حز بخاطري

هلا اختي

انتي يمكن ماخذه كريم اساس ثقيل اخذي خفيف

انا عن نفسي استعمل مايبيلين الموس وايد حلو وخفيف
وكانبيو بعد كنت استخدمه حيل حلو
جربيهم على ايدج اول وشوفي درجة اللون اذا ناسبتج

ويمكن انتي ماتعرفين توزعين الكريم الاساس
خففي منه

وبالتوفيق يالغاليه

انصحج ب نوبا من مكياجي... اشتري الستيك و لا تاخذين لون افتح من بشرتج خذي اغمج... بتهبلييين
خخخ

و بعد ديور الرش رهيب.. انا هال2 ما ابدلهم و لا استغنى عنهم

تسلموووووووون على ردكم الطيب

ننتظر المزيد من الآراء

انا اقول استخدمي مايبيلين وجربي التركيبات السائله او الموس وحطي اربع نقاط او خمس بس على وجهج وخذي بوده خفيفه كلش جربي مايك اب فور افر...
او جربي فوتوجانيك من لانكوم

حبيبتي
لاتتضايقين

ترا كلنا صادتنا مواقف جذي

لين ماتوصلنا للاساس المناسب


وباقولج عن تجربتي

الصراحه اساسي مايبقع لا في الشيلة ولا في ثياب غيري ^_*

وطبعا انا عرفت هالاساس بداية من هالمنتدى الغالي

الاساس هو من استي لودر اسمه دبل وير
واكيد بتلاقين الدرجة اللي تناسبج

حطي منه نقطة وحده بس ووزعيها على ويهج

وبعده حطي بودرة ايف سان لوران الاويل فري بالفرشااااااااااااااااة

عشان اذا حطيتي البودرة بالاسفنجة بتاخذين منها وااجد والطبقة بتبين كثيفة وبتبققققققع

واذا ماتبين بودرة ايف سان لوران
حطي اي بودرة تحبينها بس بالفرشاة

وانصحج بفرشاة ماك رقم 187

تراها عجيبة ومهما تحطين من البودرة ماراح يبين

واذا بشرتج حلوة ليش ماتكتفين ببيس مرطب وبودرة خفيفة؟


قلت لج تجربتي
واتمنى انج استفدتي منها

والله يسعدج ويهنيج مع زوجج

وبشرينا اذا لقيتي الحل

ما عليه الغاليه كلنا مرينه بهالمرحله

انا قبل ما كنت احط اساس لانه احب اللوك الطبيعي
بس مثل ما قلتي ما يستوي احط كل شئ وانسى الشئ الاساسي واللي هو الاساس

شوفي انا بقولج طريقه.. ومب لازم تشترين اساس يديد... اذا عندج كريم ستروب من ماك هاتيه وانا اخاف اقولج استخدمي اي كريم ثاني لانه ما اعرف بعدين كيف بتطلع النتيجه :(
فاشتري كريم ستروب من ماك اذا ما عندج وسعره 126 درهم.. وهذا اصلا كريم مرطب بس في شوية اضاءه
المهم حطي على ايدج شوي من الستروب كريم وشوي من الفاونديشن وخلطيهم مع بعض
اما الكميه قها يعتمد عليج كل ما زدتي كمية الكريم كل ما بيكون الاساس اخف..
المهم عقب ما تخلطينهم عدل استخدمي فرشاة الفاونديشن وحطي الاساس على بشترتج
بتقوليلي ليش فرشاه بدل اسفنجه... لانه الفرشاه اكثر تدمج الفاونديشن مع البشره وجي يبين اكثر طبيعي
وبتحصلين فرشاة الفاونديشن والللي رقمها 190 عند ماك وسعرها 100 وشئ ما اذكر
او خذي اللي عند ماركز اند سبنسر وسعرها 55 درهم
وثنيتهم حلوين

بعدين حطي بودره بس لا اتكثرين يعني حطي شوييييه بس عشان يثبت الفاونديشن
ومثل ما قالت اختي نور الدوحه استخدمي فرشاه للبودره وانصحج بفرشاة ماك 187 مثل ما نصحتج هيه
الفرشاه تدمج عدل البودره فما يبين انج حاطه بودره!
وسعرها اظن ب 179 درهم

ان شاءالله قدرت افيدج

والله ان لو في مكانك و بشرتي صافية و روووووووووعة ....ما حط شي غير كريم مرطب و بودرة درجة فاتحة ...شوي بودرة خدود لون وردي طبيعي مع ضربة برونزي خفيف و اطلع جنان وجه مشرق و طبيعي :cool2:

اختي انا انصحك بكريم اساس دريم والبودره من مكياجي

دام انه بشرتج صافيه استعملي فاونديشن من نفس لون درجتج واذا ما تحبين خذي افتح بدرجه...
وعلى قولت ريليج ليش الكريم الاساس يبين....أنا بقولج ليش لو ما خذه كريم اساس فاتح لا تكثرينه على ويهج تراج بتثبتينه بالبودره...واذا الكريم الاساس فاتح لازم البودره تكون أغمق بدرجه....علشان يبين الويه طبيعي وصافي بنفس الوقت...خذيها نصيحه مني ترى عندي خبره بالمكياج وأساسياته..

وان شاء الله اكون افدتج.......واذا بغيتي شي فالج طيب غناتي....

