حريم الاخوان وش قصتهم ..ياليت تشاركوني المواقف ..

الله يعينكم ياقلبي
يعني بصراحه صج صج ماتنعطى ويه
لو من البدايه معاملينها بنفس المعامله جان احترمتكم:angry:
والله انا أخوي متزوج وحده يوم شفناها قلنا حق أمي مافيها ذاك الحلا
بس قلنا الحلاة مو مهم كثر الاخلاق
المهم يوم قصالمهر شفنا اختها وكانت أحلى منها
وامي ارتفع ضغطها وقالت ويع مطلعين الجيكره ومخلين الحلوة داخل
بس قلنا ميخالف يمه البنت مافيها شي ومبين عليها خوش بنت
والله الحمدلله ما أخذنا اختها عليها نفس خايسه وماتكلم أحد على شنو شايفه نفسها مادري
والصج ينقال من تزوج اخوي احس ابتعد عنا شوي ومانشوفهم الا يوم الخميس بجمعتنا
وبس يتغدون تلاقينهم قعدوا ساعتين وقالت له يالله نرجع البيت
بس والله وربي يشهد علي يوم اللي تحتاجينها توقف معاج حتى الاخت ماتوقف بهالطريقه
والله يوم ملجتي وقفت يمي ولا حتى أقرب الناس يسويها
يعني بالمختصر الحمد لله أخوي حصل مثل هالبنت
وربي يهدي اللي عندكم

الله يكون بعونج انتي وامج واخوج ان شالله
والله اخواني ماتزوجوا وماجربت مره الاخو لا الحين

بس الله يهديها لكم يارب




كاسكو

السلام عليكم الغالية

وياما راح تشوفين عزيزتي منها يقولج ما خفي كان اعظم .... تعرفين انا قل شوي قاعدة اكلم اخت ريلي عن حريم اخواني اقولها الحمد لله ربي عطى اخواني حريم الله المستعان منهم وحدة لسانها طويل وحقيرة وغبية للأسف كيف اجتمعوا والله ما ادري عيالي يوم تشوفوهم حتى لو الواحد منهم قاعد في امان الله ويطالع التلفزيون او يلعب مثلا تيي ولو تشوفينها صراخها اخر الحارة في التهديدات اللي تعطيه اياهم وهم مساكين يكونون ساكتين وما يخربون بس جي لازم شوية توعد وتهديد انزين تستحي على دمها شوي انا امه قاعدة وامي مرات تكون قاعدة وما في اي احترام لاي حد وبعدين ترد لي وتقولي هذول عيالج ابد ما احبهم ..... شفتوا وقحه مثل هاي صدق انها تافهة يوم تحط عقلها بعقل اطفال تعرفون انا عيالي اعمارهم 6 سنوات و4 سنوات وسنتين شفتوا حقارة وسخافة اكثر عن جي .... والمشكلة انها كبيرة يعني اكبر عني يمكن بـ 20 سنة هاي ارد عليها شو اقول ؟؟؟ الله المستعان بس

وزوجة اخوي الثاني هاي عاد لعينة ولئيمة لانها صح انها ما تسبنا ولا تسمعنا كلام يجرح شرات هذيك لكنها اي شي يستوي حتى لو بين الاطفال تسير تقوله حق اخوي وما ادراك كيف تقوله لاخوي الله يعين بس والله حبيبتي انا بقولج شرات المصريين لا تشكيلي ولا اشكيلك الهم طايلني وطايلك ....

بس تعرفون انا تعلمت منهم واااايد تعلمت اني اتجنب اخطاءهم يعني الحين خوات ريلي يشوفوني اكثر من اختهم لاني من قبل ما اطب بيتهم وانا ادور على اي طريقة علشان اراويهم اني مو مثل اي زوجة ابن او زوجة اخ انا احب الناس واحب ان الناس يحبوني على الاقل اذا ما يبون يحبوني يحبون عيالي لانهم اولا واخيرا عيالهم هم واذا اهلهم ما حبوهم منو بيحبهم والحمد لله على كل شي ...

والله يوفق الجميع ان شا الله وييسر الخير للجميع دنيا واخره

@ اختكم في الله @

الله يعينكم وانا الحمدالله ماجربت للحين ..

