امسحو دموعي و طمنوني على حالي .. قربت اجن

مرحبا اخواتي ..

اليوم اكمل شهر بالضبط و انا حالتي النفسية تعبانه .. و على طول افكر .. و انا حامل بشهري ا

لثامن و خايفة على نفسي اظل جذي لبعد الولادة ..

و المشكله اني افكر في اوهام و اشياء غريبة و ما تتعلق بالبيبي .. الا بأشياء ماضية بحياتي و

تفكيري ماله اي فايدة و لا نتيجة ..

تصدقون انا كنت قبل هالحالة يوميا اكلم البيبي و امسح على بطني بس الحين مالي مزاج و لا شي

و خايفة اولد و لا احب ولدي قد ماابي ..

و من تجب علي الليل تنزل دموعي بدون سبب .. و مااحب اشكي لزوجي واجد .. احاول اخفي عنه

القدر الاكبر من حالتي ..

ارجوكم قولو لي فيه وحدة منكم جذي مثلي بالحمل ؟؟

اختي قالت لي هذي حالة طبيعية في الحمل ,, لكن انا احس انها سيطرت علي و لا اقدر اتخلص منها

لدرجة اني اطلع مع الناس و اقعد معاهم لكن ماادري شصير بينهم و اضحك من ورا قلبي و

مشاعري بين الخوف و عدم الاستقرار و بين الندم بس مو على شي !!

صرت اتمنى ان مالي وجود .. طمنوني الله يخليكم هل هذا طبيعي بالحمل و يروح بعده و الا احتاج

لعلاج ؟؟

بليز انتظر ردود اكبر عدد من الاخوات ..

و بتكونو انتو الحل لحالتي من بعد الله ..