اخواتي العزيزات
والمشرفات على هذا الركن
اتمنى ان القى الحل عندكم
بطني يعورني صارلي يومين
اسفل البطن الرحم ..
واحس داخل بطني هواء ومن قبل اكلت تمره فيها رشاد وسوالف النفاس وخف علي والحجي من جم شهر والحين رجع علي الشي مره ثانيه
وانا حاليا توقفت عن اكل حبوب منع الحمل واخاف ان اكون حامل فلا استطيع ان اخذ مثل هذه الادويه
سبحان الله يكون هناك حمل
فهل استطيع ان اتبخر ...؟ وهل التبخر يضر في مثل حالتي ...؟
وفي شنو استطيع ان اتبخر ...؟؟؟
ولكم مني الشكر ،،
دمتم سالمين
اختكم شريفة
هلا و غلا حبيبتي ام سعود
سلامتج ما تشوفين شر يا رب
ابتعدي عن الرشاد
لكن ما فهمت شو تقصدين بالتبخر؟!
بالاعشاب يعني؟ ما اعتقد انها راح تفيدج بل بالعكس
كحل مؤقت ,, خاصة انه احتمال كبير تكونين حامل
اشربي ماء دافيء مغلي مسبقا مع ملعقه صغيره شمر
و هاتي زيت زيتون مع قليل من الفكس او ( ابوفاس)
و افكريه في منطقة السره و تحت البطن بشكل رقيق بدون ضغط
و تغطي و نامي
و سلامتج يا رب ما تشوفين شر يا الغالية
اول شي تأكدي انك مو حامل و اذا تأكدتي انه مو حمل احتمال انك رافعه شي ثقيل او مسويه مجهود و تعور الرحم اذا تعرفين مراخه زينه و مضمونه روحي لها واهي تعرف اذا رحمك مكانه ولا متغير و بتسوي المطلوب
ماعليك شر ان شاء الله
حبيبتي ليش تضيعي الوقت ، زوري الطبيبة النسائية في أقرب وقت وانشاءلله يكون الجواب الشافي عندها ، وسلامتك ألف سلامة ،،
فوانيس ما قصرت..
حاولي تشربين السوائل الحاره..
واتبعي اللي كاتبتنه فوانيس فعلا صحيح..وان شاء الله يفيدج..
الله يشفيج..
سلامات يم سعود ما اتشوفين شر يعمري
ليش ما تزورين الطبيب احسن لج من الاعشاب وغيرها ونتمنى تكونين حامل وتبشرينه
مشكورين اخواتي العزيزات
والله العوار كل ماله ويصير اكثر من اليوم اللي قبله
وان شاء راح ازور الطبيب
واشوف شنو سالفة العوار هذا
...؟؟؟؟
دمتم سالمين
اختكم شريفة
اختى شريفه
اشربى نعناع واتاكدى اول اذاحامل او لا
اما بالنسبه للتبخير اان اشوفه مضر وماعرف اذا له فوايد او لا احسه العكس اختى
اذا تقصدى التبخير الى اسمع البنات بيحكوا عنه هنا الى هو تبخير المنطقه
أختي عليج بالدعاء أولا وقراءة أدعية الشفاء فوق منطقة الألم وإذا أستمر الويع زوري الطبيب
ا
اللولو والمرجان
عروس مبدعة
24-11-2008 | 11:29 PM
انتي روحي الدكتوره وخليها تشوفج وسوي تحليل حمل
واذا ما طلعتي حامل روحي حق مساده خليها تمسدج يمكن رحمج نازل
وما تشوفين شر ان شاء الله