الحوامل الموظفات .. موضوع للفضفضه

موضوع وايد حلو ..
الله يهون عليح وتولدين بالسلامه ..
اكتب مشاركتي وانا جالسه في البيت ------------------->> (( غايبه عن الدوام ))
مشكلتي نفس مشكلتج .. مالي خلق للدوام .. احس بتعب وكتمه .. وكارهه المكان ..
المشكله اني في بدايه حملي .. ومش عارفه شلووووووووون باستحمل لين التاسع ..

والأدهى والأمر أن المكاتب اللي جنبي فيها موظفين رجال .. وللأسف مدخنين ..!!!

الله يعينك ------------------>> بس التدخين ممنوع عندنا في الدوائر الحكوميه في قطر استغرب من هالموظفين ؟؟

مبروووك الغلا ويارب تولدين بالسلامة ..

بس لفت إنتباهي شئ معين كيف عندكم إجازة أمومة لمدة سنتين يعني نحن ماعندنا هالشئ بس إجازة الوضع

وإذا ابغي تكون وياهاااا اضمها الإجازة السنوية .. :sad:

بالنسبة لمعاناتي والله من تزوجت وحملت وأنا أكرة الدوام حتي دائما اقووول بفنش بس مليت تعبانة ماأقدر

اداوم وخاصة لما أقووم الصبح بالغصب والله إيي الدوام تدرين قبل لما كنت بنت خفيفة بس من تزوجت وحملت

دوم ملانه من الشغل مع إني إلحين في الشهر الرابع .. :shy:

بس الحمدلله عندي شي يونسني في الدوام الانترنت لو ماااشي صدق ضيج أوووف ...

ودائما أقول متي الشهووور بسرعة بطوف وبربي وبرتاح من الدوام .. :clap:

ولا بعد اللي عندج عندنا ترا من رائحة التدخين شوووه اموت من القهر منهم لما اشم ريحه على

طوول اسكر باب المكتب موليه ماإستحمل التدخين .. :angry:

انا انا انا ودي افضفض واطلع الي بقلبي آآآآآآآآآه ياربي

انا صار لي 6 سنين موظفة من يوم ماتزوجت وجبت اول مولود احس اني مو قادرة اركز كل تفكيري في بيتي وابني وعاد الحين حاااامل للمرة الثانية وهذا الحمل بالذات اعاني اعاني اعاني ليش:
- الكسل الفضييييييييع الي فيني (حتى في بيتي كسلانة)
- كل يوم الصباح اطلع من بيتي واروح الكفتيريا وهااااااات ياسندويشات الي بالبيض او الفاصوليا والي بالجبن وبعدين امر على صاحب الذرة واحذ لي ذرة مسلوق وبعدين البقالة اخذ كت كات المهم ادخل مكتبي وفي يدي كيس محمل بالسندويشات والماي والأدوية اليومية والعصاير والذرة والشوكلاتة (كأني رايحة رحلة) وطول مانا قاعدة فمي شغال أكل!!!! وبعد ماخلص كل الي في الكيس نازلة باللبان (طرق طرق طرق ) عندي مكتب لحالي ومغلقة بابة!!
- مكتبي ممل مافي احد اسولف معاه كلهم رجال وكمان الشغل عندي خفيف (احسن)

والأهم طول ماكون في المكتب تلفوني شغال: ابنك يبكي ايش اسوي؟ ابنك مو راضي يأكل؟ ابنك بطنة تعورة؟ ابنك وسخ نفسة؟ ابنك ابنك ابنك؟؟؟؟؟

هذا حالي طول اليوم لين مارجع البيت واحظن ولدي واقعد اسولف معاه (كانة يفهم) طبعا لاني ماعندي شغالة اروح بيتي وكل شي مرمي ع الأرض !!! عاد في بلاوي اكثر من كذا بس استحي اقول لانكم بتقولون لي اترك الوظيفة(ماقدر) !!!!!!!!!



سلامي

هلا والله بالأخوات الفاضلات

والله يعينا ويعينكم ..

نسيت أقولكم شغله .. تخيلوا أن الحمام ( الله يكرمكم ) اللي عندنا بالقسم مشترك ..!!!

أنا باقولكم شلون ..

عندنا بالقسم مغاسل وحمامين جنب بعض وما في حاجز يوصل للسقف .. يعني الباب قصير ..!!

يعني إذا بغيت الله يكرمكم أستخدم الحمام الخاص بالنساء يقدر أي رجل يدخل الحمام اللي جنبي ..!!!!!

يعني بالله عليكم شلون الواحد ياخذ راحته ويتمتع بخصوصيته .. أنا حتى الوضوء للصلاة ما أقدر لأن مدخل الحمام والمغاسل ماله باب .. !!!!!!!!!!!!!!!!!!!!!!!!!!!

وأنا الحين حاااااااااامل .. وتعرفون شنو يصير للحوامل من حاجتهم لأستخدام الحمام بكثرة .. أهئ أهئ أهئ :sad:

آآآآآآآآآآآآه يا ربي شكثر أعااااااااااااني ..!!!

