طريقة الرد

العمرة مقبولة

العمرة مقبولة
عظم الله أجرك

ممكن كل وحده عندها عبارات تعرفها تضعها في الموضوع ليعم النفع

وشكرا لك ياشريفة على المشاركة

الاول : ما احلى ملابسك

الثاني : ( تسلمي هذا من ذوقك ) او ( عيونك الحلوين ) ....

الاول : سلّمي على اهلك

الثاني : ( سلمتي ودمتي ) او ( الله يسلمك ) ...

بعد ما يشرب الضيف القهوة يقول : دايمة

يرد المضيف : ( صحة وعافية )...

لما يخرج الشخص من الحمام بعد قضاء حاجة يقول له الشخص المقابل : شوفيتم

فيرد الشخص الخارج من الحمام ويقول : عوفيتم....

لما يستحم شخص ويخرج من الحمام يقول له الشخص المقابل : نعيما

فيرد الشخص الخارج من الشاور او الاستحمام : الله ينعم عليك..

اذا ناديت على شخص وجاوب : نعم

تردي عليه وتقولي : نعمة الله عليك ..

اذا زرتي مريض تقولي له : سلامتك ، ما فيك شر ان شاء الله

يرد المريض : الله يسلمك ويحفظك...

اذا جاء ضيف تقولي له بعد ان يجلس : (هلا والله) او( اهلا وسهلا)او ( حلّت البركة والله ) او (حياك الله)

فيرد الضيف : ( اهلين فيك ) او ( بيك اكثر ) او ( الله يحيّيك ) ....

(خطاج الشر) ===> (الشر مايجيك)

(الحمدلله على السلامة) ===> (الله يسلمج)

(جزاج الله خير) ===> (جزاج من مثله)

(الله يعطيج العافية) ===> (الله يعافيج)

(نعمتكم دايمة) ===> (بالعافية)

(اجر وعافية) ===> (الله يعافيج من الشر)

(عمرة مقبوله) ===> (تقبل الله منا ومنكم)

(عيدج مبارك) ===> (عساج من العايدين)

(كل عام وانتي بخير) ===> (وانتي بخير)

(مبروك عليج الشهر) ===> (علينا وعليج انشالله)

(مبروك ماجاج) ===> (الله يبارك فيج)

(يتربى في عزكم) ===> (ربي يسلمج)

(عاشت الاسامي) ===> (عاشت ايامج)

(عظم الله اجرج) ===> (اجرنا واجرج)

(تسلم ايدينج) ===> (الله يسلمج)

(صباح الخير) ===> (صباح النور)

(مساء الخير) ===> (مساء النور)

(حياج الله) ===> (الله يحيج)

(لا اله الا الله) ===> (محمد رسول الله)


هذا اللي الحين اتذكره وانشالله اذا تذكرت شي برجع واكتبه لكم

مشكوريييييييييييييييييييييييين على إثراء الموضوع
والله يجزاكم كل خير
" العروس سوسو" :ok: و "البلورة القطرية":ok:
:shy:
منورين الموضوع و مشكورين مره ثانيه

ااااااااااااه من طريقة الرد
احيانا الواحد يتفشل بس يحرك شفايفه
خاصة اذا كان مع ناس كبار من السن
يعني مع احد فعمرك يمكن انك تمشينها
..
.
نسلمي اختي على طرح الموضوع ..لانه مهم

سلام


**حلو عليك هذا البس **=======>الرد**الحلامنك وفي حلاك ** او ** عيونك الحلو**

**ماتشوفين شر &اذا كانت مريضه ========>>الرد **الشرمايجيج ولا يبتليج**
اذا اكلت الضيفه شي عندك وجات بتقوم من المائده تقول &سفرتا دايمه او نعم الله عليكم =====>>الرد عليها **الله يدوم عليك العافيه والصحه اوهنيه وعافيه **
بما ان شخص غاب مده ودق عليك او جا تقولى **هلا ومسهلا وانا اقول سماعتى منوره او وانا اقول بيتي منور اليوم اثاري بحضورك ======>الرد** منور فيك وبااهله يالغاليه
والكثييييييييييييييييير

حلو الموضوع

نبي
اكثر

طيب لما يرجع احد نم السفر مثلا اخوج يقلون قرة عينج
مااعرف ارد واحيان اسكت

مشكوريييييييييييييييييييييييييييييين على الردود
والله يعطيكم العافيه

موضوعكم وااايد حلو ....

وجزاك الله خير

حياكم الله بالموضوع

مشكووووووووووووووورة

العفـــــــــــــــــــو
أتمنى انه من يكون عنده زياده يضيفها

اذا وحده عطست تقولين لها ( رحمج الله ) الرد : ( يهدينا ويهديج الله )

واذا وحده صحت من النوم تقولين لها ( صح النوم ) الرد : ( صح بدنج )

واذا وحده البست شي جديد تقولين لها ( ملبوس العافيه ) الرد : ( الله يعافيج )

واذا وحده قالت لج تستاهلين تقولين لها ( تستاهلين الطيب )

واذا وحده قالت لج ( تفضلي ) تقولين لها ( دام فضلج )

واذا وحده قالت لج ( دووم ) تقولين لها ( يدوم عزج)

واذا وحده قالت لج ( من عيوني ) تقولين لها ( عيونج سالمه )


أختي ^^روز^^ اذا حد قال لج قرت عينج تردين عليهم (( بوجه نبيج ))


ومشكوره أختي star

عالموضوع الحلوو والشيق

والله يعطيج العافيه وعساج عالقوه يارب

ونترقب جديدج القادم

أختج الدانـــه

^^روز^^:
حلو الموضوع

نبي
اكثر

طيب لما يرجع احد نم السفر مثلا اخوج يقلون قرة عينج
مااعرف ارد واحيان اسكت

اهلين اختي

لما يقولولج قرة عينج ===================> تقولين بوجه نبيج

فكرة حلوة عشان البنات يتسفيدوا وخصوصا إلي مقبلة على زواج

لازم تبان سنعه وخصوصا قدام اهل زوجها وزوارهم.....

مشكورين على تفاعلكم مع الموضوع
والله يعطيكم ألف عافيه