:: حبوب غريبة أرجوا المساعدة أختي الغالية::

بسم الله الرحمن الرحيم

السلام عليكم ورحمة الله وبركاته...


كيفكم خواتي؟ عساكن بخير :)

اصارلي تقريبا اسبوووعين وانا اوسوس وخاايفة والله.. :(

وما عندي حد اشكيله :( ويسمعني .. المهم

يا خواتي العزيزات.. في آخر ايام سفري يتني الدورة الشهرية .. وكانت متأخرة 5 او 6 ايام تقريبا..وكان مزاجي فيها زفت .. وكله زعل مع زوجي!! انا وهو عارفين انها تغير في الهرمونات.. بس كانت بدرجة فظيييعة والله.. المهم

وبعدها يتني الدورة وفي نفس اليوم.. مشيت عالكورنيش ساعة تقريبا
الأغرب في السالفة انه في هالدورة ما حسيت بآلااااااااااام!!!!!!!!!!!!!! وكنت اتوقعها كل لحظة!! وخلصت ولا حسيت! مع انه دورتي الكل عارفها تذبحنييييي عوار فظيييع

ثانيا في اليوم قبل الأخير لاحظت حبوب تطلعلي مثل حب الشباب هو حب الشباب في وجها وكتفي واعلى الظهر وشوي في صدري :( ومشوهه منظري :( زوجي يقول يمكن جدري بس طبعا لا نه ياني من تقريبا 6 سنوات.. واللي الحين ياني مش منتشر في الجسم كله نفس الجدري..


كملو معاي.. واستحملوني

المهم .. واللي لا حظته بعد في السفر ياني امساك :sad: ودايما بطني تعورني بس بشكل خفيف وخاصة قبل الدورة.. وأحس مثل ألم في الكلى..

ويا خواتي الحبوب للحين ما خفت :( وانا خايفة.. والامساك مستمر بس على اقل شوي ..

انا اوسوس بصراحة وخاصة ب "القولون" :( او " تكيس المبايض"

ممكن حد يقولي شو صااار خواتي والله خايفة..

محد يقول روحي المستشفى .. بروح ان شاء الله بس بعد زوجي ما يرجع بعد اربع ايام :(!

ممكن حد يساعدني وويريحني ؟؟

ولكم مني كل التحية والاحترام..

أختكم
عروس الجنة