حاولنا بالبداية نفرض عليهم أن الحمامات للنساء فقط .. وأن الرجال يقدرون يستخدمون حمامات الأقسام الثانية .. لكن المسؤول اللي يهديه قال أنه ما يقدر كل ساعه يروح قسم ثاني ويضيع وقته بالسلام على الموطفين وهو في طريقه للحمام .......!!!!!!!!!!!!!!!!!!!!!

بالله عليكم هذا عذر .. !!!!!

والله العظيم طفشت .. وصرت أتغيب وايد عن الدوام .. لأن الحال لا يرضي لا عدو ولا صديق ..!!

هلا بيكم واللع يعينكم

انا الحين بالشهر السابع واول حمل لي وصار لي سنة او اقل شوي بالشغل انا موكلش احس بالكسل بس بداية الايام على التنسي والوحام الحين الام مو طبيعية 8 ساعات على المكتب والكمبيوتر بدون حركة اضغط على بطنى وحالتي حاله ظهري متشلخ صرت مااقدر ارقد عليه احسه دايما مشدود زطبعا لا اقدر اقصر بشغلي لاني جديدة ومحاسبة على كل شي وانا مو حكومة يعني اقدر العب على راحتى حتى الدكتورة قالت لي راس البيبي وايد نازل من كثر القعدة والحركة..لا العجيب بالموضوع انه يم الشغل ماكو باركات والباركات بي للمدراء والقديمين وين اوقف واقعد امشي مشي في هالجو الحلو...ااااافوف

هلا أختي ( مرح الورد ) ..

الله يسلمج كل موظفة تربي لها إجازة وضع مدتها شهرين .. لكن يحق للموظفة اللي كملت أربع سنوات تاخذ إجازة أمومة لمدة سنتين وبراتب أساسي وعلاوة إجتماعية بعد .. أنا بالبداية كنت ناويه أخذ سنة لكن موظفة شؤون الأفراد عندنا قالت لي أخذيها سنتين أحسن بدل لا تروح سنه عليج ..!!!

والواحد الصراحه يبغي الفكه .. أقعد بالبيت أربي طفلي وراتبي ينزل .. نعمــــــــــــــــة ولله الحمد ..

ويحق للموظفه بعد أربع سنوات تأخذ هالإجازة بعد بس هالمره بنصف الراتب الأساسي ..

هلا أختي ( لوري 14 ) ..

إيه المفروض أنه ممنوع التدخين بالدوائر الحكوميـــــــــــــــة .. بس الظاهر عندنا لا رقيب ولا حسيب ..

والمشكلة أن رئيس القسم عندنـــــــــــــا هو نفسه يدخن .. !!!!!!!!!!

يعني حاميهـــــــــــــا حراميـهـــــــــــا .. يعني شلون بشتكي ..؟؟!!

يلا الحمدلله أن رمضان قرب .. وراح نفتك من شرهم وشر تدخينهم ..!!!!!

هلا أختي .. ( صباحي ) ..

الله يعينج كسرتي خاطري والله ..

أنا أفكر بصراحه بترك الوظيفـــــــــــــة .. بس الواحد إذا تعود على الراتب والرفاهيه ما يحب يتخلى عنه .. مجبورين والله !!!!!!!!

وباقي وايد للتقاعد .. :angry:

يلااااااااااااا الله كريم ..

هلا و غلا
سبحان الله أنا اليوم جالسة أشتكي من وظيفتي لأني ملانة منها.. عند الحاجة بس يحتاجوني. طبعا تتسائلوا عن وظيفتي :)
أنا مترجمة في المحاكم كملت سنة و شوية، الوظيفة جديدة و رائعة بس عيبها أيام أكون فاضية و أيام أكون مشغولة..
طبعا حامل في الشهر الأخير حاليا، كل يوم صبح أقوم بكسل مع تشنج في رجولي وبس أتمنى أولد قريب :) موعدي إن شاء الله 23 -9

مرحبــــــــــــــا أختي .. ( bent el ba7rain ) ..

هذي مشكلة الشركات والمؤسسات الخاصة أن الموظف فيها يفتقد للكثير من الأمتيازات اللي يحصلها الموظف الحكومي ..!!!

وأنا للأسف نفسج قالت لي الدكتورة أن الرحم نازل بسبب الجلوس لمدة طويلة ..!!!

يعني شسوي ..؟!

والطامة الكبرى أني إذا قلت لها تعطيني إجازة مرضيه عشان أريح بالبيت .. تقول ماله داعي وبلاش الدلع .. !!!!

الشكوى لله ..

