السلام عليكم ورحمة الله وبركاته.....
خواتي العزيزات.....
أسمحنلي إني أفضفض شوي عن إللي في داخلي يمكن..ألاقي عندكن الردإللي يفيدني..
أنا متزوجه من 6 سنوات...وعندي 3 اطفال...بس تعرفون شي؟؟؟ انا زواجي بدا يخيبة أمل...كان يرمس بنات..في الموبيل ويطلع وياهن...تخيلن هذا من أول العرس....ولا تهنيت فيه ولا عرفته...مع مرور الأيام أصبحت حياتي معاه صعبه كان ما يخليني أطلع حتى من الباب...حابسني في البيت ..قلت في خاطري أوكي عشان العيال أستحمل...وأجلت دراستي بدال المره 6 عشان عيالي...ترك المغازل ...بس معد صرت أثق فيه....وتطلقنا...ولطنه ردني قبل لا تخلص عدتي...وكله عشان العيال...هو تغير وياي...صار يطلعني..ويعطيني إللي أباه...بس تعرفون..كل هذا أحس بالحزن..لأني من أيام سر وياه دبي ويا اليهال....عشان آخذ أغراض العيد..وكله يلمح..أنه يبي يرد..عقب ما قطهنا مسافه طويله.....نزلنا السوق..ما خذا للعيال شي...ولما مرينا المطعم..قال ناخذ تيك أوي....هذا زعلني منه وايد....لأنه تم يقوللي..بنسوي وبنسوي...زعلت وااايد...عورلي قلبي يوم قالي إنتي مهب ويه وحده أطلعها.....خبروني يا خواتي..انا أحس بحزن عظيم في داخلي احس اني متحطمه....مع الايام يزداد قسوه وياي...شو أسوي...لا تقولولي طلاق..ما راح أقدر..لأني جربته..وحسيت بالمراره..ومحاكم...ما أقدر أخوضها.... وكل هذا أحس أنه ما يثق فييه..حتى مع أخوي أو مع عمي يبوني أطلع وياهم يسويلي سالفه فيهاانصحوني..وايد محتاجه لنصيحتكن ودعاكن..أحس أنه قاعد يدور على الغلطات والزلات...سو أسوي انا أنسانه أحبه وايد....وأبي عيالي يتربون مع أبوهم...:sad:
رسالة استغاثه
ن
02-09-2006 | 05:54 AM
ت
02-09-2006 | 06:20 AM
[CELL="filter:;"][ALIGN=center]اذا تاب وانتي تبينه فالحمد لله وجاء دورك اعيدي رسم حياتك مره ثانيه معه طول اليوم خليك رومنسيه في اغلب الاحيان وهو مع الوقت راح يتغير ويرجع لك ويترك العالم الثاني من المغازل اذا يغازل فاهو ناقصه كلالالالالالام او كلمات دلع ..غزل ...رومنسيات ...وهذي طبيعه المرأه تبحث عن كل شي يثبت بنيانها الزوجيه ولا تخلي ريح ولو كانت قويه تهزه ....استخدمي المسجات الغزليه في طلباتك لاي امر تبين مثل سوق او روحه وخاصه الطلعه اذا تبين بكره تطلعين قبلها بليله يعني زي امس سويله حركات غيييير <<خاصه>>> اشكال والوان ودلعيه ولاراح اتوقع من بكره انه راح يقول لا لانك البارح امتعتيه ..واذا قمتي من بكره اليوم الي تبين تروحين فيه صبحي عليه بكل دلع ورومنسيه وخلي هذا ديدنك معه اغلب الوقت الا اذا زعلتي فاقطعي عنه كل شئ بس مو من اولها بعد ما يتعود عليها .....وراح يحس بانه فيه شئ ناقص وهو حركاتك .....فاثني عليه ودلعيه واعيدي حياتك من جديد وكانك عروس فانظري مثلا انتي اليوم عرسك وش بتقولين له وكيف بتحاكينه وكيف وكيف وكيف ارجعي بذاكرتك يوم انك عروس واعيديها بس بتكون غيير اول ....ولالالا تياسين كرري وكرري وكرري الى سنه او اكثر ....انا محدثتك فيه اشياء اعملها ولا احصل على الي ابيه وخلالالاص يداوم عليها الابعد 3سنين بس في الاخير فزت ومع التجديد تتحسن الحياه اكثر ...بس انتي شوفي ليه يبغى يسمع كلمات الغزل دليل انك ما تبتكرين شغلات وكلمات جديده والى في التلفون عندهم ابتكارات عشان كذا يحب يسمعهم ....والله يسهل لك [/CELL]
ا
02-09-2006 | 08:38 AM
حبيبتي الله يكون بعونج ان شالله يااااااااااااااااااارب واستخيري ربج
وميخالف تحملي يالغاليه عشان عيالج اكيد بيجي اليوم اللي بيتغير فيه ان شالله
وادعيله بالهدايه والاستقامه يارب 0
والله يوفقكم يارب
كاسكو
وميخالف تحملي يالغاليه عشان عيالج اكيد بيجي اليوم اللي بيتغير فيه ان شالله
وادعيله بالهدايه والاستقامه يارب 0
والله يوفقكم يارب
كاسكو
ن
02-09-2006 | 08:42 AM
الله يصبرك اختي
ادعي له بالهدايه وحاولي تتحملين وتصبرين وان شــاء الله مأجوره على صبرك
الله يصلحه لك يارب ويغير حالك الى الافضل
يارب فرج هم اختي واسعدها واصلح لها شأنها
ادعي له بالهدايه وحاولي تتحملين وتصبرين وان شــاء الله مأجوره على صبرك
الله يصلحه لك يارب ويغير حالك الى الافضل
يارب فرج هم اختي واسعدها واصلح لها شأنها
ا
02-09-2006 | 09:24 AM
الله يهديه ياااااارب ويصلحه ويسخركم لبعض ويلم شملكم يارب
وانا انصحك تغيرين من الروتين اليومي بالبيت وتحاولين تجددين
لأن الروتين اهم عامل للفتور
واهم شي انه رجعك وحس بقيمتك وانتي لاتضغطين عليه وتبينين له اكبر همك الطلعات
وانا انصحك تغيرين من الروتين اليومي بالبيت وتحاولين تجددين
لأن الروتين اهم عامل للفتور
واهم شي انه رجعك وحس بقيمتك وانتي لاتضغطين عليه وتبينين له اكبر همك الطلعات
م
02-09-2006 | 02:19 PM
اختي نصيحه لج .. اذا تحبينه او ما تحبينه احتسبي الاجر لله ...
اذا يبتيله كوب ماي قولي اجري عند الله ... و عطيه و انتي تبتسمين
و كل ما ضايقك ولا زعلك ابتسمي و قولي ربي يشوفني و يشوف صبري عشان الله يوفقني و عيالي بصبر ..
جربي هذه الطريقه بوسيه على راسه اذا ياب اغراض البيت و قوليله يزاك الله الف خير ما تقصر .. بيستغرب بس صدقيني هذه البوسه بتحرك فيه مشاعر ممكن يمنعج وممكن يقولج اخر مرة مثلا لانه بيستحي ..
دايما خليله مطلع على البيت و اموره يعني اليوم صار موقف و صار كذا و متنا من الضحك على فلانه قوليله السوالف اللي تضحك لا تعطينه تقرير ينكد ...
كل هذا عشان يحب البيت و ويحب الحياة و يفهم ان هو المفروض يبادل و يتغير
و تذكري لن يغير الله بقوم حتى يغيروا ما بأنفسهم .. انتي تغيري هو بيتغير بس المعادله تقول ثقي بالله و اصبري ...
نقطه ثانيه .. هذا زوجج لج وحدج تمسكي فيه لاخر درجه و اقري و اتعلمي عشانه و سوي اللي يحبه ..
و اذا تبين عندي تمرين يساعدج انج تشلين الافكار السلبيه تجاهه و تتحول الى ايجابيه ..
ولا تنسين الدعاء اهم ما في الامور الدعاء ..
ادعيلي ان الله يهديني ..
اذا يبتيله كوب ماي قولي اجري عند الله ... و عطيه و انتي تبتسمين
و كل ما ضايقك ولا زعلك ابتسمي و قولي ربي يشوفني و يشوف صبري عشان الله يوفقني و عيالي بصبر ..
جربي هذه الطريقه بوسيه على راسه اذا ياب اغراض البيت و قوليله يزاك الله الف خير ما تقصر .. بيستغرب بس صدقيني هذه البوسه بتحرك فيه مشاعر ممكن يمنعج وممكن يقولج اخر مرة مثلا لانه بيستحي ..
دايما خليله مطلع على البيت و اموره يعني اليوم صار موقف و صار كذا و متنا من الضحك على فلانه قوليله السوالف اللي تضحك لا تعطينه تقرير ينكد ...
كل هذا عشان يحب البيت و ويحب الحياة و يفهم ان هو المفروض يبادل و يتغير
و تذكري لن يغير الله بقوم حتى يغيروا ما بأنفسهم .. انتي تغيري هو بيتغير بس المعادله تقول ثقي بالله و اصبري ...
نقطه ثانيه .. هذا زوجج لج وحدج تمسكي فيه لاخر درجه و اقري و اتعلمي عشانه و سوي اللي يحبه ..
و اذا تبين عندي تمرين يساعدج انج تشلين الافكار السلبيه تجاهه و تتحول الى ايجابيه ..
ولا تنسين الدعاء اهم ما في الامور الدعاء ..
ادعيلي ان الله يهديني ..
