مشكلة بنتي

هلا اختي لولو...


اختي استهدي بالله.. لا اله الا الله

اول شيء البنوتة عمرها صغير... يعني لحد الحين ما تعرف شنو يعني انها ترضع شبعتها وبس.. فما دام الخير والحليب موجود فهي تشرب لما يطفح عليها وتفرغه...

هذي المشكلة عادية اختي.. وحلها بيكون سهل ان شاء الله اذا صبرتي عليها وطولتي بالك...
اول شيء فترة الرضاعة.. كم دقيقة تخليها ترضع ؟ اول شيء خليها لا تزيد عن 20 دقيقة لكلا الثديين.... وبعد انتهاء المدة حتى لو كانت تريد المزيد .. حطي اصبعك الصغير في زاوية فهمها لما يفتح واسحبي الحلمة بهدوء وببطء.. انتبهي ولا تشديها عشان ما تصير لك شقوق او تتضرر الحلمة..

اذا واصلت بكاءها .. اعطيها نصف رضعة ماء بالاعشاب وخليها تهدأ عليها.. لا تنسي ان تقومي بتجشئتها بعد الرضاعة مباشرة..

اذا تعودت على فترة الرضاعة هذه.. عوديها بالتدريج ان تكون الرضاعة كل ساعتين.. واذا بكت بعد ساعة.. فحاولي اعطاءها الماء ، واصبري معها لنصف ساعة ثم اعطيها.. وبعد ذلك حاولي ان تكون المدة التالية ساعتين حتى تتعود على نظام للرضاعة وتشرب حاجتها فقط ..

الله يوفقك ويعينك على المسؤلية.. :)

الله يخليها لك يارب،،، بنتك بعدها صغيرة يعني تحتاج على طول للحليب، مثل ماقالت الأخت جمانة عطيها من كل ثدي مدة ربع ساعة تقريبا وبعدها وقفي عنها،،، بعدها بفترة عطيها مرة ثانية...
بنتك يمكن ترجع لأن تأخذ كمية كبيرة ماتحتاجها وعشان كذا تطلعها....

انا عانيت من هالمشكله مع بنتي لحد ما كملة السنه و بعدها الحمد لله راح عنها الترجيع
كانت ترجع بشكل مو طبيعي و خفلت و ما خليت عياده الا و لفيت عليها
كلهم يقولون طبيعي طبيعي
و كانت او ما اشيل الرضاعه من فمها و احاول اربت على ظهرها اطلع الهوا ترجع الحليب
بعدين امتنعت قمت بس اشربها الحليب ما احركها نفس الشي
و ظلت على هالحال ست شهور ترجيع غير طبيعي حتى و الله ملابسها ما كانت تنظف على طول تغيير تغيير تغيير

و بعد الست شهور بدا شوي شوي يخف و كان احياتا يزيد و يرجع يخف
لحد ما وصلت السنه الحمد لله راح عنها كل شي و الحين عمرها بسم الله ما شاء الله سنتين تقريبا و صحتها الحمد لله اوكي


كل الدكاتره كانوا يقولون لي دام وزنها بازدياد و ما تشكي من شي هالترجيع كبيعي و لا تفكرين فيه

شكراً لكم جميعكم أخواتي عاهل النصايح الكتيرة بس شغلة تنظيم الرضاعة ما عم بقدر عليها ما رضيت تاخد اللهاية و الرضاعة كمان انا حبيت رضعها يانسون فما رضيت الرضاعة نهائي متعلقة بصدري بشكل رهيب حتى وقت النوم تستعمله لهاية اذا ما رضعت منه و بتظل نايمة بحضني و بس تنزل عالسرير بتصحى فعم نام وانا جالسة و ما عم بقدر عليها نهائي واذا عندكم طريقة لتاخد اللهاية بكون شاكرة كتير فبالله عليكم اذا عندكم حلول لمشاكلي الكتيرة تسعفوني لاني أم جديدة و مافي حدا حوالي بالغربة أسأله

معليه اختي لولو.. تحملي واصبري.. الامومة حالها جذي... وكل الامهات يمرون بمثل ما تمرين فيه.. وان شاء الله كلها فترة وتعدي .. وينتظم كل شيء لج وللبيبي..

شوفي بالنسبة للمصاصة ..

هذا الموضوع
من هنا


وبالنسبة لنوم الطفل في الحضن.. اكيد شغلة مرهقة ومتعبة جداً .. ومشكلة اذا تعود الطفل على الحضن صعب ينام بدونه... جربي اختي هذي كحل بديل .. ما راح تحل المشكلة لكن بترتاحي على الاقل وهي مثل الارجوحة تحطين فيها البيبي وتهزينه لما ينام .. وتقدرين تتمددين بجانبها تاخذين قسط من الراحة.. :)

تقريبا شكلها مثل هذي



ويكون الطفل فيها بوضعية الاستلقاء وليس الجلوس.. ويمكنك ازالة الالعاب وقت النوم .. من مذركير.. ( والله محصل هالمحل دعاية من ورا ركننا بالمجان :D )

اي شيء آخر انا حاضرة لج اختي ولاستفساراتج ..