حلوة بلاش الدلع ...
أنا الغياب يكون عندي في الشهر 3 أيام ...
صار اشتغل من سنتين تقريبا ودوامي متعب واداوم من الساعة 8 الصبح الى الساعة 6 المغرب وساعة وحدة بس للغدا ...
يعني 10 ساعات اذا ما طلعت قاعدة على المكتب ...
طبعا النفخ اللي في الريلي غير طبيعي صاير كأنها بالونة ولا أحس بالسوائل فيها
أقوم بالغصب وكل يوم اعطي نفسي عذر عشان أغيب مرة تعبانة مرة أقول مو ضروري اروح مرة اخليها تطنيش ومرة ومرة ...
ما يهمني حتى لو خصموا من الراتب بس اهمشي الراحة ...
بعد ما ارجع من الدوام مالي خلق نفسي ولا تفكرين تقولين لي تنظيف البيت او طبخ ونفخ ولا شي
الحال صعبة ... وزوجي مسكين ساكت مو قادر يسوي شي ويشوف حالتي شلون أمشي كأني بطة
أنا الحين في الشهر الأخير وموعد ولادتي 17/9
اتمنى اني أولد قبل بس عشان افتك من الثقل

انا هب موظقه ..بس اتمنى اني اتوظف لغلى الحياه المعيشيه..

المهم اختي الكل يتعب ف شغله عشان يحلل معاشه..

وحملج المفروض ماتخلينه يكسلبج بالعكس خليه شي طبيعي والحركه لج وايد زينه وقومتج الصبح بتنفعج بعدين لما ينش الياهل كل ساعه ومابتحسين بنوع من الغضب لانه ينششج لو الصبح ..

احمدي ربج ع نعمة العمل واليهال والزواج ..وخلي الشي مسلي لج بدل احساسج بالتعب..

والله بيكون ف عونج ان شاءالله..

وبيسهل عليج..وبيرزقج بالياهل المعافا ان شاء الله..

والتدخين دام انه الرئيس مدخن فما بالج بالبقيه..

الله يكون ف عونج..

ههههههههههههههههه


و الله تعب


زوجات و موظفات و حمل و أولاد و رمضان


يا رب تعينا جميعا

هلا خواتي ..

مشكورات عالمشاركــــــــــــــــــة ..

الله يعينكم والله يالاموظفات


انا كنت موظفه من 7 شهور تقريبا
واستقلت قبل الحمل


كل ما امر على دوامي اقول الحمدلله- اني ما اشتغل
لان صج

الوحدهه يكون مالها خلق كلش ..يالله نفسها ...!!


وانا كان دوامي قريب ووااايد من بيتي( 10 دقايق) لكن الحمدلله مره ثانيه اني استقلت لاني الحين في بيت هلي وبيتهم بعيييييييد عن دوامي مسافة ساعه تقريبا يعني لو كنت اشتغل جان اضطريت اقعد في بيتي وانا كارهته ..!! يالله لوعه والله !!

يعني صج كنت باهلك في الطريق ... من طوله وو الزحمه ...


واستغربت من دوامج قطريه هانم !!

ارفعوا كتاب شكوى ولا اشتكوا في الجرايييد !!

صدقتي والله الحال ما يسر كلش !!

احنا كانت حماماتنا بعييييده يعني لازم تروحين لها اللطابق اللي فوووق

غير جذي احيان اللفت يخترب فنضطر نركب عالدرج ودرجهم طوييييل @@


يالله والله الحمدلله الحمدلله ..الله لايرد ذيج الايام ماكنت حامل لكن كان الدوام مرهقني

الله يعينكم والله يالموظفات

أنا بعدي أدرس الجامعة وهذي أخر سنة .. وعندي 12 ساعة بالأسبوع ادرس بس

وأنا احس اني بتعب .. بس لما سمعت معاناتكم بصراحة أنا ولا شي

والحين انا بالثامن .. وعلى الثلث الثاني من رمضان راح اربي ان شاء الله

وطبعا راح اداوم برمضان اول اسبوع اذا عجبني الدوام رحت ما عجبني باخذ لي اجازة مرضية من المستشفى

والله يعينكم ويسهل عليكم ويخلي معاناتكم أجر من صالح اعمالكم

مشكورات خواتي على الفضفضــــــــــــــه ..

وانا موظفه وحامل وحاليا فالشهر الرابع ..... اتعرفون ادور الاجازه ادواره ... ومالى خلق اسير الدوام وصايره دايما اتاخر بسب والا بدون سبب ....واللى قاهرنى زياده انه اجازه الوضع بس شهرين ومب عارفه استقيل والا اكمل ...


نفسيتى تعبانه من الحين افكر كيف بترك النونو وعند من ؟؟ وبعمر شهرين ... احس بكون تونى اخذ نفس من تعب الولاده ... كيف برد الدوام مش عارفه والله

السلام عليكم ..

الله يعينج والله ..!!

هذ مشكلتي بعد دائمـــاً أفكر واحاتي وين أحط طفلي إذا رحت الدوام خاصة إني ساكنة لحالي .. وأبداً ما أؤيد فكرة أن الخدامة تمسك عيالي ..!!!!!!

:sad: