويلة بس الفترة الاخيرة بلاحظ انى لما بصحى من النوم بلاقى على المخدة رموش واقعة ومش عارفة اجرب حكاية القص دى ولا لاء ؟؟؟

تمام ان شاء الله نكمل فى الموضوع بس ممنوع وضع ارقام هواتف او دردشات جانبيه او نخرج عن موضوع الفرح والذى منه يعنى الموضوع يقتصر على الاجهزه ولوازم كل بنت ونساعد بعض حتى لو فى بعض النصائح او نعمل ايه بعد الزواج فنعملها مواضيع لوحدها

ندا انتى فرحك امتة يا حبيبتى

يا بنات حد يعرف اذا كانت موديدات مارىس بريدال موجودة في مصر Mary's bridal علشان انا عاوزة اشترى فستانى من عندهم بس مش عارفة اجيبه من هنا (أمريكا) ولا من مصر لأن فرحى هيكون في مصر ان شاء الله و ان كان موجود فممكن تقولولى على الاسعار

على فكره يا بنات سيلك ابيل الى لونها ازرق حلوه؟؟

انا اصلى بشوف الوان كتير قوى مش عارفه انهى الاحلى بصراحه

حد عنده خبر؟

وانا كمان بعمل كورسات لشعرى يعنى كل شهرين هبتدى فى حاجه جديدة عشان يتقل و يطول
بالنسبه للبس الخروج يا ندا انا كمان هنزل اشترى لبسى على فكرة فى فى مدينه نصر فى شارع عباس العقاد الشارع اللى قدام خالد ملوك محلات حلوة اوى عند عمارة العطار انا دايما بشترى من هناك و كمان فى سيتى ستارز حاجات تحفه

انا ان شاء الله فرحى فى العيد الصغير يا عروسة مصر .
بس ادعولى ميتاجلش لان خطيبى عندة حالة وفاة وكمان جدتى تعبانة اوى وفى المستشفى ربنا يشفيها يارب
فتفوتة ميرسى يا حبيبتى على المعلومات دى

برايد انا معنديش خبرة فى ماكينات ازلة الشعر اوى لكن انا بستعمل سيلك ايبل ا للى لونها ازرق اللى انتى بتقولى عليها كانت جيانى من السعودية وكويسة بس سمعت ان فى احسن منها ،عموما انا بقالى فترة بطلت استعملها لان المحول بتاعها ضاع منى وكمان شايفة ان السويت احسن بكتير لكن دة ميمنعش ان مفيش غنى عنها .
انا كنت شفت موضوع بيعرض كل انواع براون ومميزاتها لو لاقيتة هكتبلك الرابط بتاعة .