د
02-09-2006 | 02:49 PM
الله يساعدج يا اختي ...والله اني حاسه فيج...الحرمه من تعرف بخيانة ريلها يتم في داخلها جرح لو تاب وحاول يتصلح بعد الجرح موجود...لا تفكرين في هالشي الغاليه وحاولي وياه مره ومرتين وثلاث ...اولا اهتمي في بيتج وترتيبه واهتمي في عمرج اكثر وتدلعي عليه ...دوري على الشي الي يلقاه في البنات ولا يلقاه عندج...فمتيني ..
الشي الثاني انج تصارحينه...بس بطريقه حلوه ...تعدلي عدل ورتبي غرفتج وعطريها وانتي اكشخي ...ورقدي عيالج...واذا قدرتي تشترين هديه بسيطه له مثلا العطر ومستلزماته...المهم عشيه وايلسي وياه...يودي ايده وحطي عينج بعينه...قوليله ..يا بو فلان...وتكلمي اول شي عن اشكثر تحبينه وانج حزينه لان هالشي يصير من بينكم ...وذكريه بايام العرس ...ولا تقوليله انته غلطة وسويت لا ..فهميه انج ما بتستغنين عنه لو هو استغنى عنج...خليه يحس ويقول لنفسه والله حرمتي ما في احسن منها..عقب بوسيه على راسه...وقوليله اذا انا مقصره في حقك او تباني اتغير او شي مب عايبنك قولي وانا بسوي الي تباه ويطيب خاطرك..بس لا تصير مشاكل من بينا ...اختي الرياييل مثل اليهال ...اهم شي يسمعون ان شاء الله وحاضر وحبيبي وفديتك...بس ..هذا الي يبونه..وان شاء الله يتغير ان شاء الله...
واهم شي ...الدعااااء...اختي لا تنسين الدعاء اهم شي تدعين انه الله ييسر امورج وياه ويهديه...
الشي الثاني انج تصارحينه...بس بطريقه حلوه ...تعدلي عدل ورتبي غرفتج وعطريها وانتي اكشخي ...ورقدي عيالج...واذا قدرتي تشترين هديه بسيطه له مثلا العطر ومستلزماته...المهم عشيه وايلسي وياه...يودي ايده وحطي عينج بعينه...قوليله ..يا بو فلان...وتكلمي اول شي عن اشكثر تحبينه وانج حزينه لان هالشي يصير من بينكم ...وذكريه بايام العرس ...ولا تقوليله انته غلطة وسويت لا ..فهميه انج ما بتستغنين عنه لو هو استغنى عنج...خليه يحس ويقول لنفسه والله حرمتي ما في احسن منها..عقب بوسيه على راسه...وقوليله اذا انا مقصره في حقك او تباني اتغير او شي مب عايبنك قولي وانا بسوي الي تباه ويطيب خاطرك..بس لا تصير مشاكل من بينا ...اختي الرياييل مثل اليهال ...اهم شي يسمعون ان شاء الله وحاضر وحبيبي وفديتك...بس ..هذا الي يبونه..وان شاء الله يتغير ان شاء الله...
واهم شي ...الدعااااء...اختي لا تنسين الدعاء اهم شي تدعين انه الله ييسر امورج وياه ويهديه...
,
02-09-2006 | 07:37 PM
مافي الا انك تكلمينه خلي عندك شخصيه قويه وحازمه معاه
يعني انتي والسموحه مو شغاله عنده مالك لا كلمه ولا راي انتي زوجته
ومراح تقعدي معاه ليله ولا ثنتين هذي عشره عمر
لو قعدتي على كذا ماراح يتغير شيء
كلمه وقوليله كل الي في نفسك واقولك انتبهي تسكتي على الاهانه
ولا تعودينه انه يطول لسانه عليك ترى الزواج احترام اذا راح الاحترام بين الزوجين
راح كل شيء
قوليله اذا انا مقصره في شيء قولي وانا اعدله لكن هذا الاسلوب ابد مايحل
اي مشكله بالعكس يزيد المشاكل
والله يكون في عونك ويهديلك زوجك
ادعيله دايم ربي يفتح لك في قلبه
يعني انتي والسموحه مو شغاله عنده مالك لا كلمه ولا راي انتي زوجته
ومراح تقعدي معاه ليله ولا ثنتين هذي عشره عمر
لو قعدتي على كذا ماراح يتغير شيء
كلمه وقوليله كل الي في نفسك واقولك انتبهي تسكتي على الاهانه
ولا تعودينه انه يطول لسانه عليك ترى الزواج احترام اذا راح الاحترام بين الزوجين
راح كل شيء
قوليله اذا انا مقصره في شيء قولي وانا اعدله لكن هذا الاسلوب ابد مايحل
اي مشكله بالعكس يزيد المشاكل
والله يكون في عونك ويهديلك زوجك
ادعيله دايم ربي يفتح لك في قلبه