وان صارلي مرة اخو عساها ملالالاك لنا ولااخونا ياااااااااااااارب

يابنات نسوان الأخوة مادري ليش صعبين !! بس ياريت لو ماتستخدمون الألقاب القوية وقت الكتابة
لي رجعة ثانية لكم...مع سوالف زوجتة اخوي

الله يعينكم عليها بصراحه انا لو هذي مرة اخوي كان احذفها من الدور الالف بس انتم عطيتوها وجه من الاول ومعروفه من امن العقوبه اساء الأدب
غاده اليم هههههههههههههههههههههههههههههههههههههههههه حلوه الحلوه مخلينها داخل صدق شر البلية مايضحك بس شفتي طلعت خيره لو الحلوه طالعه قبل كان الحين حارقه دمكم
انا الحمدلله اخواني للحين ماتزوجوا وما ذقت اللي انتم ذايقينه بس حتى لو تزوجوا ماراح اعطيها وجه وباخلي العلاقه رسميه بينا هذا الافضل
بس تبون الصراحه يابنات ترى شي عادي الواحد عقب الزواج يتغير يعني لا توقعون اخوانكم يظلون متعلقين فيكم على طول اكيد الزوجه بتكون اقرب له والله يوفق الجميع

ممكن اشارك برأي ... صدق من البدايه لازم توقف عند حدها وتتعامل علي حسب معاملتها وتصرفاتها .. نحن نفس الشي حشمناها ورفعنا قدرها مو لها لاجل اخويه وغلاته واتمادتت في حركاتها ... وامي ساكته عنها لاجل ولدها الوحيد ومشاعره .... لكن طفح الكيل انا عن نفسي حاليا راكنتنها علي جنب ولا كانها موجوده في حياتنا... بالعربي مطنشتنها لانها مب ويه حشيمه وقدر .. واتعلمت منها العكس اني اكون حبوبه وطيوبه مع اهل زوجي وخواته ووفقت والحمد لله ... وتعرفون شو اللي اتمناه الحين انها تقرا كلامي هذا ......

انا الحمد لله مرة اخوي طيبه مررره

الله يكون في عونكم وان شاء الله ربي يهديها

بس ترى احيان تكون صوره اهل الزوج مشوشه من البدايه من كثر ما نشوف

في التلفزونات سرنا غصب عنا نكرهم

وفي النهايه كل واحد عمل بأصله وهي راح تحس بغلطها وترجع لكم

شوفي أختي


أنا طبعا ما بدخل في تفاصيل

ممكن تكون البنت تغار مثلا أو أي شي - على فرض ذلك -

لكن الآن هي زوجه أخوكم

و اخوكم مبسوط معاها مثل ما فهمت من كلامك

الحل انكم تبتعدو عنها شوي

يعني بالعربي لا تعطونها وجه

خليها في حالها

و انسوها شوي وفي البيت عندكم لا تتكلمو عن أي حد علشان ما يصير في نقل للكلام

خلو الحديث مواضيع عامه

و انتوا لا تطلعوا بيتها

إذا حبت هي تنزل أهلا و سهلا

و أخوكم خلي علاقتكم فيه ممتازة

و أمامه عاملوها أحسن معامله

أنا ما أقول من وراه معامله زفته

و لكن رسميه و باحترام


اخوكم لسه عريس و فرحان بالعروس


خلوه


و صدقيني بعد فترة بتتعودوا عليها و تتعود عليكم


طمنينا أختي

لووووووووووول
جان زين انتوا خوات ريلي
خخخخخخخخخ

لا فديتهم خوات ريلي ما يوزنون بالذهب

صدق يا بنات

يعني ليش في حريم جيه؟؟؟!!!
اعوذبالله
تدخل بيت الناس والشر بين عيونها

تدرين لول انا لو منكم
من اللحظه اللي اتشرطوا فيها اهلها اعقهم بحر

لانه العايله الاصيله ما تتشرط على الريال.....

اختي انتو من الاول شفتوا ان امها لسانها طويل واخلاقها مهب جيدة ليش تكملون الزواج.
طبعا الحين ما في فايدة من الكلام بس مثل ما قالوا الاخوات لا تسون لها سالفة ولا تكتبون لها واجباتها وبحوثها خلها هي تعتمد على نفسها ,وفي النهاية الشهادة بتكون بأسمها ولازم تكون مستحقة هاي الشهادة ولا تسون لها سالفة.

السلام عليكم و رحمة الله و بركاته

هذي من البديه يبين عليها مب سهله الله يعينكم لكن من الأفضل ترسمون حدود بينكم و تكون العلاقه سطحيه

أنا عندي هنتين من حريم إخواني لكن علاقتي سطحيه وياهم و الحمدلله ماصار خلاف بينا صح أحيانا يحرقون الأعصاب بس ما يضرونا

هلا والله غادة اليم..

من جد المفروض ماكنا اعطيناها وجه... بس احنا ماعملنا كذا الا لاننا اعتبرناها

اخت لنا..:(

والله يهديها ان شاء الله .. مع اني مااظن اني اقدر اسامحها

مشكوره اختي .. والله يخليلك زوجه اخوك على طول كذا


--------------------------------------


مشكووره اختي الكاسو على الرد

والله لايبليكم بوحده مثلها ان شاء الله...


