تهت وتعبت ابيكم تعطوني رايكم وتدعولي

اخواتي الكريمات
الله يجزا كل وحده فيكم الف خير والله اني ان شاء الله ادعيلكم من كل قلبي
اخواتي العرايس
انا بنت اتمتع بحالاوه وجاذبية ملفته للنظر ولله الحمد والمنه ومن غير ماأمدح نفسي ان رجلي
( اكرمكم الله ) ماتحط مكان الا والغالبيه ( ان كان مو الكل ) يطالعوني بعين الاعجاب
وانا بعد متعلمه وحاصله على وظيفه مرموقه وفي طموحي اني احصل على شهادة الماجستير قريبا ان شاء الله .
والحمدلله انا من عائله معروفه ومحترمه ووضعنا المادي فوق العادي والحمدلله
مشكلتي هي :
اني تقدمولي الكثييييييييييييير الكثير من الشباب اللي تتمنى كل فتاة ترتبط بهم لكن كان دائما رد الوالده بالرفض!! والاسباب غيييييييييييييييييييييييييير مقنعه بتاتا مثل :
1- انه ماينتمي الى قبيله ( قلنا مو مشكله لان هذه عادات مانقدر نتجاوزها )
2- انه مرات يكون من عائله غنيه جدا ( يعني تخاف يشوفون حالهم علينا )
3- انه يكون من عائله معروف عنهم الجمال ( فاحتمال كبير اني مع الوقت مااعجبهم ويشوفون الفرق اللي بيني وبين بناتهم )
4- و.........و .............و ووووو وغيرها من الاسباب اللي ماتدخل العقل نهائيا وطبعا الوالده الله يحفظها ويخليها لي ياااااارب من الدقه القديمه اللي نشوفها احنا بنات هاليومين تتعارض تماما مع افكارنا عشان كذه كانت توافق على شباب احس اني مستحييييييييييييييييل اني ارتبط بيهم ولا تحسبوني متشرطه لا والله لان اللي وافقت عليهم الوالده وانا رفضتهم كان فيهم عيبين لاااااااااااااااااااااااااااااااااااااااااااااااااااايمكن اني اتجاوز عنهم اللي هم : العمر ! او فارق السن والوظيفه لان اللي تقدمولي يصغروني ب 5 و6 سنوات والله ب 8 سنوات بعد وكلهم ماعندهم وظائف واللي عنده وظيفه يكبرني ب 17 عاما ومطلق وعنده 4 من الاطفال اكبرهم اصغر مني ب 7 او 8 سنوات
مشكلتي اللي تحسرني ان الوالده ترجع تندم بعد ماترفض الشاب المناسب وتقول والله لو يجي مره ثانيه لوافق عليه على طول وهذا القول كررته على كذا شاب كنت اتمنى اني ارتبط به بس سبحان الله رفضتهم من قبل حتى تشاورني يعني لا استخرت عليهم ولا شئ !
وقبل فتره تقدملي شاب ماخطر على بالي ابد ووافقت انا والوالده عليه لكن سبحان الله الى الان مااكتمل النصيب وهم يماطلون من غير مايعلمونا السبب ( اللي اعتقد 99% انه بسبب وضعهم المادي المتواضع )
والوالده ماوافقت الا لان العمر فاتني واصبحت على مشارف ال30 تخيلو كنت انخطب لافضل الشباب من عمري 16 وسبحان الله
اخواتي الغاليات انا مااعترض على قضاء الله وقدره والى الان ماوصلتكم لمشكلتي اللي حيرتني
اللي هي ان الضيييييييييييق بيذبحني لان زواجي من هالشخص اقترب لانهم طلع كلام عنهم انهم مجهزين للزواج في خلال شهرين او ثلاثه بالكثير واني بديت احس بالندم لاني وافقت وبعد الوالده من فتره طويله حست بالندم انا متردده بالحيل حاسه كني وافقت عليه بسبب تأخري بالعمر وتدرون ليش لانه اصغر مني بسنه وشوي ولان ماعنده الا وظيفه براتب ضعييييييييييييييييييييف جدا مايجي ربع راتبي !! ووظيفته مستحيل ترقيتها ومامعاه الا شهادة الثانويه العامه وانا متأكده انه مااختارني الا عشان راتبي وزبعد معروفعنه انه انطوائي ماله اصحاب
والله اني تعبانه بالحيل اطالع بنات قبيلتي كلهم تزوجو وخلفو من زمان وتزوجو من شباب ينحسدون عليهم ( وربي وحده شاهد اني مااحسدهم ولكن اغبطهم ) علما باني اجملهم كلهم دون منازع والله كثيييييييييييييير شافوني مو مصدقين اني من قبيلتهم وكثير يقولون : من وين جايبين هالبنيه ؟! والله كذا وحده تسألني : انتي لك احد من اجدادك اجنبي ؟! والحمدلله على كل حال

خايفه اني ارفضه وافضل عانس خصوصا انه بدؤ الكهوله والمتزوجين يطرقون بابي واخاف اني اوافق عليه وانا في نفسي غصصصصصصصصصصصصصصه والله كنه في جبل غاصني في حلقي ودي اصرخ باعلى صوتي
مابييييييييييييييييييييييييييييييييييييييييييييييييييييييييييييييه ولا ابي اتزوج خلاص
واحس بنار في صدري وانا اطالع كل اللي تقدمولي تزوجو وخلفو ووالله من غير غرور وبشهادة الجميع ( والله ماهو قولي ) اني اجمل من كل اللي اتزوجوهم ماأقول اني افضل لأ انا بس اجمل وهالنار ماهي نار الحسد لا حاشا لله هذه نار الام على نفسي والحمدلله الذي لايحمد على مكروه سواه
اخواتي نوروني انا يمكن نفسيتي تعبانه عشان كذه تفكيري مشوش وماني قادره افكر صح والله قاعده اكتبلكم ودموعي ترقص في عيني
حاسه انه حظي اسود ووالله اني اعاني من مشكله ثانيه عويصه واحس ان الدنيا من زمان وهي مسوده في عيني
انا حاسه اني تسرعت وظلمت نفسي واني توني بديت اشوف عيوبه
اخواتي الحبيبات نوروني الله ينورلكم طريقكم للجنه وردو علي واللي ماترد الله يسعدها تدعيلي لو لحظة وهي تقرا قصتي ان الله يفرجها علي عاجلا غير اجل