محتاجة أبـــــــــــــــــــوي......أوقفو معي بنات!!

السلام عليكم
بنات انا ماعرف شلون أتعامل مع أبوي
أحس فيه حواجز بينا وكني أحسه انسان غريب في بيتنا
محتاجة أدق الميانه معاه بس ماقدر يمكن خجل أو لأني ماشوفه الا نادر
لانه كثير السفر واللي زود الطين بله انه راح يتزوج مرة ثانيه
وهذا اللي خلاني أيأس أكثر
أحسه في عالم بعيد عني وعن مشاعري
ودي يكون تفكيره فيني ودي يحس فيني ودي يسأل عني ويطمن علي أو ناقصني شي أو لا أبي حنانه وحضنه يمكن مارميت بحضنه الا وأنا طفلة صغيرة
أحس يفكر بنفسه وبس
أتمنى اني اناقشه بالموضوع هذا انه يهتم فيني أكثر بس مستحية ومو قادرة شلون أبتدي معاه
أنا أحب ابوي وأشتاقله بس عمري ماعبرت عن مشاعري له
واللي يعذبني اكثر اني البنت الكبيرة وغير أخواني اللي هم اجرأ مني شوي أحس اني وحيدة بالبيت وأمي حتى ماقدر أقولها لانها راح تقول لابوي كل شي وانا مابي كذا
أتمنى تساعدوني بنات لأني أنا مرة حساسة وأي تجاهل أحسه من أبوي لي يعذبني
أبوي شخصيته رسمية ويتكلم معنا بطريقة وكنه بالعمل مو في البيت
مادري شسوي ودي أكون مثل البنات مع أباءهم يعني أشوف بنات مع أبائهم تنكيت ولعب وسوالف لما أشوف نفسي وأقارنه بأب ثاني أقول ليه أبوي كذا مايعاملنا مثلهم؟؟؟؟؟؟؟
رغم انه مو قاصر علينا بالمادة بس هذا مايعوضني حبه وحنانه
قولولي بنات وش الحل أبي شي يقوي علاقتي بأبوي لاتبخلون علي بردودكم
ومعليش اذا طولت عليكم بالحكي بس أرجوكم أوقفو معي ....