الغالية انصحج بكريم اساس مايبلين الموس.... وااااااااااااااااااايد حلو وخفيف وما يحتاج انج تحطين بودره فوقه لانه يتحول لبودره بعد ما تحطينه على ويهج.....وهذي الدرجه اللي استخدمها classic ivory.... واتوقع انها بتناسبج لانج فاتحه.... سيري لايف ستايل وجربي الاساس وصدقيني ما بتندمين:up:

حبيبتي بخبرج ليش ....... اذا شعر بويهج وايد ومشقر وفوقه كريم اساس فعلن ابين جنه طبقه لانه السالفه من الشعر اللي بالويه ..... وبعدين اذا بشرتج صافيه اتكفي البودره شحقه كريم اساس

ابتعدي عن كريم الاساس واذا بغيتيه استخدمي الساااااااائل بلون اغمج منج بدرجة او افتح منج بدرجة (سائل عسب مايبين جنه قناع ومايكون طبقه ثجيله)

اختي انصحج تستخدمين اساس ديور السبريه

وبس لاتحطين فوقه شي

واذا تبين تحطين البودره
بعد استخدمي بودرتهم

لان اساس ديور وبودرتهم تخلي الوي طبيعي

ورشي مثبت من ماك

وانشالله يثبت

الغاليه اخذي كريم اساس على لون بشرتج او اغمق بدرجه والبودره على لون بشرتج وبيبين لج اللوك طبيعي ...

انا كنت اعاني من مشكله ان الاساس يبقع في ملابسي وشيلتي لين ما كرهت الاساس وصرت ما احطه

بس حصلت كذا اساس وكريم يغطي بشرتي ويكون طبيعي جدا

جربت الاساس الستيك من ماك كان طبيعي جدا ومايبين انج حاطه شي والاحسن انه ما يسيح او يطبع بملابسج والشيله

يمكن انتي مشكلتج انج تكثرين منه حاولي تحطين طبقه خفيفه

من كلامج بشرتج صافيه والحمدلله

يعني ما تحتاجين شي ثقيل يغطيها جربي بس كريم اساس خفيف او الستيك

شفت عند بوبي براون اساس وايد حلو

هو كريم مرطب وواقي واساس في نفس الوقت

بس قلت ماراح اخذه الحين باخذه لما تفتح الجامعه

بس جربته عندها في المحل كان وايد حلو

تاخذين منه شوي بيدج وتوزعينه على ويهج مثل ما توزعين الكريم العادي

تغطيته ناعمه جدا وحلوه وسعره 200 وشي بس العلبه كبيره وتكفي لفتره

جربي تحطين بس اساس سائل اذا بشرتج صافيه انا نصحتني مره اللي تبيع في ديور

اني ما احط بودره فوق الاساس الكريمي اذا ابي بشرتي تصير صافيه

وفي طريقه ثانيه

انج تجربين بس اللوز باودر .. انا اخذت من بروفشنال لوز باودر تحطينها بالاسفنجه المركبه فوق

العلبه نفسها يعني بس تطبطبين على ويهج ويعطيج تغطيه رقيقه جدا جدا

يعني جربي كذا طريقه لين ما توصلين للوك الطبيعي اللي تحتاجينه ومايطبع بملابسج او ملابس

زوجج والله يوفقج ان شاء الله

هذي صوره الاساس الكريمي من ماك اللي اقولج عنه اسمه ستوديو ستك واغلب البنات جربوه

وانا شفته على بنات بشرتهم فاتحه وصافيه مثلج وطالع حلو جدا وطبيعي جدا



وهذا اللي اقولج عنه من بوبي براون بس للعلم ما جربته انا جربت ماك وكان طبيعي جدا يوم جربته
على يدي في المحل واسمه






تحياتي لج

حبوبة بشرح لج طريقتي
انا بعد كانت تبقع في الشيل السودا
وانا استخدم فري اويل من كيلنك الخفيف بتحطين نقط بسيطة وتنشريها وبعدين تجيبي محارم ورقية وتضغطين على وجهك بشويش بينشال الزيادة وبتشوفي نفسك حاطة كريم اساس خفيف
وبعدين جيبي فرشاة او اسفنجة وانشري البودرة على الخفيف ولا تمسيحها لا طبطبي علي وجهك فقط وبعدين بيدك او بفرشاة النفض بالخفيف وشوفي كيف يكون وجهك

وجربي ستيك فاونديشين من ماكس فاكتر رووووووووووعة الله يوفقك

شكرا على ردودكم المميزة

[grade="FF1493 FF7F50 800080 00BFFF 4169E1"]ماشاء الله كل وحده ردها احسن من الثانيه

بس حيرتونا خخخخخخخخخخخ

اسمحي لي اختي برز ويهي شوي


انا اجوف انج تاخذين اضاءه خفيفه وتحطينها ع ويهج

ماله داعي لكريمات الاساس

بس اذا تحسينه شي مهم البنات ما قصرو ربي يوفقهم


اكيد برجع لكم مره ثانيه يوم بفكر اشتري كريم اساس


ويوم تحصلين اللي يناسبج خبرينا عزيزتي
بالتوفيج [/grade]



عيون الورد غاليري

http://www.3roos.com/forums/showthread.php?t=191524

ماك جربته مره روعه ومره طبيعي

ويعطيك لوك حلو وطبيعي وبالنسبه الى بشرتش اذا جايه على بيضه ماانصح بماك لان ماك

جاي على البروز والوانهم كله غامقه شوي

وديوور بصرررراحه روعه الكل اسستخبل علي

وحاولي اذا حطيتي كريم اساس ماتكثري منه

وبعدين تثبته بالبورده بس هم مايكون وايد زياده عن اللزوم

بنات ممكن تحطون صورة ماكس فاكتور الموووس و جم سعره؟؟؟