حرقان المعدة

السلام عليكم





مايشوف شر انشاء الله اختي شيخة الزين



بس انا اعرف انه الخيار يودي الحرقان



والحليب البارد كمان .


وانشاء الله اكون فدتك.










اختك:







وردة (f) المدينة

والله أنا عجزت بهالحرقان مابقا شي ماسويته .. ياليت اجميع يشاركون ويعطوني انا والاخت حل .. لاني من جد من كثر ماتعودت عليه خلاص معد أدور على شي مع انه هالكني والله مااكل شي الا اموووت موووووت

الله يعيني واياكم

مشكورة اختي وردة المدينة والشر مايجيج ان شاء الله :)
مالي غير الخيار لأن زوجي مايشرب الحليب كلش:(

واختي شوكولاتة الله يعينج ويشفيج ان شاء الله واتمنى انج استفدتي من حل وردة المدينة..

واتمنى من اللي عندها حل غير الحل المطروح ماتبخل :)
لان مش شرط ان الحليب والخيار يفيدون مع كل الحالات والاشخاص..

والا انتوا وش رايكم;)

السلام عليكم ورحمة الله وبركاته اما بعد انا وجدت افضل علاج له بعد اللجؤ الى الله سبحانه وتعالى ان لا تشرب اي مشروبات مثلجه او بارده جدا مثل الماء او العصيرات والاايس كريم وكما قال الرسول صلى الله عليه وسلم 0 //المعده بيت الداء والحمية راس كل دواء // وعليه ترك البهارات والطماط والتدخين والمنبهات والمخللات والمقليات بشكل نهائى اتمنى من الله جلت قدرته ان يشفيه لكى اختى الكريمه

اسمعي لازم يسوي منظار عند العمادي في عيادتهالمنظار يكلف 750 ريال للمعده ويعرف ايش فيه وبعدين انا كنت اموت من المعده سنين واعاني منها ولكن والحمد لله وللدكتور العمادي كشف علي وسوى لي منظار وطلع عندي فتق في الحجاب الحاجز والسبب البكتيريا في المعده والحمد لله وصف لي علاج كلفني 2000 ريال لكن قلعت الفلوس اهم شي الصحه ولا اقعد اطالع الناس ياكلون وانا دمعتي على خدي والله الم كان يخليني اصارخ واكره العيال وزوجي مسكين ما قد يتحمل منظري هذا وبس لزم اروح واعالج مسكين ما قصر والله بس ممكن في الوقت الراهن يشرب حليب با وخيار
وفي بعد قشر الرمان المطحون مع العسل من كل شي ملعقه على الريق كم مره في اليوم ممكن نقول 4 مرات في اليوم او اكثر وايد زين لك هذي العلاج يطو خليه يروح حق العمادي ويفتك
ترى الحمضيات ممنوع والروب واللبن والدسم والدهن والشوكلاته والمنبهات
اتمنى اني افتدك

مشكورين حبيباتي على النصايح :)

تسلمون..والله يعطيكم الصحة والعافية إن شاء الله

ومشكورة اختي قطرية وأكيد راح نزور العمادي..ومثل ماقلتي ماتهم الفلوس المهم الصحة ;)

تحياتي