في بداية الزواج بدت الخيانه ....الرجاء المساعده

السلام عليكم ورحمة الله وبركاته

خواتي المتزوجات ابي اقولكم عن مشكلة وحده من اقرب صديقاتي وارجوكم تساعدونها بأسرع وقت..انا باقولكم شالسالفه وانتوا احكموا وقرروا

ابتدي
الله يسلمكم هذي رفيقتي صارلها تقريبا 5 شهور ونص من اول ما عرست واول ماراحت شهر العسل كل شي كان حلو والحمدالله بس كله تشوف ريلها لين اهي نايمه يمسك التلفون ومسجات كل فتره ويوم رجعوا من شهر العسل كلشي الحمدالله والرجال للحين ماطلعت عليه تصرفات غير ايام الملجه...المهم بعد كمن شهر الريال صار كل ما تطلع معاه زوجته الي هي رفيقتي يقوم يجيله تلفون ولين بيرجعون البيت ينزلها ويقولها بعد شوي بجي المهم هي حسبت انه هاي شي عادي واحد من الربع او شي بس لين وصلت انه لما تكون معاه ويجيله تلفون على طول يقصر التلفون ويتكلم مادري شلون على قولتها...ومره كانت طالعه بيت ابوها ويوم رجعت والا الزوج يتكلم بالتلفون وقصر عليه على طول وطلع ولا سلام ولا كلام وتم الويتنق مده واجد...
اخر فتره صار كلامه قاسي معاها بشكل لا يطاق انه انتي ماتعرفين تسوين ولا شي واهي ماشاءا لله عليها شايلته شيل مو عشان انها رفيقتي بس هاي الصج...ويقولها انتي تضايقيني واسكتي لا تتكلمين وتعورين راسي ويكلمها بسخريه واستهزاء وانتي ماتصلحين حق شي.. واخر فتره بعد يوم كانوا مسافرين عطله اول ماقعدت من النوم تم يصارخ عليها وانت ماتعرفين شي وشوي الا يضربها وعلى ماتقول انها كانت طالعه مع اهل زوجها ويوم رجعت الغرفه سمعته يتكلم بالجوال وعلى ماضربت الباب كمن مره لين فتح لها...والشاهد الله انها لا مقصره معاه لا في حق ولا في باطل وفي الفراش اسمحولي بس لازم اوضح انها تقول انه تعطيه كل شي ...
في السفر سمعوا المصيبه:::: من كثر شكها في زوجها مسكت الجوال ولا تشوف مسجات بنات يحرضونه ويكوكونه على زوجته ووحده ادلعه وتذم في مرته لدرجة انهم يقولون له لا تعطيها فلوس ولا تصرف عليها والله يعينك عليها وهال ماتفهم ماتعرف شي ودلع حبايب وصباح الخير ولا بعد اذا تقدر تتصل اتصل واذا ماتقدر خلاص وتستاهل سو فيها هالشكل ...من هني الزوج انقلب عليها ما يعطيها ولا شي في السفر والحمدالله انه عندها بطاقتها ويوم سحبت من بطاقة زوجها يوم ما اشتغلت بطاقتها قال لها هاي دين عليج واهي سكتت وقالت معليه لأنه بالليل بعد دزت وحده من هالبنات مسج تقوله احسن تسوي فيها جي نفس ماقتلك....
الزوج صار مايعطيها ويه وكله يهاوش ويجرح فيها

يوم رجعوا من السفر اهي خذت ارقام البنات الي كانوا مسجلين بأسامي رجاجيل ولا يوم اتصلت شافتهم بنات هنا انصدمت وراحت بكل هدوء وتفاهمت مع زوجها كالآتي::::