--------------------------------------



اهلين نجمه الفجر..

والله انها تحط عقلها بعقل اخوي الصغير وتهزئه وتتمسخر عليه

والحين صاير مايحبها .. مع انها اول ماجاتنا كان يموت فيها

اتخيلي مره اخوي اللي هو زوجها اشترا لاخوي شريط سوني

قومت له الدنيا وقعدتها .. وصراخها شي موطبيعي والله انه يوصلني لغرفتي وانا تحت ومشغله

المكيف بعد..

اتخيلي .. مااتراعي انه ام زوجها تحت .. تحرق قلبها على ولدها..!!

وربي صرت لاتلقائي اول ماسمع صوتها اشغل مكيفات البيت والتلفزون عشان امي لاتنقهر ..

ولدها الكبير اللي كلمته عمرها ماصارت اثنين والكل يمشي على شوره .. اخر شي تجي الشرشوحه :angry:

ذي وتسويله حركات الغجر!!

ومع ذلك سكتنا .. لاننا مالنا دخل بينهم هم متزوجين ويحلون مشاكلهم بنفسهم

وبالنسبه لنقل الكلام لاخوي ترا عندنا وعندكم خييير..وماتنقل الكلام زي ماهو لا .. لازم تزيد من

بهاراتها.. وتأليفاتها:angry:

آآه ياقلبي بس

مشكووره اختي على ردك...

الله يهدي الجميع يارب

اهلين اختي احلى نواعم

كويس ياللي بتسويه فيها .. وهذي طريقه تعاملي الجديد معاها.. لانها عمرها مابتشوف اسلوبي

القديم معاها

لان الطيب الظاهر مايعيش بهالزمن..:(




--------------------------------------




نسيم الشوق

هلا اختي

عارفه ان مو كلهم كذا .. والله ان عندي زوجه خالي لو تطلب عيوني ماأبخل عليها فيها

بنت محترمه واخلاق ..ومستحمله جدتي كبيره وبدت تخرف..وخالي يموووت فيها.. والله انها قمه

في الصبر ولاتحب نقل الكلام

ولا التخريب .. كل اللي نعرفهم حاسدينا عليها.. بكل اختصار اهلها عرفو يربونها صح..

بالنسبه لموضوع ان الفكره مشوشه عن اهل الزوج.. اسمحي لي بس هذي اللي تصدق هالاشياء

سخيفه

لان الواحد مايحكم على الانسان بالسؤ عشان التلفزون حاشي لنا افكارنا بالشي ذا... حتى لو

شخص جا وقالك والله

هالناس فيهم ويخطيهم.. المفرروض ماتصدقينه لانك ماتعرفين وش هدفه من الشي ذا..

الواحد لما يتعامل مع اشخاص ويعاشرهم لفتره ويشوف هم كيف يعاملوه ..ساعتها يقدر يبدأ يطلق

احكامه فيهم

بس كذا من الباب للطاقه...يعني ماعندها عقل تفكر فيه وتعرف تفرق بين الصح والغلـط..!!

تسلمين ع الرد



--------------------------------------




اهلين اختي ريم 81

ترا كل الكلام اللي قلتيه

انا واختي لنا فتره نطبقه معاها...

واما اخوي الحقيقه انه من ايام الملكه ماكان مبسوط.. بس مارضي يفسخ

يقول ان شاء الله بعد الزواج ببتتعدل .. وانا ما ابغى اكون ظالم واظلمها .. وعندي اخوات

وبرضاها ماتعدلت .. اتخيلي من شهر العسل تسوي له مشاكل ويوديها بيت اهلها..

قال يمكن اذا حملت تتعدل .. برضو حالها زي ماهوا.. والحين هوا ساكت عليها ومتحملهاعشانها

حامل....

والله اننا عمرنا مااتدخلنا بينهم.. ولانرمي نفسنا عليها.. وامي كانت دايم تقوله طلعها مشيها ..

غيرو جوا .. ولا تزعل البنت..يمكن انتا تنرفزها الله يهديك بس!!

مره أستاجر لنا ابوي شاليه ورحنا احنا .. وششوي لحقنا اخوي وهي .. وقعدوا عادي بعدين راحوا

بعدها بفتره تقول لوحده من زوجات خوالي .. تدرين اني وزوجي استأجرنا شاليه الا هم

لاحقينا ..!!!!!

والله حتى بيتها فوقنا ماكنت اطلع لها الا لما تنزل هيا ولا تدق تقولنا اطلعو عندي طفشانه..!!:angry:

آمييييييييين

مشكوره على الرد