قالتله بعد كمن يوم واهي كل يوم طايحه فيه دلع واهو مايعطيها ويه قالتله :"
" انا عرفت انك تكلم بنات ويحرضونك علي وعن كل المسجات بكل هدوء طبعا وقالتله هاي شي بيني وبينك وانا قلتلك عشان ماتنهدم حياتنا ولازم تلاقي انت حل بهال شي ..طبعا الزوج هنا انصدم وتخصبق وماعرف شنو يسوي وكان يبي يحط السالفه انه ليش تمسكين الجوال وانا ليش ما امسك جوالج قامت قالتله انا لو عندي احد كان ماخليت جوالي كله عندك ولا اهتم فيه بس انا ما ارضاها على نفسي وحده متزوجه اكلم من ورى زوجي وماحب احط زوجي بهال موقف..
قالتله انه هالبنات مايهمونها بولا شي والمهم زوجها عندها وانه لو ما احبك كان ما قلتلك هالشي وهنا بدى الكذب::::قال لها هذول بنات معاي بالشغل قامت وقالتله البنات بالشغل عادي يتصلون لك قدامي وتسألهم وين انتوا ومتى قعدتوا من النوم وشنو تسون ووين بتروحون وتجون ؟؟؟؟؟ طبعا انصدم الزوج مره ثانيه وقامت قالت له انه هاي رفيقاتك في وجهه واهو ماقال ولا شي انصدم انه زوجته تعرف كل شي يسويه واهي تسوي عمرها غبيه قدامه وقالتله بهالشكل...قالتله انت لو تخاف الله فيني كان ماسويت كذا ويوم سألته اذا هي مقصره بحقه قال لها وحلف انها ما مقصره وقالتله عيل ليش تقولي اني ماعرف الا احط مكياج ولا عرف شي والمكياج الي احطه كله عشانك احطه ....المهم البنت قالتله انها لو غبيه كان سلمت ابوي واهلي الموضوع وخليتهم يتفاهمون معاك وانا رجعت بيت اهلي او قلت حق اهلك بس انا ماطلع اسرار زوجي واخرب سمعته بس اهلي وناسي هني هو كان كله ساكت ولا ينطق الا يقول هذول اشتغل معاهم وهالمسجات عن بنت بس بعدها اعترف لها انه يعرفهم بس على كذبته انهم يشتغلون معاه وقال لها انه يعرفهم من سنتين هي هني انهارت وتمت تبجي واهو مايعرف يسوي شي الا بعدين تم يضمها ويحضنها ويتأسف اسف شديد انه مابيعيدها وكان يقولها اوعدج اخر مره اسوي كذا وانتي زوجي حبيبتي مااقدر اسويلج كذا واسف كمن مره كأنه شوي وبيصيح....

المهم انه بعدها قال لها اشكرج الف شكر لأني عرفت انه قلبج وايد كبير وانه سامحتيني على هالشي الكبير والحين بس كبرتي زياده في عيني..

البنت قبلها بأيام ماتاكل ولا شي وماتنام وتعبت تعب شديد من هالموضوع وبعدها رد زوجها يقولها عن كل طلعاته وجياته وصار يهتم فيها اكثر بس بعدها بإسبوع بعد رد شوي على حالته القبليه مسجات اخر الليل وفي الصبح يدزونله ولا يحط بعد تقول انه كأنه الجوال مسكر وطبعا معاه القفل...حست اهي بهاليومين انه للحين يتكلم معاهم وكل شوي يجيك الجوال وبالليل يقولها تعورين راسي اسكتي واهي ماكانت شايفته من الصبح وتبي تسولف شوي ويوم سكتت انتي بعدي وما ادري وشو...

ادري طولت عليكم بس نصحوها هالبنت شنو تسوي ترجع بيت اهلها عشان بس ريلها يحس بالذنب ويحس فيها ولا شلون لأنه ماتقدر تستحمل البنت ماتاكل ولا شي ونفسيتها تعبانه ومع ذالك تتعدل حق الزوج بأحلى شي وتعطيه الي يبيه وساكته...

اسفه طولت عليكم بس ارجوا المساعده...